Lementesen-Zavi Krafa 3
1 Ra Anumzamo'a arimpa ahenanteno, knaza namino nazeri haviza hige'na, tusi natama kria zana nagra ke'noe.
| אני הגבר ראה עני בשבט עברתו׃ |
2 Ana nehuno narotago higena, hanimpi tavira omane'nea kante vu'noe.
| אותי נהג וילך חשך ולא אור׃ |
3 Tamagerfa huno maka zupa nagrike'za nazeri haviza huvava huno nevuno, mago'a vahera anara osu'ne.
| אך בי ישב יהפך ידו כל היום׃ |
4 Ama navufga nazeri navesra nehuno, navufga nazeri haviza nehuno zaferinani'aramina ruhantagi'ne.
| בלה בשרי ועורי שבר עצמותי׃ |
5 Knaza atregeno eno eme nazeri kanegigeno, hazenke zamo'a maka kaziga nazeri kagi'ne.
| בנה עלי ויקף ראש ותלאה׃ |
6 Korapa'ma fri'za vu'naza vahe'mo'zama hanimpima mani'nazaza huno, natrege'na hanimpi mani'noe.
| במחשכים הושיבני כמתי עולם׃ |
7 Tusi'a vihu kegina huno nazeri agu'atege'na, anampintira atre'na atiorami'noe. Ana nehuno seni nofiteti nagia nazampina kinarente'ne.
| גדר בעדי ולא אצא הכביד נחשתי׃ |
8 Nazama hinogu'ma Anumzamofontega nunamuna hu'na antahige'noanagi, krafa keni'a eri atre'ne.
| גם כי אזעק ואשוע שתם תפלתי׃ |
9 Kama vunaku'ma hua kampina Anumzamo'a ra have ome anteno rehiza nehuno, vunaku'ma huankana eri kazakinkazoko hige'na haviza hu'nea kante vu'noe.
| גדר דרכי בגזית נתיבתי עוה׃ |
10 Beamo'o laionimo'o afi zaga azerinaku kafo anteno maniaza huno, Ra Anumzamo'a nazeri haviza hunaku kafonteno mani'neno,
| דב ארב הוא לי אריה במסתרים׃ |
11 navazuhu kanti atreno, laionimo nehiaza huno navufga tagnataganu vaziteno, natrege'na vahe'mo'a eme naza osige'na mase'noe.
| דרכי סורר ויפשחני שמני שמם׃ |
12 Anumzamo'a keve'a atifi erinteteno, avazuhu krarapeno nahenaku krinkenke hu'ne.
| דרך קשתו ויציבני כמטרא לחץ׃ |
13 Ana huteno keve'areti tumoni'a ahetane'ne.
| הביא בכליותי בני אשפתו׃ |
14 Maka nagri vahe'mo'zama nenage'za tusi nagiza re'naze. Ana nehu'za amnea omani'za maka zupa zagame nehu'za ana zagamepi kiza zokago ke hunante vava hu'naze.
| הייתי שחק לכל עמי נגינתם כל היום׃ |
15 Rama'a knazanteti nagu'afina antevi'neteno, aka trazanteti tro hu'naza ti namige'na ne'noe.
| השביעני במרורים הרוני לענה׃ |
16 Anumzamo'a ne'onse haverami nagipina eri hatrentege'na navera ani futagi'noe. Ana nehugeno kugusopa hatreno nagofetu ante'ne.
| ויגרס בחצץ שני הכפישני באפר׃ |
17 Arimpa fruma huno mani'zana nomanizanifina omanegeno, knare huno musema huno mani'zankura nagekani'noe.
| ותזנח משלום נפשי נשיתי טובה׃ |
18 Ana hige'na amanage hu'noe, hanaveni'a omanegeno, Ra Anumzamofonkuma amuhama nehuazana huonantegahie hu'na antahi'noe.
| ואמר אבד נצחי ותוחלתי מיהוה׃ |
19 Hagi nagrama ranknazama eri'noa zamo'ene vahe moparegama kraga vahe kna'ma hu'na vano vanoma hu'noa zamo'enena, mago aka tima neazama hu'noa zana nagera okani'ne.
| זכר עניי ומרודי לענה וראש׃ |
20 Maka zupa ana zanku'ma nagesa nentahugeno'a, nagu'amo'a kna nehigeno havizantfa hu'ne.
| זכור תזכור ותשיח עלי נפשי׃ |
21 E'ina hu'neanagi mago zanku nagesa nentahi'na, amuhara nehue.
| זאת אשיב אל לבי על כן אוחיל׃ |
22 Ra Anumzamo'ma avesiranteno knare'ma hunerantea avesi'zamo'a, tamagerfa huno vagaore mevava nehie. Na'ankure agri asunkuzamo'a vagaore meno nevie.
