Jovu 41

1 Hagi agaza hunte tusizankna osifavema Leviataniema nehaza osifavekrerfa, hagerimpima nemaniana Jopuga hukuretira avazu nehunka, nofitetira agefu'narera anakigahampi?

なんぢ鈎をもて鱷を釣いだすことを得んや その舌を糸にひきかくることを得んや

2 Agonagampina nofira rentetenka, avazu hunka nevunka, ameragempina reraponentenka nofira rentegahampi?

なんぢ葦の繩をその鼻に通し また鈎をその齶に衝とほし得んや

3 Ana'ma hanankeno'a kasunku hunantenka natro hunora fru kea hugahifi?

是あに頻になんぢに願ふことをせんや 柔かになんぢに言談んや

4 Ana nehuno nagra mago narimpa huanki'na kagri eri'za vahe manine'na, kazokazo eri'za erigante vava hu'na vugahue hunora hugahifi?

あに汝と契約を爲んや なんぢこれを執て永く僕と爲しおくを得んや

5 Namama avrenka kegavama nehana zana hunka kegava nehunka, nofitera rentetenka ne'one mofaneka'a zaminanke'za zokagora rentegahazafi?

なんぢ鳥と戲むるる如くこれとたはむれ また汝の婦人等のために之を繋ぎおくを得んや

6 Hagi zago vahe'mo'za ana zagama mizasenakura, mizama'agura keha rete'za, ana zaga ahe'za akafari osi osi hu'za eri'za maketifina zagorera ome atregahazafi?

また漁夫の社會これを商貨と爲して商賣人の中間に分たんや

7 Hagi ana zaga, nozamema nehaza keveretira asenifine avufgafinena ahegresogreso hugahampi?

なんぢ漁叉をもてその皮に滿し 魚矛をもてその頭を衝とほし得んや

8 Hagi ana zagamofo avufgare'ma kazama antenka kesanunka, henka'anena anara osugahue hunka hugahane. Na'ankure ana'ma hanugeno'ma henka'ama ha'ma hunantesniana, havizantfa hugahie hunka kagesa antahigahane.

手をこれに下し見よ 然ばその戰鬪をおぼえて再びこれを爲ざるべし

9 Hagi antahio, kagrama hunka ana zagama azerisanue hunka'ma kagesama nentahisanunka anara osuo. Na'ankure ana zagama azerisanuema huno hania vahera ana zagamo'a refaki hutregahie.

視よその望は虚し 之を見てすら倒るるに非ずや

10 Mago vahe'mo'a ana leviatani'ema nehaza zaga azeri oraotigahie. Ana'ma haniana iza oti hankaveti'neno hara hunantegahie?

何人も之に激する勇氣あるなし 然ば誰かわが前に立うる者あらんや

11 Iza mago zana nami'nesanigu hu'na, ete nona hu'na amigahue? Na'ankure ama mopafima maka zama me'nea zantamina, Nagri zanke me'ne.

誰か先に我に與へしところありて我をして之に酬いしめんとする者あらん 普天の下にある者はことごとく我有なり

12 Hagi leviataniema nehaza zagama hage rimpima nemania zagamofo hankavene, avufgane agia azankrefagura eri ama hu'na kasamigahue.

我また彼者の肢體とその著るしき力とその美はしき身の構造とを言では措じ

13 Ana zagamofo avufagare'ma me'nea irira iza eri kanope netreno, agofetu agofetu'ma huno'ma hankave avufgama me'neana iza reraponegahie?

誰かその外甲を剥ん 誰かその雙齶の間に入ん

14 Ana zagamofona ave krerfa hunte'neanki'za, vahe'mo'za koro nehaze. E'ina hu'neankino, iza ana zaga aheno agemzampa atavegrigahie?

誰かその面の戸を開きえんや その周圍の齒は畏るべし

15 Ana zagamofo amagenafina iri'amo'a, magopi rukamaretere huno evuevu hu'neankino hankavetino hankogna hu'ne.

その並列る鱗甲は之が誇るところ その相闔たる樣は堅く封じたるがごとく

16 Ana zagamofo iri'amo'a, magopi akamareno hantohanto hu'neankino, zahomo'ma ufrega kana omane'ne.

此と彼とあひ接きて風もその中間にいるべからず

17 Mago mago irimo'a agu'afinka, mago irite rukamaretere huno azeri hankaveti'ne. Ana hu'neankino eri kanopeno eri rure'rurera hugara osu'ne.

