4 Mose 23
1 Balamu'a anage huno kini ne' Balakina asmi'ne, amare 7ni'a kresramnama vu ita tro hunentenka, 7ni'a bulimakao afu'ene 7ni'a ve' sipisipi afutamine uvrenka eno.
巴蘭對巴勒說：「你在這裏給我築七座壇，為我預備七隻公牛，七隻公羊。」
2 Higeno Balaki'a Balamu'ma asamiaza hu'ne. Higeke Balaki'ene Balamukea magoke magoke kresramna vu itarera mago bulimakaone mago ve sipisipine kresramna vutere hu'na'e.
巴勒照巴蘭的話行了。巴勒和巴蘭在每座壇上獻一隻公牛，一隻公羊。
3 Hagi Balamu'a anante Balakina asamino, ofaka'ama kresramna vunante otinka mani'nege'na, mago'a kaziga nagrake umani'nanenkeno Ra Anumzamo'a kea nasamigahifi emeriama hu'na anankea tamasami'neno. Anage huteno anantetira Balamu'a zamatreno mago'za omane agonarega marerine.
巴蘭對巴勒說：「你站在你的燔祭旁邊，我且往前去，或者耶和華來迎見我。他指示我甚麼，我必告訴你。」於是巴蘭上一淨光的高處。
4 Hagi Anumzamo'a Balamuna tutagiha huntegeno, Balamu'a anage huno asami'ne, nagra 7ni'a kresramna vu itarera mago'mago kresramna vu itarera mago bulimakaone, mago ve sipisipine ahe'na kresramna vu'noe.
上帝迎見巴蘭；巴蘭說：「我預備了七座壇，在每座壇上獻了一隻公牛，一隻公羊。」
5 Anante Ra Anumzamo'a Balamuna nanekea asamino, Ete vunka Balakina amama kasamu kea ome asamio.
耶和華將話傳給巴蘭，又說：「你回到巴勒那裏，要如此如此說。」
6 Higeno Balamu'a rukrahe huno vuno, ome keana Balaki'a miko Moapu kva vahetamine kresramnama vu itare oti'negeno vu'ne.
他就回到巴勒那裏，見他同摩押的使臣都站在燔祭旁邊。
7 Anante Balamu'a amanage huno kasnampa kea huama huno zamasami'ne, Aramu zage hanati kaziga agonafi mani'nogeno Moapu kini ne' Balaki'a Israeli vahe'mokizmi kazusi ke eme hunezmantenka, Jekopu nagara huhaviza huzmantogu kea hige'na e'noe.
巴蘭便題起詩歌說： 巴勒引我出亞蘭， 摩押王引我出東山，說： 來啊，為我咒詛雅各； 來啊，怒罵以色列。
8 Hagi nagra inankna hu'na Anumzamo'ma kazusima huontoma huno hu'nenia vahera, kazusinkea hunentena, Ra Anumzamo'ma huhaviza huonto huno'ma hu'nenia vahera, inankna hu'na huhaviza huntegahue?
上帝沒有咒詛的，我焉能咒詛？ 耶和華沒有怒罵的，我焉能怒罵？
9 Nagra have agonareti kefenkamu atre'na Israeli vahera zamage'noe. Zamagra mani ruotage hu'za Anumzamofo vahe mani'ne'za zamarimpa frune mani'naze.
我從高峰看他，從小山望他； 這是獨居的民，不列在萬民中。
10 Israeli agehe'za hagera hu'za kahepankna hu'za rama'a vahe nemanisage'za, 4'afi refko hanage'za mago kevu manigahazanagi zamagrira hamprigara osugahaze. Hagi ama mopafima nasimu'ma eri'na mani'nenurera, nagra Anumzamofo agorga nemanina, zamagrikna hu'na narimpa frune frizankura nave'nesie.
誰能數點雅各的塵土？ 誰能計算以色列的四分之一？ 我願如義人之死而死； 我願如義人之終而終。
11 Anante Balaki'a amanage huno Balamuna antahige'ne. Kagra na'a hunenantane? Nagra ha' vahe'ni'a kazusi huzmantogu kavrena amafina e'noe. Hagi ko! Kagra mani soe'ma hu'zama manisagu asomu ke hunezmantane!
巴勒對巴蘭說：「你向我做的是甚麼事呢？我領你來咒詛我的仇敵，不料，你竟為他們祝福。」
12 Hianagi Balamu'a kenona hunteno, Ra Anumzamo'ma huoma huno hunantesia ke'age nagra hugahue hu'ne.
他回答說：「耶和華傳給我的話，我能不謹慎傳說嗎？」
13 Anante kini ne Balaki'a Balamuna anage huno asmi'ne, Nagrane egeta Pisga agonare umanineta rama'a Israeli vahera ozmagegahane. Hianagi osi'a nezmagenka anama zamagesanama'a kazusi kea huzmanto,
巴勒說：「求你同我往別處去，在那裏可以看見他們；你不能全看見，只能看見他們邊界上的人。在那裏要為我咒詛他們。」
14 Huteno anantetira Balamuna avreno Zofim agupofi me'nea Piska agonare, 7ni'a kresramna vu ita ome tro huno, ve bulimakaone ve sipisipinena mago'mago kresramna vu itarera ofa hu'ne.
