Joni 4
1 Hagi Jisasi'a antahiama Farisi vahe'mo'za hu'za Jisasi'a, Jonina agatereno rama'a amage antesaza disaipol nagara zamazeritru huno, mono tina frenezmante hu'za nehazanke antahi'ne.
耶稣意识到，法利赛人已经发现，他收门徒和施洗的人数已经超过了约翰，
2 (Anage hazanagi Jisas'a Agra'a mono tina freozmante'ne. Hagi Agri'ma amage nentaza disaipol naga'mo'za mono tina fre zamante'naze.)
（但进行施洗之人不是耶稣，而是他的门徒）
3 Judia kaziga atreno Agra mago'ene Galili vu'ne.
于是他离开犹太，返回加利利。
4 Galilima vunakura Sameria mopa kazigati nevaza kantega rugitagino vu'ne.
途中需要经过撒玛利亚。
5 Anante Sameria mopa kaziga nevuno, ana mopafi mago kuma agi'a Sika nehazare uhanati'ne. Korapara Jekopu'a ana mopa tva'oma'are me'nea mopa, Josefena ami'neane.
随后他来到撒玛利亚一座名叫叙加的城邦，雅各送给他儿子约瑟的那块地就在这附近。
6 Ana kuma tva'onte Jekopuna tinkeri'a me'ne. Hagi Jisasi'a kama e'nea zamo avesra higeno ana tinkerire umanigsa hu'ne. Feru avame zageha higeno anante umani'ne.
雅各的井也在这里。正午时分，耶稣因为旅途疲倦，就坐在井旁。
7 Anante mago Sameria a'mo ti afinaku ana tinkerire egeno, Jisasi'a ana a'mofonku huno, Tina afi namio huno hu'ne.
一个撒玛利亚妇人来此取水。耶稣对她说：“能不能给我点水喝。”
8 Na'ankure Agri amage nentaza disaipol nagara rankumategati ne'za mizasenaku zamagra vu'nazageno mani'neno anagea hu'ne.
当时他的门徒都去城里买食物去了。
9 Anage higeno ana Sameria a'mo Jisasinku huno, Kagra Jiu ne' mani'nananki nahigenka Sameria a' monagura, tina afi namio hunka nantahi'negane? (Na'ankure Jiu vahe'mo'za Sameria vahe'enena tragote'za nomanize.)
撒玛利亚妇人对耶稣说：“你是犹太人，怎能向我这个撒玛利亚妇人要水喝呢？”因为犹太人与撒玛利亚人完全没有往来。
10 Jisasi'a ana ke nona'a anage huno asami'ne, Anumzamo negamia musezama antahi'nenkasina, iza'o kantahigeno kagriku'ma, tina afi namige'na na'neno nehia ne'ma kagra antahigankeno, Agra asimu eri tina kamisine.
耶稣回答她：“但凡你意识到上帝的恩赐，知道是谁对你说‘能不能给我点水喝’，你一定会去求他了，他会赐给你生命之水。”
11 Ana a'mo Agriku huno, Ra ne'moke Kagra tima afisana tafena e'ori'nankeno tinkerimo'a zaza huno urami'ne. Hagi Kagra igati ana asimu eri tina afigahane?
妇人说：“先生，你没有桶，井又深，又要到哪里获得生命之水呢？
12 Jekopu neragehona Kagra agterenka onaga'a mani'nampi? Na'ankure agra ama tinkeria tamine, agra ana tinkerifinti nenege'za, mofavre naga'amozane afu'zaga'amoza ne'naza tine.
我们的先父雅各把这口井留给我们，他自己，他的子孙和他的牲畜都曾喝过井中之水，难道你比他还伟大吗？”
13 Higeno Jisasi'a ana a'mofo ke nona'a huno asmi'ne, Maka'mo'za ama tima nesanuza ete ru'ene tinkura zamesigahie.
耶稣回答：“喝过这里的水，之后还是会感到口渴。
15 Higeno ana a'mo Agriku amanage hu'ne, Ra nemoka, ana tina namigeno, nagrira tinkura nave'osisige'na tima afi'zantera oma'neno, huno hu'ne.
