Lementesen-Zavi Krafa 5

1 Ra Anumzamoka menima tagrite'ma fore'ma nehia knazamo'ma tazeri havizama nehigetama tusi'a tagazema e'nerunana neragenka antahiramio.

זכר יהוה מה היה לנו הביט וראה את חרפתנו׃

2 Onke'nona vahe'mo'za e'za tagri mopa eme enerizage'za, ru moparegati vahe'mo'za e'za tagri nontamina emeri nafa'a hu'za mani'naze.

נחלתנו נהפכה לזרים בתינו לנכרים׃

3 Tafahe'za omani megusa mofavregna huta tagra nemanunke'za, trerahe'za kento a'nanegna hu'za mani'naze.

יתומים היינו אין אב אמתינו כאלמנות׃

4 Tima nenompi, tevema enerunana zagoretike'za mizaseta eri'none.

מימינו בכסף שתינו עצינו במחיר יבאו׃

5 Ha' vahetimo'za rama'a zampi tazeri haviza huvava nehazageta mani fru huta omani'none.

על צוארנו נרדפנו יגענו לא הונח לנו׃

6 Tagri'ma ne'zama tamisnageta nesunku huta Isipi vahe'ene, Asiria vahe'mokizmi zmagorga mani'none.

מצרים נתנו יד אשור לשבע לחם׃

7 Tagri tagehe'za kumi hute'za ko fri'za menina omani'naze. Ana hu'nazageta menina zamagri kumi'mofo knazama'a e'nerune.

אבתינו חטאו אינם אנחנו עונתיהם סבלנו׃

8 Tagrira kazokzo eri'za vahe'mo'za kegava hurantazageta mani'nonkeno, mago vahe'mo'e huno ana vahe'mokizmi hankavefintira tagura vazino taza osu'ne.

עבדים משלו בנו פרק אין מידם׃

9 Hagi nezanku'ma vuta eta huta hakeku'ma hunana, ka'ma kokampina ha' vahe'mo'za bainati kazinteti tahe frinaku kafonte'za mani'naze.

בנפשנו נביא לחמנו מפני חרב המדבר׃

10 Tusi taga'matea zamo higeno, tavufgamo'a sikonima negraza avenimo'ma teve ha'ma hiaza huno tusi amuho hu'ne.

עורנו כתנור נכמרו מפני זלעפות רעב׃

11 Saioni kumapi a'nanea zamagra zamazeri haviza nehu'za, Juda mopafima me'nea ranra kumatamimpima nemaniza vene omase mofa'nea ha' vahe'mo'za eme zamazeri haviza hu'naze.

נשים בציון ענו בתלת בערי יהודה׃

12 Kva vahetia zamazeri'za zamazante nofi anakite'za, zafare hanti'naze. Ana nehu'za ranra vahetia so'e avu'ava zana hunozmante'za, zamazeri zamagaze hu'naze.

שרים בידם נתלו פני זקנים לא נהדרו׃

13 Hagi nehazave nagara huzmantazage'za witima refuzafunepaza have rezahe nehazage'za, mofavre nagatia tusinasi teverami hare'za kofizmantazage'za, knazamigu nehu'za eri'naze.

בחורים טחון נשאו ונערים בעץ כשלו׃

14 Ranra vahetamimo'za kuma kafante'ma nemaniza zana atre'za nevazage'za, nahezave naga'mo'za zavena ahe'za zagamera osu'naze.

זקנים משער שבתו בחורים מנגינתם׃

15 Muse zagame'ma nehuta avoma nehagona zana atreta, zavi zagame nehuta tasuzampi mani'none.

שבת משוש לבנו נהפך לאבל מחלנו׃

16 Rantagima e'neruna zamo'ma, tasenire'ma kini fetorikna'ma hu'nea zamo'a mopafi evuramigeta, tasuzampi mani'none. Anama hu'neana tagrama hu'nona kumi'mo higeno anara hu'ne!

נפלה עטרת ראשנו אוי נא לנו כי חטאנו׃

17 Anazama fore'ma nehigeno'a, tarimpamo'a havizantfa nehigeno, zavi'ma atonazamo higeno tavumipamo'a evuno hanintiri higeta, tavua keso'e osu'none.

על זה היה דוה לבנו על אלה חשכו עינינו׃

18 Saioni ran kumapina vahera omanino atreno vuno eno higeno, ka'ma koka fore higeno anampina afi kraramimozage mani'neza vano hu'naze.

על הר ציון ששמם שועלים הלכו בו׃

19 Hianagi Ra Anumzamoka kagrake kinia mani'nenka, henkama fore hu anante nante'ma hu'za vanaza vahetera manivava hunka vugahane.

אתה יהוה לעולם תשב כסאך לדר ודור׃

20 Ra Anumzamoka na'a hu'negenka za'zatera kamefira huneraminka antahi noramine?

למה לנצח תשכחנו תעזבנו לארך ימים׃

21 Ra Anumzamoka menina ete tazeri knare hananketa knare huta nemanisunkenka, knatia eri kasefa hananketa, ko'ma knare hutama mani'nonaza huta manisnune.

השיבנו יהוה אליך ונשוב חדש ימינו כקדם׃

22 Hifi tagrira tusi karimpa herantenka kamefi huneraminka, kavesra hurante vaganerampi?

כי אם מאס מאסתנו קצפת עלינו עד מאד׃