一々あひ連なり堅く膠て離すことを得ず

18 Hagi ana zagamo'ma kasi'ma haniana, agonagampintira teve ruganani huno vuno eno nehigeno, avurgafintira nantera zagema marerino zagemo'ma remsama hiaza nehie.

嚔すれば即はち光發す その目は曙光の眼瞼(を開く)に似たり

19 Ana zagamofo agipintira teve ruganani huno vuno eno nehigeno, agipintira tevemo'a hagna hagna huno atineramie.

その口よりは炬火いで火花發し

20 Ana nehigeno kavofima tima tagino, tevere kre'negeno krakra hiaza huno, agonagampintira amu'mo'a rugasu huno enevie.

その鼻の孔よりは煙いできたりて宛然葦を焚く釜のごとし

21 Hagi agipinti'ma evia zahomo'a tanknu'zafima tevema nerea tevea hukru higeno rukaru nehigeno, teve nefamo'a agipintira hagna hagna huno nere.

その氣息は炭火を爇し 火燄その口より出づ

22 Ana zagamofo anankempina tusi'a hankave me'neankino, inantego vanoma hiana, tusiza huno vahera zamazeri koro nehie.

力氣その頸に宿る 懼るる者その前に彷徨まよふ

23 Ana zagamofo avufgamo'ma marerino tamino'ma hu'nea ma'amo'a, magopi ruhampri ruhampri huno antrako huno hankaveti'neankino, eri pahesi rure rure'ma hu'amo'a amuho hu'ne.

その肉の片は密に相連なり 堅く身に着て動かす可らず

24 Ana zagamofo tumo'amo'a havegna huno hanavetineankino, witima refuzafunepaza havegna hu'ne.

その心の堅硬こと石のごとく その堅硬こと下磨のごとし

25 Ana zagamo'ma o'manetige'za hankave vahe'mo'za koro nehu'za, na'a hugahune hu'za kanku nehakaze.

その身を興す時は勇士も戰慄き 恐怖によりて狼狽まどふ

26 Ana hu'neankino bainati kazintetiro, keveretiro, karugru keveretiro, osi have kazintetira mago vahe'mo'a ana zaga ahegara osu'ne.

劍をもて之を撃とも利ず 鎗も矢も漁叉も用ふるところ無し

27 Hagi ainireti'ma tro'ma hu'naza ha' zantamima ana zagamo'ma keana, trazankna huno keamne zankna nehuno, bronsireti'ma tro'ma hu'naza ha' zantamima keana, kasari'nea zafagna hu'ne.

是は鐡を見ること稿のごとくし銅を見ること朽木のごとくす

28 Vahe'mo'za kevea ahe tresnageno mani'nesnirega vugahianagi, korora ofregahie. Gumi atifina havea erinte'za ahegahazanagi ana havemo'a hagege trazamo'ma avufgare'ma avako'ma hiankna hugahie.

弓箭もこれを逃しむること能はず 投石機の石も稿屑と見做る

29 Kumpa kanoma kesaniana, trazankna huno ke amnezaneseno, karugru kevema matrevuno atresigeno esania zamofo agasasama nentahino'a kiza regahie.

棒も是には稿屑と見ゆ 鎗の閃めくを是は笑ふ

30 Ana zagamofo asagufima me'nea irimo'a, mopa kavomo'ma rupararo vazigeno asane'neankna hu'ne. Ana hu'neankino, mopafima regararo heno'ma nevigeno'a, mopa vazikekurino nevie.

その下腹には瓦礫の碎片を連ね 泥の上に麥打車を引く

31 Hagi hagerimpima nevigeno'a, kavofima tima afino tevefi kre'negeno timo'ma krakra hiaza huno, hagerimo'a krakra huteno masavemo'ma ze'ze'ma nehiaza nehie.

淵をして鼎のごとく沸かへらしめ 海をして香油の釜のごとくならしめ

32 Ana zagamo'ma hagerimpima nevigeno'ma, amefi'ma timo'ma agrege'ma huno nevia zamo'a rumsa huno efeke hu'neankino, mago kavrinteaza nehie. Ana nehigeno ana zamo'a tavava ozafamofo efeke azoka kna huno efeke nehie.

己が後に光る道を遺せば淵は白髮をいただけるかと疑がはる

33 Ama mopafina mago agrikna zaga omani'neankino, mago zagagura korora nosie.

地の上には是と並ぶ者なし 是は恐怖なき身に造られたり

34 Maka zagama mani'naza zagafina, agra zamagatereno avufga ra nehie. Ana hu'neankino maka afi zagama mani'nazana zamagatereno kini mani'ne.

是は一切の高大なる者を輕視ず 誠に諸の誇り高ぶる者の王たるなり