妇人说：“先生，请赐我这样的水，让我不再口渴，无需再到这里打水！”
16 Agra ana akura huno, Vunka, negavena ome ke hunka avrenka amare eno.
耶稣说：“去叫上你的丈夫，然后回到这里来。”
17 Higeno ana a'mo kenona'a huno asmi'ne, Nagra ve onte'noe higeno, Jisasi'a ana ara anage huno asmi'ne, Kagra vema onte'noe hunkama nehanana tamage hunka nehane,
妇人回答：“我没有丈夫。”耶稣说：“你说你没有丈夫，的确如此。
18 na'ankure kagra kotenka 5fu'a ve eri'nane, hagi menima kagrane mani'nea vea negave'a omani'ne. E'igu kagra tamage hunka nenasmine.
你曾有五位丈夫，现在和你生活在一起的人并不是你的丈夫。你说的是事实！”
19 Higeno ana a'mo Agrira asmino, Ra nemoke, nagrama negagoana Kagra mago kasnampa ne' mani'nane.
妇人说：“先生，现在我可以看出来，你是先知。
20 Tagrira tafahe'za ama agonafi monora hunte'naze. Jiu vahe'motma Jerusalemi kumateke monora huntegahaze hutma tamagra nehaze.
我们的祖先在这个山上敬拜上帝，但你们却说，必须在耶路撒冷敬拜。和我讲讲这个吧。”
21 Higeno Jisasi'a amanage huno ana ara asami'ne, Ama a'moka, kema hanua kerera kamentinti huo, mago kna ne-eankino efore'mahina, ama agonafino, Jerusalemi kumatero tamagra Nerfantera monora huontegahaze.
耶稣回答：“相信我，你们膜拜天父的地点并非在这山上，也不在耶路撒冷。现在这个时刻将要来到。
22 Tamagra ontahi'naza zante monora nehaze, tagra antahi'nona zante monora nehune. Na'ankure vahe'ma zamagu'vazizana Jiu vahe'motafi me'ne.
你们并不了解所膜拜的上帝，我们所膜拜的却是我们所知晓的上帝，因为救赎源自犹太人。
23 Hianagi mago kna ne-ea knamo'a hago menina ama fore hu'ne. Nenfama tamage mono hunteku hanamo'za, avamupi tamage avu'avateti monora huntegahaze. E'inahu hu'za mono'ma huntesaza vaheku Nenfa'a nehakre.
这样的时刻正在到来——事实上已经来到。真正膜拜天父之人，会遵循真理、在精神中膜拜。因为天父寻找的就是这样膜拜他的人。
24 Na'ankure Anumzana Agra Avamure, hu'negu mono'ma hunteku hanamo'za, zamagra zamagu'areti avamuzmifi tamage monora huntegahaze.
上帝就是灵，膜拜他的人必会在自己的灵中膜拜，遵循真理膜拜。”
25 Higeno ana a'mo Agrira amanage huno asmi'ne, Nagra antahi'noe Mesaia'a (tazahu ne') egahie, (Kraisi'e hu'zama agima ante'naza nera), ana ne'ma esnuno'a, maka'zana tasmi ama hanigeta antahi'gahune.
妇人说：“我知道（那被称为基督的）弥赛亚即将到来，他来是为了把一切都告诉我们。”
26 Jisasi'a ana ara asmino, Ama nanekema nehua ne'mona ana ne' Mesaia'ne.
耶稣说：“我是——现在与你说话的就是他。”
27 Anage nehakeno Jisasima amage'ma nentaza disaipol nagara anante enehanatiza ana a'ene naneke nehige'za nege'za antri nehu'za hakare antahintahi hu'nazanagi, nazanku nehakre huge, nazanku a'ene kegaga nehie? Hunora mago'mo'a antahi onke'ne.
