Joni 1
1 Ese agafare Ke me'neane, higeno ana Kemo'a Anumzane me'ne, ana Kea e'i Anumzane.
在起初已有聖言，聖言與天主同在，聖言就是天主。
2 Ese agafarera Agra Anumzane tragoteno mani'neane.
聖言在起初就與天主同在。
3 Maka'zana Agrake'za tro hu'ne, hagi mago'zana ru kampintira fore osu'ne, makazana Agrake tro hu'ne.
萬有是藉著衪而造成的；凡受造的，沒有一樣不是由衪而造成的。
4 Agripi asimura me'ne, hagi ana asimumo'a vahe'mofo Masa'e.
在衪內有有生命，這生命是中的光。
5 Ana masamo'a hanizana remsa hunetreankino hanizamo'a agateore'ne.
光在黑暗中照耀，黑暗決不能勝過衪。
6 Hagi mago nera Anumzamo huntegeno e'ne, Ana ne'mofo agi'a Joni'e.
曾有一人，是由天主派遺來的，名叫若翰。
7 Ana ne'ma e'neana, Masamofo naneke hanigu e'ne. Ana hanige'za naneke'a nentahiza zamentinti hugahaze.
這人來是為作證，為給光作證，為使眾人藉他而信。
8 Agra ana masa omani'ne, hanki ana masamofo naneke hu'ama hanigu e'ne.
他不是那光，袛是為給那光作證。
9 Agra tamage masamo ama mopafi maka vahe remsa huzmentesigu ne-e.
那普照每人的真光，正在進入這世界；
10 Ama mopafi Agra mani'ne, hagi Agra'a ama mopa tro hu'ne, hu'neanagi ama mopafi vahe'mo'za Agrira antahi'za ke'za osu'naze.
衪已在世界上；世界原是藉衪造成的；但世界卻不認識衪。
11 Agra'a vaheku huno e'ne, hianagi Agri vahe'mo'za ovare'naze.
衪來到了自己的領域，自己的人卻沒有接受衪。
12 Hianagi iza'zo nevare'za Agri agifima zamentintima nehaza vahe'mokizmia, Agra'a hugnare hige'za Anumzamofo mofavre se'naze.
但是凡接受衪的，衪給他們，即給那些信衪名字的人權能，好成為天主的子女。
13 Hagi Anumzamofo mofavrema senazana arera afa zamesitero, vahe avesitero, neve avesitera forera osunazanki, Anumzamo zamazeri fore hu'ne.
他們不是由血氣，也不是由肉慾，也不是由另男慾，而是由天主生的。
14 Ana Kemo vahe fore huteno, tagri'ene mani'ne. Agri masazama'a tagra ke'none, magoke ante'nea Ne'mo hanave'ane masa zama'ane Nefantegati e'ne. Asunku zamo'ene tamage kemo'a avite'nea Nere.
於是聖言成了血肉，寄居在們中間；我們見了衪的光榮，正如父獨生者的光榮，滿溢恩寵和真理。
15 Joni'a huama huno Agriku hu'ne. Agra kezatino amanage hu'ne, nagrama amama nehuana Agriku nehue, nagri namage'ma ne-emo'a, nagrira nagateretfa hu'ne. Na'ankure nagra fore osu'nogeno Agra pusante fore huno mani'neane.
若翰為衪作證呼喊說：「這就是我所說的：那在我以後來的，成了在我以前的，因衪原先我而有。」
16 Higeta tagra ana maka'mota hakare zana Agripi avitenefinti e'nerunkeno, asunku huranteno muse zama'a agumpi agumpi huno neramie.
從衪的滿溢中，我們都領受了恩寵，而且恩寵上加恩寵。
17 Na'ankure kasegea Mosesempi tami'ne. Hagi asunku'zane tamage kea, Jisas Kraisimpi tami'ne.
因為法律是藉梅瑟傳授的，恩寵和真理卻是由耶穌基督而來的。
18 Mopafi vahe'mo'a magore huno Anumzana onketfa hu'ne. Anumzamofo mofavrea magoke mani'neno, Nafa'amofo asumpinka mani'ne, Agra'a Anumzana mani'neno huama hu'ne.
從來沒有人見過天主，只有那在父懷裏的獨生者，身為天主的，衪給我們詳述了。
19 Hagi Jiu kva vahe'mo'za, mono kva pristi vahe'ene Livae vahera Jerusalemi kumateti huma zamantage'za Jonina antahigeku vu'za, Kagra azage? hu'za ome antahige'naze.
這是若翰所作的見證：當時，猶太人從耶路撒冷派遺了司祭和肋未人，到他那裏問他說：「你是誰？」
20 Antahigageno'a agra huama nehuno vahane osuno, huama huno, Nagra tamazahu nera Kraisi'na omani'noe.
他明明承認，並沒有否認；他明認說：「我不是默西亞。」
21 Hige'za, hagi azaga mani'nane? Elaijago? hu'za hazageno, a'o, nagra Elaijana omani'noe huno hige'za, kagra kasnampa nero? hu'za antahigageno, agra kezmi nona huno, i'o huno hu'ne.