| חסדי יהוה כי לא תמנו כי לא כלו רחמיו׃ |
23 Maka nanterana Anumzamoka kagri kasunku zamo'a egasefa huvava nehiankino, hugahuema hunka hu'nana zama nehana kavukvazamo'a tusi zankerfa me'ne.
| חדשים לבקרים רבה אמונתך׃ |
24 Nagra'ma nagesa antahuana, Agra nagri Ra Anumza mani'negu nagra Agriteke amuhara huntegahue.
| חלקי יהוה אמרה נפשי על כן אוחיל לו׃ |
25 Ra Anumzamo'a agrite'ma amuha'ma nehu'za, zamagu'areti'ma hu'za agriku'ma nehakaza vahera zamazeri knare nehie.
| טוב יהוה לקוו לנפש תדרשנו׃ |
26 Akoheno avega anteno mani'nenigeno Ra Anumzamo'ma ete agu'vazino avre avu'ava zamo'a knare hu'ne.
| טוב ויחיל ודומם לתשועת יהוה׃ |
27 Nahezavema mani'nesire'ma knazama eri'zamo'a, e'i knare hu'ne.
| טוב לגבר כי ישא על בנעוריו׃ |
28 Ra Anumzamo'ma mago vahe'ma knazama neminigeno'a, anazankura keaga osu agraku akoheno manino.
| ישב בדד וידם כי נטל עליו׃ |
29 Anama nehanigeno keaga osu agra avufgama anteramino kugusopafima mani'nesigeno, negeno azama hunaku'ma hanuno'a aza hugahie.
| יתן בעפר פיהו אולי יש תקוה׃ |
30 Hagi mago vahemo'ma ameragente'ma rupro huminaku'ma nehanigeno'a, amne ante vivi hu'nesnigeno rupro humina, agra amne agazea erigahie.
| יתן למכהו לחי ישבע בחרפה׃ |
31 Na'ankure Ra Anumzamo'a mago vahera amagena humi vava huno ovugahie.
| כי לא יזנח לעולם אדני׃ |
32 Ra Anumzamo'a vahera knazana amigahianagi, Agra vaga ore mevava avesi zama'agu nentahino, avesinezmanteno knare avu'ava hunezmante.
| כי אם הוגה ורחם כרב חסדו׃ |
33 Ra Anumzamo'ma knazama atregeno eno vahe'ma zamazeri havizama nehiana, Agra'a anaza hunakura nosie.
| כי לא ענה מלבו ויגה בני איש׃ |
34 Hanki vahe'mo'zama kina vahe'ma zamazeri havizama huge,
| לדכא תחת רגליו כל אסירי ארץ׃ |
35 mago vahe'mo'ma Marerisa Anumzamofo avure'ma fatgo avu'ava'ma nehanigeno'ma, haviza hane huno'ma huntege,
| להטות משפט גבר נגד פני עליון׃ |
36 keagare'ma oti zupama havige hu'za zamazeri havizama nehaza avu'ava zanku'enena Ra Anumzamo'a ave'nosie.
| לעות אדם בריבו אדני לא ראה׃ |
37 Ra Anumzamo'ma osu'nenia nanekerera, iza agra'a avesitera mago zana eri forera hugahie?
| מי זה אמר ותהי אדני לא צוה׃ |
38 Ra Anumzana Marerisa Anumzamo'a Agra agipinti huama huno, knare zane havi zanena forera huo huno higeno forera nehie.
| מפי עליון לא תצא הרעות והטוב׃ |
39 Ofri kasefa'ma huno mani'nesnia vahe'mo'a, agri kumi'mofo nonama huno azeri havizama hania zankura ke hakarea osino.
| מה יתאונן אדם חי גבר על חטאו׃ |
40 Hagi tagrama nehuna tavutavara rezaganeta ke so'e huteta, ana tavutva zampintira ete rukrahe huta Ra Anumzamofontega esanune.
| נחפשה דרכינו ונחקרה ונשובה עד יהוה׃ |
41 Hanki tagu'areti huta tazana erisga nehuta, monafinkama mani'nea Anumzamofontega amanage huta nunamuna hugahune,
| נשא לבבנו אל כפים אל אל בשמים׃ |
42 tagra kumi huta kagrira tamefi hugamunkenka, kumitia atre orante'nane.