於是領巴蘭到了瑣腓田，上了毗斯迦山頂，築了七座壇；每座壇上獻一隻公牛，一隻公羊。
15 Hagi Balamu'a Balakina asamino, ama kresramna vu itare mani'nege'na Ra Anumzamofona anturega vu'na ome tutagiha huntaneno.
巴蘭對巴勒說：「你站在這燔祭旁邊，等我往那邊去迎見耶和華。」
16 Anante Ra Anumzamo'a Balamuna tutagiha hunteno amanage huno nanekea asami'ne, Ete vunka Balakina ama ana naneke ome asamio.
耶和華臨到巴蘭那裏，將話傳給他；又說：「你回到巴勒那裏，要如此如此說。」
17 Higeno Balaki'a anama ofama hu'nere Moapu kva vahe'mo'zane otino mani'neno, na'ane huno Ra Anumzamo'a kasami'ne huno Balamuna antahige'ne?
他就回到巴勒那裏，見他站在燔祭旁邊；摩押的使臣也和他在一處。巴勒問他說：「耶和華說了甚麼話呢？」
18 Ra Anumzamo'ma asami'nea kasnampa nanekea Balamu'a amanage huno asami'ne, Zipori nemofoga kama antahio,
巴蘭就題詩歌說： 巴勒，你起來聽； 西撥的兒子，你聽我言。
19 Anumzamo'a tagrikna vahera omani'neankino, havigea osugahie. Agra kema hia kere amage anteno anaza nehia ne' mani'ne. Agrama kema nehuno'a, ana kemofo amage anteno eri so'e nehia ne' mani'ne.
上帝非人，必不致說謊， 也非人子，必不致後悔。 他說話豈不照着行呢？ 他發言豈不要成就呢？
20 Hagi Ra Anumzamo'a ana vahera asomu ke huzamanto huno nasami'neanki'na, nagra ana kea eritrena ru kea osugahue.
我奉命祝福； 上帝也曾賜福，此事我不能翻轉。
21 Israeli nagapina koana mago havizana kena eriforera osugeno, mago zamazeri haviza hu'zana omanene. Hagi Ra Anumzamo'a zamagrane mani'nege'za, zamagra hu'za Ra Anumzana tagri kinie hu'za nehaze.
他未見雅各中有罪孽， 也未見以色列中有奸惡。 耶和華－他的上帝和他同在； 有歡呼王的聲音在他們中間。
22 Ra Anumzamo Isipitira zamavareno atirami'neankino zamagripina afi' ve bulimakaomofo hanavegna hanave me'ne.
上帝領他們出埃及； 他們似乎有野牛之力。
23 Ha' vahe'mo'zama Israeli vahe avuatga hu'zo, sankuma hu'za zamaheku'ma hanazana, anazamo'a amne'za segahie. Hanige'za menina Israeli vahe'mokizmi nezmage'za maka veamo'za, Anumzamo'a zamahoke neheno ruzahu'za erifore nehianki, keho hu'za hugahaze.
斷沒有法術可以害雅各， 也沒有占卜可以害以色列。 現在必有人論及雅各，就是論及以色列說： 上帝為他行了何等的大事！
24 Hagi keho, Israeli vahe'mo'za laionimo eaza hu'za ne-eza, laionimo ahenaku hia zagama otre ronato huvava huno aheno asgahu nevazino korama'a neankna hute'za, manigsa hugahaze.
這民起來，彷彿母獅， 挺身，好像公獅， 未曾吃野食， 未曾喝被傷者之血，決不躺臥。
25 Hagi anante Balaki'a anage huno Balamuna asmi'ne, Kazusi kema huozamante'nunka asomu kea huozamanto.
巴勒對巴蘭說：「你一點不要咒詛他們，也不要為他們祝福。」
26 Hianagi Balamu'a amanage huno Balakina asami'ne, Ra Anumzamo'ma huoma huno hunante'nia zana hugahue hu'na kasami'nofi onkasami'noe?
巴蘭回答巴勒說：「我豈不是告訴你說『凡耶和華所說的，我必須遵行』嗎？」
27 Hagi Balaki'a anage huno Balamunkura hu'ne, Antureti'ma Ra Anumzamo'a musema huno'ma kazusima huzamantenigu ege'na kavre'na vaneno.
巴勒對巴蘭說：「來吧，我領你往別處去，或者上帝喜歡你在那裏為我咒詛他們。」
28 Hagi Balamuna avreno Peori agonare vigeno, ka'ma kokana ke'ne
巴勒就領巴蘭到那下望曠野的毗珥山頂上。
29 Balamu'a anage huno Balakina asmi'ne, amare 7ni'a kresramna vu ita tro hunentenka, 7ni'a bulimakao afu'ene 7ni'a ve sipisipi afutamine uvrenka eno.
巴蘭對巴勒說：「你在這裏為我築七座壇，又在這裏為我預備七隻公牛，七隻公羊。」
30 Higeno Balamu'ma asmiaza huno Balaki'a, Ana 7ni'a itarera mago mago ve bulimakaone, mago mago ve sipisipine aheno kresramna vutere hu'ne.
巴勒就照巴蘭的話行，在每座壇上獻一隻公牛，一隻公羊。