他們又問他說：「那麼你是誰？你是厄里亞嗎？」他回答說：「不是。」
22 Hagi hurantagetama e'nona vahe ome zamasmisunku nehune. Azaga mani'nane huta kagrikura ome zamasmigahune? Kagragura azage hunka nehane?
於是他們問他說：「你究竟是誰？好叫們給派遺們來的人一個答覆。關於你自己，你說什麼呢？」
23 Hazageno Agra anage hu'ne, Mago Kezanke ka'ma mopafi mani'neno keza tino, Ramofo ka azeri ante fatgo hiho huno Aisaia kasnampa ne'mo korapa hunte'nea ne' mani'noe. (Ais 40:3.)
他說：「我是在荒野裏呼喊者的聲音：修直上主的道路吧! 正如依撒意亞先知所說的。」
24 Hu'zmantage'za e'naza Farisi vahe'mo'za,
被派遺來的有些是法利賽人，
25 zamagra antahige'za, amanage agriku hu'naze, kagra Kraisigafi, Elaijagafi, mago Kasnampa ne'ma omaninenka, nahigenka mono tina fre nezmantane?
他們又問他說：「你既不是默西亞，又不是厄里亞，也不是那位先知，那麼你為什麼施洗呢？」
26 Joni'a kenona zamirera anage hu'ne, nagra amne tintfanteti mono tina frenermantoe. Hu'neanagi tamagri amunompina magora tamagra keta antahita osu'naza ne' oti'ne.
若翰答覆他們說：「我以水施洗，你們中間站著一位，是你們所不認識的；
27 E'ima Agra nagri nmage'ma esanimofona Agri aga'nona knare osu'noankina katu ofegahue.
衪在我以後來，我卻當不起解衪的鞋帶。」
28 Ana nanekea Betani kumara Jodani timofo asoparega Joni'ma mono tima frenezmanterega antahigazageno zmasami'ne.
這些事發生於約旦河對岸的伯達尼，若翰施洗的地方。
29 Anante kotigeno Jisasi'a agrite egeno negeno, Joni'a amanage hu'ne, keho, Anumzamofo Sipisipi anentara, ama mopafi vahe'mokizmi kumira, Agra eri atregahie!
第二天，若翰見耶穌向他走來，便說：「看，天主的羔羊，除免世罪者!
30 Ama'ne ana nera, Agriku'ma hu'na nagrama kema hu'noana, nagri namge'ma esnia nera, nagrira nagatereno ra agi eri'nea nere, nagra fore osu'nogeno, Agra korapa Agraragisa mani'nea nere.
這位就是我論衪曾說過：有一個人在我以後來，成了在我以前的，因衪原先我而有。
31 Nagra antahi'na ke'na Agrira osu'noanagi, Israeli vahe'mo'za Agrira antahiza keza hanaze hu'na, nagra ena mono tina eme frezmante'noe.
連我也不曾認識衪，但為使衪顯示於以色列，為此我來以水施洗。」
32 Joni'a huama huno amanage hu'ne, Nagra kogeno Avamura maho namamo hiaza huno monafinti eramino Agrite emanige'na ke'noe.
若翰又作證說：「我看見聖神彷彿鴿子從天降下，停在衪身上。
33 Nagra ke'na antahi'na Agrira osu'noanagi, mono tima frezmanto huno'ma hunante'nea ne'mo'a anage huno nasmi'ne, kesnankenoma Avamumo'ma monafinkati'ma eramino Agrite'ma emani'nea ne'mo, Agra Ruotge Avamupina mono tina fre zamantegahie hu'ne.
我也不曾認識衪，但那派遺我來以水施洗的，給我說：你看見聖神降下，停在誰身上，誰就是那要以聖神施洗的人。
34 Nagrani'a kete'na, huama hu'na ama Anumzamofo mofavre hu'na neramasmue.
我看見了，我便作證：衪就是天主子。」
35 Anante zupa Joni'a, amage'ma nenta'a disaipoli netrema'ane oti'neno,
第二天，若翰和他的兩個門徒，又在那裏站著，
36 Jisasi'a ne-egeno Joni'a negeno amanage huno hu'ne, Keho, amu Anumzamofo Sipisipi anentare,
若翰看見耶穌走過，便注視著衪說：「看，天主的羔羊! 」
37 anage hige'ne, Joni amagema nenta'a disaipol netremoke nentahi'ne, Jisasi amage'anteke vu'na'e.
