Jovu 6

1 Elifasi'ma anagema hutegeno Jopu'a amanage huno kenona hunte'ne.

ויען איוב ויאמר

2 Hagi nasuzampima mani'noa zamofo kna'ane hazenke zani'amofo kna'anema sigerire'ma erinte'za kazasina,

לו--שקול ישקל כעשי והיתי (והותי) במאזנים ישאו-יחד

3 maka hagerinkenafi kaseparamimofo kna'a agateresine. E'inama hu'nea zankura nagra nagesa antahi so'e osu ame'ama hu'na rama'a kea hu'noe.

כי-עתה--מחול ימים יכבד על-כן דברי לעו

4 Na'ankure Hihamu'ane Anumzamo'a keve nahetrege'na masenogeno ana keveraminte'ma fre'nea avuatga zamo'a nazeri haviza nehie. Ana nehigeno nazeri koro'ma hu'zantamima Anumzamo'ma huntegeno e'nea zamo'a navuga emanimpi huneno nazeri korora nehie.

כי חצי שדי עמדי--אשר חמתם שתה רוחי בעותי אלוה יערכוני

5 Hagi afi donki afu'mo'zane bulimakao afu'mo'za trazama me'nege'zama nene'za krafa nosaze.

הינהק-פרא עלי-דשא אם יגעה-שור על-בלילו

6 Hagi hagema ontegeno'ma hagama osu ne'zana vahe'mo'za amnea negahazafi? Nama amu'amofo efeke'amo'a haga hugahifi?

היאכל תפל מבלי-מלח אם-יש-טעם בריר חלמות

7 Nagra e'inahu' ne'zama avako'ma hu'zankura navresra nehie. E'inahu ne'zama nenogeno'a, amuti nagesa nehige'na ana nezama ne'zankura tusi nagonete.

מאנה לנגוע נפשי המה כדוי לחמי

8 E'igu Anumzamo'a nunamuni'a nentahino, nagesama nentahua zana hunantesiegu nave'nesie.

מי-יתן תבוא שאלתי ותקותי יתן אלוה

9 Anumzamo'a nare hapati'nige'na fruresina knare nehigeno, Anumzamo'a azana rusuteno nahege'na fruresina knare hisine.

ויאל אלוה וידכאני יתר ידו ויבצעני

10 Knazampi mani'ne'na natagura nehuanagi, nazeri knare hugahie. Na'ankure knazampima mani'ne'na Ruotge'ma Hu'nemofona kea huhavizana huonte'noe.

ותהי-עוד נחמתי-- ואסלדה בחילה לא יחמול כי-לא כחדתי אמרי קדוש

11 Hankave'ni'a omne'neanki'na hanaveti'na mani'ne'na ama ananknazana eri'na ovugosue. Akohena mani'ne'na ama ana knafima ufre hankaveni'a omnetfa hie.

מה-כחי כי-איחל ומה-קצי כי-אאריך נפשי

12 Hanavenimo'a havegna huno hanavenentake higeno, navufgamo'a bronsimo'ma hiaza hu'nefi?

אם-כח אבנים כחי אם-בשרי נחוש

13 Hagi nagra'a naza hugara nosugeno, ama ana knazama agatere kankmuna omnetfa hie.

האם אין עזרתי בי ותשיה נדחה ממני

14 Hagi Hihamu'ane Anumzamofoma korora hunontesnia vahe'mo'agi, rone'amo'ma knafima mani'nenigeno'a knare avu'ava huntegahie.

למס מרעהו חסד ויראת שדי יעזוב

15 Hagi nenafugatma tamagra, hagegema hu'nea tinkagomupi ko'ma rigeno tusi tima hageno eteno, ko'ma rusegeno'ma ame huno'ma taneankna vahe mani'naze.

אחי בגדו כמו-נחל כאפיק נחלים יעברו

16 Hagi zagemo'ma aisima teze'ze higenoma, tima hageno'ma eviankna vahe mani'naze.

הקדרים מני-קרח עלימו יתעלם-שלג

17 Hianagi ana timo'a ra zagema regeno'a neranegeno, tusi amuhoma higeno'a, tima eneviretira taneno hagege nehie.

בעת יזרבו נצמתו בחמו נדעכו ממקומם

18 Hagi fenozama zagorema netraza vahe'mo'za (Karivani) hagege ka'ma kokampima enevu'za tinku'ma zamavesige'zama umani fru hu'zama tima nenaku'ma hazana, timo'a tanenege'za tinkura huge'za fri'naze.

ילפתו ארחות דרכם יעלו בתהו ויאבדו

19 Hagi Tema kumateti fenozama zagore'ma netraza vahe'mo'zama enevu'za ana krahopima tinku'ma kazana tina omnene. Hagi Siba kumateti vahe'mo'zanena enevu'za ana tina negahune hu'za amuhara hu'nazanagi onke'naze.

הביטו ארחות תמא הליכת שבא קוו-למו

20 Hagi zamagra ana tina enevifi hu'zama ome kazana ana timo'a tanegeno, ana tima negahunema hu'za amuha'ma hu'za e'naza zamo'a amnezankna hu'ne.

בשו כי-בטח באו עדיה ויחפרו

21 Hagi menina tamagoana timoma taneaza huta naza hugara osaze. Na'ankure nagri'ma eme nagazana, tusi knaza eri'na mani'nogeta, tusi tamagogogu nehaze.

כי-עתה הייתם לא תראו חתת ותיראו

22 Nagra mago'mokagura hu'na nagri nagi erinka muse'za amio hu'na huge, magomokagura hu'na fenonka'afintira mago'azana erinka knazampintira atesinka navro hu'na hu'nofi?

הכי-אמרתי הבו לי ומכחכם שחדו בעדי

23 Hagi ha' vahe'nimofo zamazampintira nagu'vazio hu'na huge, kefo vahetmimofo zamazampintira nagu'vazio hu'na mago'mokagura osu'noe.

ומלטוני מיד-צר ומיד עריצים תפדוני

24 Hagi akoheno'ma mani'zana rempi hunaminke'na kea osu' akohe'na mani'neno. Hagi havizama hu'ne'nua zana naveri hiho.

הורוני ואני אחריש ומה-שגיתי הבינו לי

25 Tamage nanekema hu'zamo'a tusi katagrigahie. Hianagi keha'ma rezamo'a, nanknare'za erifore hugahie?

מה-נמרצו אמרי-ישר ומה-יוכיח הוכח מכם

26 Tamagrama tamagesa antahi'zana, tagrama huna ke antahino amage antegahie huta nehuta, knazampima mani'ne'na nazama huzanku'ma nehakoa vahe'mo'na nanekea eri amne hazageno zahoknara nehio?

הלהוכח מלים תחשבו ולרוח אמרי נואש

27 Ana nehutma satu zokago reta negeta, megusa mofavreramine, ronetaminena zagore zamatregahaze.

אף-על-יתום תפילו ותכרו על-ריעכם

28 Hianagi menina muse nehuta kama nageho, tamagri tamavufina nagra havige nehufi?

ועתה הואילו פנו-בי ועל-פניכם אם-אכזב

29 Tamagra havigea huta kumi hune huta nazeri haviza hu kea osiho. Na'ankure nagra mago hazenkea osu'noe.

שובו-נא אל-תהי עולה ושבי (ושבו) עוד צדקי-בה

30 Tamagrama tamagesama antahi'zana, nagra havige nehufi? Nagra fatgo zane knare zanena ke'na antahi'na osugahufi?

היש-בלשוני עולה אם-חכי לא-יבין הוות