这时门徒们回来了，看到耶稣和一个妇人说话，他们感到很惊讶，但没有人问：“你在做什么？”或说：“你为什么与她说话？”
28 Anante ana a'mo tinkavo'a netreno, rankumatega viazamo vene'ne zaga ome zamasmino,
那妇人丢下自己的水罐，跑回城里，对众人说：
29 Eta eme keho, maka'zama hu'noa zanku'ma huama huno nasmi'nea nera, Kraisi'ema hu'naza ne' e'negahie?
“快来看看这个人，他把我所做的一切都说出来，这人会是基督吗？”
30 Ome zamasmige'za, rankumara atre'za zamagra atirami'za Agritega e'naze.
于是众人纷纷出城，要去看看耶稣。
31 Vahe'ma zamarenaku vu'nege'za amage nentaza disaipol naga'mo'za Jisasina tutu hunte'za, hurami ne'moka (Rabbai), ne'zana no hu'naze.
与此同时，门徒对耶稣说：“拉比，吃点东西吧！”
32 Hianagi Jisasi'a zamasmi'no, Nagrama nesua ne'zama me'neana tamagra onke'naze, huno zamasmi'ne.
但耶稣说：“我有可以吃的东西，只是你们对此一无所知。”
33 Anage hige'za amagema nentaza disaipol naga'mo'za, ke ohumi ahumi nehu'za, zamagra hu'za mago'mo ne'zana eme amigeno ne'neno Agra nehifi?
门徒们询问彼此：“有人拿东西给他吃了吗？”
34 Jisasi'a amanage huno zamagrira zamasmi'ne, Nagri ne'zana aza'o hunantege'na e'nomofo avesite eri'zama'a eri vagaresanugu hunantege'na e'noe.
耶稣告诉他们：“遵循派我来此之人的旨意，完成他的工作，这就是我的食物。
35 4'a ika maniteta tamagra hozama hamare kna me'ne huta nosafi? Nagra neramasmuanki keho, kesga hutma hozafina tmua keho, ne'zamo afureno ta'nefa ruherafino hoza hamare kna kofta nehie.
你们不是说‘距离收获还有四个月’？我告诉你们，睁开眼睛看看四周！田里的庄稼已经熟了，可以收获了。
36 Ana ne'zama hamare'namo'za hago mizazamia knare hu'za eri'naze. Hagi ana raga'ama hamare'nazana manivava mani'zante vahera zamare'za vu'naze, ana nehina aza'o hozama nehankremo'ene, hozama nehamremokea, zanagu'a musena magoka hugaha'e. (aiōnios g166)
收获庄稼的人能获得工资，也可以为永生储存粮食，让撒种之人和收割之人都感到快乐。 (aiōnios g166)
37 Na'ankure ama ana nanekea tamage ke me'ne. Mago'mo hoza hankretegeno, rumo hoza nehamare hu'za nehaze.
俗话说‘你撒种，我收割’，的确如此。
38 Tamagra zamaza hutma avimzana ose'naza hozafi Nagra huneramantoe, rumo'za amuho hu'za eri'za hankre'naza hozafi, tamagra ne'za hamare'sagu huneramantoe.
我派你们去收获的，并非是你们劳作的结果，别人劳苦工作，你们来收获他们工作的成果。”
39 Sameria rankumateti hakare vahe'mo'za Agrite zamentinti hu'naze. Na'ankure ana a'mo'ma huno maka'zama nagra ko'ma hu'noa zana, Agra huama hunante'ne.
由于那名妇人见证说：“他把我所做的一切都说出来”，城里就有许多撒玛利亚人开始相信耶稣。
40 E'inage hige'za, Sameria vahe'mo'za Jisasinte e'za, tagrane manigahane hu'za hanaveti'za antahigageno, Agra tare zagegna zamagrane mani'ne.
他们来到耶稣所在的地方，祈求能和他在一起，于是耶稣就在那里停留了两天。
41 Hagi Jisasi'ma zamasmia ke nentahi'za, hakare'a ontahi'naza vahe'mo'zane zamentinti hu'naze.
因耶稣所说的话，信他的人就更多了。
42 Zamagra ana ara amanage hu'za asmi'naze, kagrama hana kegukera tamentinti nosune, hagi tagra tagesafinti antahita tamentinti nehune. Agra tamage maka kokankoka vahe'mota tazahu nere.