那兩個門徒聽見他說這話，便跟隨了耶穌。
38 Jisasi'a amage'a nevakeno rukrahe huno neznageno, Na'anku nehakra'e? huno znantahigege'ne, Rempi hurami ne'moka inante Kagra nemanine? hu'ne antahigena'e.
耶穌轉過身來，看見他們跟著，便問他們說：「辣彼! ─意即師傅─你住在那裏？」
39 Agra anage zanagriku hu'ne, E'netna tanagratani'a emege'o hige'ne, Agrane vuke nemania nonkuma omenege'ne ana zupa Agrane mani'nakeno, 4 kiloki hu'ne.
衪向他們說：「你們來看看吧! 」他們於是去了，看了衪住的地方；並且那一天就在衪那裡住下了。那時，大約是第十時辰。
40 Hagi nanterana mago'mo Joni hiankema antahiteno Jisasi amage'ma vu'nea nera Endru'e, Saimon Pitana nefu'e.
西滿伯多祿的哥哥安德肋，就是聽了若翰的話，而跟隨了耶穌的那兩人中的一個，
41 Hagi Endru'a, Jisasima keteno pusante Endru'a nefu Saimoni keno, amanage huno asami'ne. Tagra hago Mesaiana hakreta erifore hu'none. (E'i ana agima eri rukrehe'ma hu'neana Kraisi'e hu'ne.)
先去找了自己的弟弟西滿，並向他說：「我們找到了默西亞。」─意即基督。
42 Jisasinte Endru'a, Saimonina avreno vu'ne. Vigeno Jisasi'a negeno anage huno asmi'ne, Kagra Saimonige Joni nemofoga mani'nane, kagri kagi'a Sifasi'e hugahaze. (E'i ana agima eri rukrehe'ma hu'neana Pita'e hu'ne.)
遂領他到耶穌跟，耶穌注視他說：「你是若望的兒子西滿，你要叫『刻法』─意即伯多祿。
43 Mseno kotigeno Jisasi'a Galili vunaku nehuno Filipi ome negeno, Nagri namage anto hu'ne.
第二天，耶穌願意往加利肋亞去，遇到了斐理伯，耶穌便向他說：「你跟隨我吧! 」
44 Hanki Filipi'a Betsaidati ne' Andrune, Pitakiznia rankuma zani'areti nere.
斐理伯是貝特賽達人，與安德肋和伯多祿同城。
45 Filipi'a, Natanieli'e nehaza ne' kefore huteno amanage huno asmi'ne, Mosesi'ene kasnampa vahe'mo'zama avontafepima agenke'ama krente'naza Ne'ma, Nazareti kumateti Josefe nemofo Jisasi'e hu'naza nera hago hakreta erifore hu'none, huno asmi'ne.
斐理伯遇到納塔乃耳，就向他說：「梅瑟在法律上所記載，和先知們所預報的，我們找著了，就是若瑟的兒子，出身於納匝肋的耶穌。」
46 Natanieli'a anage huno Filipina antahige'ne, Nazaretia knare'zana efore hugahio? Filipi'a anage hu'ne, kagraka'a enka emego.
納塔乃耳便向他說：「從納匝肋還能出什麼好事嗎？」斐理伯向說：「你來看一看吧! 」
47 Natanieli'a Agritega ne-egeno Jisasi'a negeno amanage hu'ne, Keho, tamage Israeli vahere agu'afina havige hu'zana omne'ne!
耶穌看見納塔乃耳向自己走來，就指著說：「看! 這確是一個以色列人，在他內毫無詭詐。」
48 Natanieli'a Agriku anage hu'ne. Kagra inankna hunka nagrira nage'nane? Jisasi'a ke'nona huno amanage hu'ne, Filipi'a kagi osu'negenka fiki zafa agafafi mani'nanke'na ko kage'noe.
納塔乃耳給衪說：「你從那裏認識我呢？」耶穌回答說：「斐理伯叫你以前，當你還在無花果樹下時，我就看見了你。」
49 Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere.
納塔乃耳回答說：「辣彼，你是天主子，你是以色列的君王。」
50 Higeno, Jisasi'a ke'are anage huno asmi'ne, Na'ankure Nagrama hu'na fiki zafa agafafi mani'nanke'na kage'noema huazanku kamentinti nehano? Henka'a agatere'neaza ruzahu'za kagra kegahane.
耶穌遂說道：「因為我向你說：我看見了你在無花果樹下，你就信了嗎？你要看見比這更大的事! 」
51 Higeno Jisasi'a mago'ane amanage huno Natanielina asami'ne, Tamagerafa hu'na Nagra kagrira negasamue, kagra negesankeno mona kafamo'a anagisigeno, Anumzamofo ankero zagamo'za, Vahe'mofo Mofavrere mareriza tamiza nehanigenka kegahane.
又向他說：「我實在告訴你們：你們要看見天開，天主的天使在人子身上，上去下來。」
