Lementesen-Zavi Krafa 5

1 Ra Anumzamoka menima tagrite'ma fore'ma nehia knazamo'ma tazeri havizama nehigetama tusi'a tagazema e'nerunana neragenka antahiramio.

Souviens-toi, Éternel, de ce qui nous est arrivé! Regarde, vois notre opprobre!

2 Onke'nona vahe'mo'za e'za tagri mopa eme enerizage'za, ru moparegati vahe'mo'za e'za tagri nontamina emeri nafa'a hu'za mani'naze.

Notre héritage a passé à des étrangers, Nos maisons à des inconnus.

3 Tafahe'za omani megusa mofavregna huta tagra nemanunke'za, trerahe'za kento a'nanegna hu'za mani'naze.

Nous sommes orphelins, sans père; Nos mères sont comme des veuves.

4 Tima nenompi, tevema enerunana zagoretike'za mizaseta eri'none.

Nous buvons notre eau à prix d’argent, Nous payons notre bois.

5 Ha' vahetimo'za rama'a zampi tazeri haviza huvava nehazageta mani fru huta omani'none.

Nous sommes poursuivis, le joug sur le cou; Nous sommes épuisés, nous n’avons point de repos.

6 Tagri'ma ne'zama tamisnageta nesunku huta Isipi vahe'ene, Asiria vahe'mokizmi zmagorga mani'none.

Nous avons tendu la main vers l’Égypte, vers l’Assyrie, Pour nous rassasier de pain.

7 Tagri tagehe'za kumi hute'za ko fri'za menina omani'naze. Ana hu'nazageta menina zamagri kumi'mofo knazama'a e'nerune.

Nos pères ont péché, ils ne sont plus, Et c’est nous qui portons la peine de leurs iniquités.

8 Tagrira kazokzo eri'za vahe'mo'za kegava hurantazageta mani'nonkeno, mago vahe'mo'e huno ana vahe'mokizmi hankavefintira tagura vazino taza osu'ne.

Des esclaves dominent sur nous, Et personne ne nous délivre de leurs mains.

9 Hagi nezanku'ma vuta eta huta hakeku'ma hunana, ka'ma kokampina ha' vahe'mo'za bainati kazinteti tahe frinaku kafonte'za mani'naze.

Nous cherchons notre pain au péril de notre vie, Devant l’épée du désert.

10 Tusi taga'matea zamo higeno, tavufgamo'a sikonima negraza avenimo'ma teve ha'ma hiaza huno tusi amuho hu'ne.

Notre peau est brûlante comme un four, Par l’ardeur de la faim.

11 Saioni kumapi a'nanea zamagra zamazeri haviza nehu'za, Juda mopafima me'nea ranra kumatamimpima nemaniza vene omase mofa'nea ha' vahe'mo'za eme zamazeri haviza hu'naze.

Ils ont déshonoré les femmes dans Sion, Les vierges dans les villes de Juda.

12 Kva vahetia zamazeri'za zamazante nofi anakite'za, zafare hanti'naze. Ana nehu'za ranra vahetia so'e avu'ava zana hunozmante'za, zamazeri zamagaze hu'naze.

Des chefs ont été pendus par leurs mains; La personne des vieillards n’a pas été respectée.

13 Hagi nehazave nagara huzmantazage'za witima refuzafunepaza have rezahe nehazage'za, mofavre nagatia tusinasi teverami hare'za kofizmantazage'za, knazamigu nehu'za eri'naze.

Les jeunes hommes ont porté la meule, Les enfants chancelaient sous des fardeaux de bois.

14 Ranra vahetamimo'za kuma kafante'ma nemaniza zana atre'za nevazage'za, nahezave naga'mo'za zavena ahe'za zagamera osu'naze.

Les vieillards ne vont plus à la porte, Les jeunes hommes ont cessé leurs chants.

15 Muse zagame'ma nehuta avoma nehagona zana atreta, zavi zagame nehuta tasuzampi mani'none.

La joie a disparu de nos cœurs, Le deuil a remplacé nos danses.

16 Rantagima e'neruna zamo'ma, tasenire'ma kini fetorikna'ma hu'nea zamo'a mopafi evuramigeta, tasuzampi mani'none. Anama hu'neana tagrama hu'nona kumi'mo higeno anara hu'ne!

La couronne de notre tête est tombée! Malheur à nous, parce que nous avons péché!

17 Anazama fore'ma nehigeno'a, tarimpamo'a havizantfa nehigeno, zavi'ma atonazamo higeno tavumipamo'a evuno hanintiri higeta, tavua keso'e osu'none.

Si notre cœur est souffrant, Si nos yeux sont obscurcis,

18 Saioni ran kumapina vahera omanino atreno vuno eno higeno, ka'ma koka fore higeno anampina afi kraramimozage mani'neza vano hu'naze.

C’est que la montagne de Sion est ravagée, C’est que les renards s’y promènent.

19 Hianagi Ra Anumzamoka kagrake kinia mani'nenka, henkama fore hu anante nante'ma hu'za vanaza vahetera manivava hunka vugahane.

Toi, l’Éternel, tu règnes à jamais; Ton trône subsiste de génération en génération.

20 Ra Anumzamoka na'a hu'negenka za'zatera kamefira huneraminka antahi noramine?

Pourquoi nous oublierais-tu pour toujours, Nous abandonnerais-tu pour de longues années?

21 Ra Anumzamoka menina ete tazeri knare hananketa knare huta nemanisunkenka, knatia eri kasefa hananketa, ko'ma knare hutama mani'nonaza huta manisnune.

Fais-nous revenir vers toi, ô Éternel, et nous reviendrons! Donne-nous encore des jours comme ceux d’autrefois!

22 Hifi tagrira tusi karimpa herantenka kamefi huneraminka, kavesra hurante vaganerampi?

Nous aurais-tu entièrement rejetés, Et t’irriterais-tu contre nous jusqu’à l’excès?