他们对那妇人说：“现在我们相信他，不再是因为你所说的，而是因为我们亲自听见了，确认他就是这世界的救世主。”
43 Tare zage knama maniteno, Jisasi'a ana kumara atreno Galili vu'ne.
两天后，耶稣继续向加利利出发。
44 Na'ankure Jisasi'a Agra'a huama huno, Kasnampa (profet) vahe agi'a mopa agafa'arera erisaga osugahaze huno hu'ne.
耶稣自己就曾说过：“先知在自己的家乡不受尊敬。”
45 Hagi anante Galilima ehanatige'za, kinafinti zamare'nea knagu nentahiza muse ne'za kreza nenaza knarera (pasova) Jerusalemi vu'ne'za ke'naza vahe'mo'za musena hunte'naze.
但耶稣抵达加利利后，那里的人都很欢迎他，因为他们曾到耶路撒冷过逾越节，见过他所做的一切。
46 Ana hazageno Kana Galili kaziga, tinteti waini'ma trohu'nea kumate eteno e'ne. Anante mago kamani eri'za ne'mofo mofavre'mo Kapenium kumate kri erino mase'ne.
耶稣又造访了加利利的迦拿，就是他把水变成酒的地方。那附近有一个叫做迦百农的城邦，一名皇家长官的儿子患上重病。
47 Jisasi'a Judia atreno Galili kaziga ehanatia kema nentahino'a, kri eri'nea mofavre'mofo nefa'a Agrite viazamo asuragi kefinti, Enka mofavre ni'a eme azeri so'e huo huno nemofo'a fri'kante mase'negeno antahige'ne.
他听说耶稣从犹太返回了加利利，就跑来求他去医治他的儿子，因为那孩子命不久矣。
48 Anage higeno Jisasi'a asmino, Avame'zane kaguvaza hanuazana ketetage'za, tamagra tamentintia hugahazo!
耶稣对大家说：“如果看不见神迹和奇迹，你们就是不肯相信我。”
49 Ana kamani eri'za ne'mo'a Jisasinkura huno, Ramoke mofavreni'a frisanigi ko eramio.
那位长官说：“主啊，趁我的孩子还没有死，求你去看看吧！”
50 Higeno Jisasi'a ana nera asmino, Nonkarega vuo, negamofo'a ofrino amne mani'ne. Ana ne'mo tamage Jisasi'a nehie huno amentinti nehuno atreno ete noma'arega vu'ne.
耶稣告诉他：“回家吧，你儿子的病好了！” 那人相信了耶稣对他说的话，就回家了。
51 Atreno kantega uneramige'za, kazokzo eri'za vahe'amo'za eme asami'za, negamofona kri'a atrentegeno mani'ne hu'za eme asmi'naze.
他在回家的路上遇到了仆人，仆人告诉他一个好消息：他的儿子活着，并且已经痊愈。
52 Anagema hu'za asmizageno kri'ama atrente'nea knagu zamantahigege'za zamagra asami'za, Okina wan kiloki higeno avufa teve ha'zamo'a atrente'ne.
他询问孩子痊愈的时间。他们告诉他：“昨天下午一点钟，高烧就退了。”
53 Anagema nehazageno nefa'a agesa antahi'ne, Jisasi'a ana knareku huno, Negamofo'a ofri amne mani'ne huno hu'ne, nehuno agrane noma'afi nemaniza naga'ane, maka'moza zamentinti hu'naze.
这位父亲意识到，耶稣也是在那个时间告诉他“你儿子的病好了”，于是他自己和全家人都相信了耶稣。
54 Jisasi'ma Judia kazigama atreno Galilima emanineno'a, ama'i nampa 2 avame'za eri fore hu'ne.
从犹太回到加利利后，这是耶稣所做的第二件神迹。