| נחנו פשענו ומרינו אתה לא סלחת׃ |
43 Kagrira karimpa ahe'zamo'a avitegenka, kasunkura hunka oratrenka tavaririnka tahe fri'nane.
| סכתה באף ותרדפנו הרגת לא חמלת׃ |
44 Kagrira tusi hampomo refitegenka mani'nanketa, nunamuna hu'nonanagi tagri nunamumo'a kagritera ovu'ne.
| סכותה בענן לך מעבור תפלה׃ |
45 Tagrira tatranketa vahe moparega vano nehunke'za, amne zama hiaza hu'za tage so'ea osu'naze.
| סחי ומאוס תשימנו בקרב העמים׃ |
46 Maka ha' vahetimo'za huhaviza hurante'naze.
| פצו עלינו פיהם כל איבינו׃ |
47 Anama hazageta koro hu'none. Na'ankure tagesa ontahuna hazenke zamo eme tazeri havizantfa hu'ne.
| פחד ופחת היה לנו השאת והשבר׃ |
48 Knazamo'ma eno nagri vahe'ma eme zamazeri havizama hiazama negogeno'a, navunumo'a tima eviankna huno,
| פלגי מים תרד עיני על שבר בת עמי׃ |
49 navufintira navunura hu vava nehie.
| עיני נגרה ולא תדמה מאין הפגות׃ |
50 Ana zavira ontagane ate vava nehanugeno, Ra Anumzamo'a monafinti kefenka ateno nagegahie.
| עד ישקיף וירא יהוה משמים׃ |
51 Jerusalemi rankumanifi a'neneramima, ha' vahe'mo'zama eme zamazeri havizama hazazama negogeno'a, tumonimo'a netanegeno nagu'amo'a havizantfa hu'ne.
| עיני עוללה לנפשי מכל בנות עירי׃ |
52 Nagra mago havizana osu'noanagi, ha' vahe'nimo'za namama ahenakuma rotago'ma hazaza hu'za nagene re'naze.
| צוד צדוני כצפור איבי חנם׃ |
53 Zamagra nahe'za nagrira kerifi eri nevazi'za, ana kerigana havenu refite'naze.
| צמתו בבור חיי וידו אבן בי׃ |
54 Ana hazageno timo nazeri nakari'aza higena, nagra frigahue hu'na antahi'noe.
| צפו מים על ראשי אמרתי נגזרתי׃ |
55 Ana kerifima mani'nofintira Ra Anumzamoka kagra naza huogu kagri kagia ahe'na nunamuna nehue.
| קראתי שמך יהוה מבור תחתיות׃ |
56 Hagi Kagra nunamu keni'a nentahinanki, kagesa renkani oro.
| קולי שמעת אל תעלם אזנך לרוחתי לשועתי׃ |
57 Hagi nazama huogu'ma kema hugenka Kagra nagrite erava'o nehunka, korora osuo hunka nasami'nane.
| קרבת ביום אקראך אמרת אל תירא׃ |
58 Ra Anumzamoka keagani'a refko hunka nentahinka nagu'vazinke'na knare hu'na mani'noe.
| רבת אדני ריבי נפשי גאלת חיי׃ |
59 Ra Anumzamoka nagri'ma hazenkema eme nami'naza vahera hago kenka antahinka hu'nane. Ana hu'nananki nagri kaziga antenka agra fatgo hu'ne hunka ana vahera keaga huzmanto.
| ראיתה יהוה עותתי שפטה משפטי׃ |
60 Ana vahe'mo'zama nagri'ma nazeri havizama hunaku'ma, maka keagama retro'ma hu'nazana hago ke'nane.
| ראיתה כל נקמתם כל מחשבתם לי׃ |
61 Hagi ana vahe'mo'zama kiza zokago kema hunenante'za, nagri'ma nazeri haviza hu kema anakiza nanekea Ra Anumzamoka hago antahi'nane.
| שמעת חרפתם יהוה כל מחשבתם עלי׃ |
62 Ha' vaheni'amo'za maka zupa, nagri'ma nazeri havizama hanaza nanekea, zamagira magopi ante'neza sumisumi hu'za keaga huvava nehaze.
| שפתי קמי והגיונם עלי כל היום׃ |
63 Manizafina zagamepi erinte'za kiza zokago zagame ke hunante'naze.
| שבתם וקימתם הביטה אני מנגינתם׃ |
64 Ra Anumzamoka ana vahe'mo'zama hu'naza havi zamavu'zamava negenka, mizana zamitere hugahane.
| תשיב להם גמול יהוה כמעשה ידיהם׃ |
65 Ana vahe'mokizmi zamagu'a eri hankavetige'za, sifnafi maniho.
| תתן להם מגנת לב תאלתך להם׃ |
66 Ana vahera Kagra krimpa ahenezmantenka, zamarotago hunka zamahe hana huge'za, Ra Anumzamoka mopamofo agofetura omanitfa hiho.
| תרדף באף ותשמידם מתחת שמי יהוה׃ |
