Mani'zanti Mofo Nanekee 24
1 Havi vahe'mo'ma hania avu'ava zankura kegasane huge, ana vahe'enema tragotenka mani'zankura, kagesa ontahitfa huo.
你不要嫉妒恶人， 也不要起意与他们相处；
2 Na'ankure antahiza zamifina vahe'ma hazenke'zami antahi'zamo avitegeno, zamagipinti'ma atineramia ke'mo'a, hazenke erinte kege nehaze.
因为，他们的心图谋强暴， 他们的口谈论奸恶。
3 Knare antahi'zanteti nona neginka, ama' antahi'zanteti eri hanavetigahane.
房屋因智慧建造， 又因聪明立稳；
4 Antahi'zama eri'nenanteti, knare fenozane zago'amo'ma mareri zantamina nonka'afina erinte avitegahane.
其中因知识充满各样美好宝贵的财物。
5 Ama' antahi'zane vahe'mo'za rama'a hanave eri'zageno, antahi'zama eri vahe'mo'za mago'ane hanavea e'nerize.
智慧人大有能力； 有知识的人力上加力。
6 Ha'ma hu'zante'ma ama' antahi'zama hunka e'orinesunka, hatera ovuo. Na'ankure rama'a vahe'mo'zama hate'ma vanana kavumro'ma kantesagenka, hara azeri agateregahane.
你去打仗，要凭智谋； 谋士众多，人便得胜。
7 Knare antahi'zamo'a mesga hu'neanki'za, neginagi vahe'mo'za erigara osu'nazanki'za, rankumamofo kafante'ma kva vahe'mo'zama atruma hu'zama kema hanafina, mago kea osugahie.
智慧极高，非愚昧人所能及， 所以在城门内不敢开口。
8 Kefo avu'ava'zama hu antahi'zama retro'ma nehaza vahe'mokizmigura, hazenke vahere hu'za nehaze.
设计作恶的， 必称为奸人。
9 Neginagi avu'ava'ma hu'zama retro'ma hanazana, kumi nehaze. Vahe'ma huhavizama hunezmantea vahe'mofona, vahe'mo'za zamavesra hu'za zamagote'nentaze.
愚妄人的思念乃是罪恶； 亵慢者为人所憎恶。
10 Knazampima unefrenka hanavema otisankeno'a, hanaveka'a omanegosie.
你在患难之日若胆怯， 你的力量就微小。
11 Havigema hu'za zamahe frinaku'ma hanaza vahera, zamaza huta zamavareho. Hagi zamahe frinaku hanaza vahera, zamaza huta zamavareho.
人被拉到死地，你要解救； 人将被杀，你须拦阻。
12 Antahi'nesunka ontahi'noe hunka havigea osuo. Na'ankure Anumzamo'a kagu'a kageno antahino nehuno, kagu'a kegava hunegantea ne'mo'a, kagu'a kageno antahino osugahie hunka osuo. Miko vahe'mokizmia zamagrama hu'nesaza zamavu'zmavate anteno mizana zamamigahie.
你若说：这事我未曾知道， 那衡量人心的岂不明白吗？ 保守你命的岂不知道吗？ 他岂不按各人所行的报应各人吗？
13 Mofavre'nimoka tume rima'a no, na'ankure knare hu'neankino, kagitera haga hugahie.
我儿，你要吃蜜，因为是好的； 吃蜂房下滴的蜜便觉甘甜。
14 E'i anahukna huno, ama' antahi'zamo'a kagu'afina haga hugahie. Hagi hakenkama erifore'ma hanankeno'a, henkama erigahue hunka amuha'ma nehana zamo'a, amnezanknara osugahie.
你心得了智慧，也必觉得如此。 你若找着，至终必有善报； 你的指望也不致断绝。
15 Kefo vahe'moka fatgo vahe'mo'zama nemaniza nontera, zamazeri haviza hunakura kva hunka omanio. Hagi fatgo vahe'mo'za nemaniza kumara eri havizana osuo.
你这恶人，不要埋伏攻击义人的家； 不要毁坏他安居之所。
16 Na'ankure fatgo vahe'mo'za, 7ni'a zupa evuramiga hazanagi, ete otigahaze. Hianagi kefo avu'ava'ma nehaza vahetema mago hazenkema esuno'a, eme zamazeri haviza hugahie.
因为，义人虽七次跌倒，仍必兴起； 恶人却被祸患倾倒。
17 Ha'ma renegantesaza vahe'ma evuramisagenka, musena osuo. Hagi tanafa'ma hanaza zankura, musena osuo.
你仇敌跌倒，你不要欢喜； 他倾倒，你心不要快乐；
18 Na'ankure Ra Anumzamo'a ana'ma hanankeno'a, negageno musena hunoganteno arimpahe zama'a anamofontetira eritregahie.
恐怕耶和华看见就不喜悦， 将怒气从仇敌身上转过来。
19 Kefo vahe'mofo avu'avakura korera hunka antahintahi hakarea nosunka, ana havi zamavu zamavakura kegasanea osuo.
不要为作恶的心怀不平， 也不要嫉妒恶人；
20 Na'ankure kefo zamavu'zava'ene vahe'mokizmia, henkama knare huzama mani'saza mani'zana omanesige'za, lamu tavi'mo asu hiankna hugahaze.
因为，恶人终不得善报； 恶人的灯也必熄灭。
21 Mofavre'nimoka, Ra Anumzamofone kinimofonena koro huneznantenka zanagorga nemaninka, ha'ma reznantesaza vahe'enena magopina tragoteta omaniho.
我儿，你要敬畏耶和华与君王， 不要与反复无常的人结交，
22 Na'ankure e'inahu vahetera, tusi'a hazenke zamo ame huno egahie. Ra Anumzamo'ene Kini ne'mo enema zamisaza knazana, mago'mo'e huno ontahitfa hugahie.
因为他们的灾难必忽然而起。 耶和华与君王所施行的毁灭， 谁能知道呢？
23 Ama' antahi'zama eri'naza vahe'mo'za amanahu ke hugahaze. Nanekema trate refkoma hanuza magomofonkukera osugahaze.
以下也是智慧人的箴言： 审判时看人情面是不好的。
24 Iza'o kefozama hu'nesia neku'ma, kefozana osune huno'ma hanige'za, rama'a vahe'mo'za anagema hania nekura, huhaviza hunentesageno, kokankoka vahe'mo'za antahi haviza huntegahaze.
对恶人说“你是义人”的， 这人万民必咒诅，列邦必憎恶。
25 Hu'neanagi iza'zo kefoza hu'nesia neku'ma, kefoza hu'ne hu'zama huama'ma hanamo'za, rama'a asomu eri'za rama'aza antegahaze.
责备恶人的，必得喜悦； 美好的福也必临到他。
26 Tamagema huno ke nonama hu'zamo'a, e'i knare kvate knampaka'amo kanukino kantako huganteankna hugahie.
应对正直的，犹如与人亲嘴。
27 Kotazana hozama antesanaza retro hunka hoza antetenka, henka nonka'a kigahane.
你要在外头预备工料， 在田间办理整齐， 然后建造房屋。
28 Tava'onka'are'ma nemanisimofoma trate'ma kegagama hunentezama, kenana zanku nehazafi huama huo hanagenka, havigea hunka hazenkema osu'nesia zankura, hazenke hu'ne huonto.
不可无故作见证陷害邻舍， 也不可用嘴欺骗人。
29 Hagi zamagrama hunantesaza zana nona hu'na huzamantegahue hunka osuge, mago'mo'ma havizama hugantesiana, nona hu'na havizana huntegahue hunka osuo.
不可说：人怎样待我，我也怎样待他； 我必照他所行的报复他。
30 Nagra feru ne'mofo hozafine antahintahi'a omane ne'mofo waini hozafi agatere'na nevu'na koana,
我经过懒惰人的田地、 无知人的葡萄园，
31 ave've trazamo'ene hozafi inozamo hageno ana hoza refitegeno, have keginama hugagi'nea zamo'a fraguvazirami'ne.
荆棘长满了地皮， 刺草遮盖了田面， 石墙也坍塌了。
32 Ana zama nege'na nagesama nentahugeno'a, mago'aza rempi hunami'ne.
我看见就留心思想； 我看着就领了训诲。
33 Osi'agna nagra navura masehimarege, osi'agna masege, osi'agna nazana anamagi'na manisga huge'ma hanugeno'a,
再睡片时，打盹片时， 抱着手躺卧片时，
34 musufa vahe'mo'za mika fenozmi kumzafa sage'za, mika zazmimo'a ame huno vagaresige'za, zamunte omane vahe maniankna hugahaze.
你的贫穷就必如强盗速来， 你的缺乏仿佛拿兵器的人来到。
