Jovu 39

1 Hagi agonafima nemaniza afi meme afutamimo'za anenta'ma nentaza kna fatgoa kagra antahi'nampi? Kagra nezmaganke'za afi dia afu'mo'za anentara nentazafi?

Sais-tu l'époque où met bas le chamois? Et présides-tu à la délivrance des biches?

2 Memene dia afumofo anentamo'zama nezmarera arimpafima nemaniza ikama'a antahi'nano? Nezamarera'ma kase zamantesnia kna kagra kenka antahinka hu'nampi?

Comptes-tu les mois que dure le temps de leur portée, et connais-tu l'époque où elles faonnent?

3 Memene dia afumo'zama anenta'ma antenakura, zamaga renamagi'za mopare manine'za anentara antazageno zamatazamo'a amne nehie.

Elles se baissent, laissent leurs petits naître, et secouent leurs douleurs;

4 Ana hutazage'za ana anentatamimo'za ta'nopafi mani'ne'za nena hute'za, nezamarerana atre'zama nevu'za ete rukrahera hu'za nomaze.

leurs petits deviennent forts, grandissent en plein air; ils partent, et ne reviennent plus à elles.

5 Afi donki afu'ma rente'naza nofira iza katufegeno fru huno vano nehie?

Qui est-ce qui a mis l'onagre en liberté, et lâché les liens de l'âne sauvage,

6 Hagege huno tra'zama omane'nea ka'ma koka zamuge'za nemanizage'na, hagemoke'ma hu'nea mopa Nagra zamuge'za nonkuma zamia ante'za nemanize.

auquel je donnai le désert pour logis, et la plaine salée pour habitation?

7 Ana donki afutamimo'za ran kumapima nemaniza vahe'mofo zamagasasankegura zamavaresra nehu'za, vahe'mo'zama zamazeri agazonema hunaku'ma kema nehazage'za, kezmia nontahize.

Il se rit de la rumeur des villes, et les cris du meneur ne frappent pas son oreille.

8 Ana donki afutamimo'za agonaramimpina vano nehu'za, tra'zama nesnagura hake'za vano nehaze.

Ce qu'il attrape sur les montagnes est sa pâture, et il est en quête de tous les brins d'herbe.

9 Afi bulimakaomo'a fru huno mani'neno kagri eri'zana erigahifi? Ana nehuno hanima hanigeno'a bulimakao afu nompina emasegahifi?

Le buffle consent-il à te servir? Ou passe-t-il la nuit à côté de ta crèche?

10 Afi bulimakao afu'mofona kare namare zafare nofira rentetenka, hanankeno kamagera nevuno, hozafina mopa rekorino vugahifi?

Attaches-tu par une corde le buffle au sillon? Ou herse-t-il les guérêts à ta suite?

11 Kagra ana bulimakao afu'mofo hankavegura antahineminka, atresnankeno amuhoma hu'nesia eri'zanka'a eri kantegahifi?

Te fies-tu en lui, parce que grande est sa force? Et t'en remets-tu à lui de ton labour?

12 Kagra ana afi bulimakao afumofo hankavegu nentahinka atresnankeno, hozakafintira witia erino witi honama neharafina vugahifi?

Comptes-tu qu'il fasse rentrer les récoltes, et les entasse sur ton aire?

13 Mananinkna za'za anankene namama Ostritsie nehaza namamo'a, muse nehuno agekona rutafra tafra nehie. Hianagi azokamo'a za'za aginkunane afi patomofo azoka knara osu'ne.

L'autruche bat joyeusement de l'aile: serait-ce la plume et le duvet du volatile aimant?

14 Ostriti namamo'za mopamofo agofetu amura antete'za zamatre'za vazageno mopamofo amuhomo zamazeri amuho hige'za nemanize.

Non! elle abandonne ses œufs à la terre, et les laisse chauffer dans le sable;

15 Hagi vahe'mo'o, mago afi zagamo'o agiareti amu'ama rempoke zankura Ostritsimo'a agesa nontahie.

et elle oublie qu'un pied peut les fouler, et une bête des champs les écraser! Elle est dure pour sa famille,

16 Zamagri'ma zamatama krige'zama kase zamante'naza zankura ontahi'za, ru namamo'ma kase zamante'nea anenta'ma hiaza hu'za kegavahu so'e nosaze.

qui lui devient étrangère; elle a pondu en vain, et n'en est point émue;

17 Na'ankure Anumzamo'a knare antahi'zana nomino, antahi ama'ma hu'zana agripintira eri atre'negu huno anara nehie.

car Dieu lui fait oublier d'être sage, et ne lui donne point part à la prudence.

18 Hianagi ana Ostritsi namamo'ma otino agama nereana, tusi avune anteno agama nerea hosi afu'ene agumpima mani'nea vahera agatereno nevie.

Quand elle se lève, et prend son essor, elle se rit du cheval et de son cavalier.

19 Kagra Jopuga hosi afu'mofona hankavea neminka, anankempima me'nea azokara kagra hankeno fore huno me'nefi?

Est-ce toi qui dotes le cheval de la bravoure, et revêts son col d'un crin frémissant?

20 Kagra hosi afu'mofona hankavea aminkeno ranra kenumo'zama nehazaza huno takaunerefi? Hosi afu'mo'zama zamageru'ma nerazazamo'a vahera zamazeri koro nehie.

Le fais-tu bondir, comme la sauterelle? Son souffle avec noblesse résonne dans ses naseaux, et il inspire l'effroi.

21 Ana hosi afu'mo'za zamagra'a hankavegu nentahi'za, haru hu'za mareri'za tami'za nehu'za zamagareti mopa rentrako nehu'za, hatera zamagare'za nevaze.

Il fouit le sol, et s'applaudit de sa force; il s'avance au devant des armes,

22 Hosi afumo'za korora hu'za antahintahi hakarea osu, bainati kazinteti'ma ha'ma nehazage'za hapintira atre'za korora nofraze.

il se rit de la peur, et ne tremble pas, et il ne recule point en face de l'épée.

23 Ana hosi afumo'za hapima nevazageno kevegumo'a vagare vagare nehigeno, karugaru kevereti'ene keveretira zagemofo masamo'a rumarave nehie.

Sur lui retentit le carquois, la lance étincelante et le javelot.

24 Ha'ma agafa hunaku nehigeno, paziveteti'ma ufema regeno'a, hosi afumo'a haru huno marerino tamino nehuno manirava oheno, aga zanteti hankavetino mopa nemasagie. Ana nehuno agareno ha'pina unefre.

De son pas il dévore le terrain qui s'émeut et tremble; il ne se contient plus au son de la trompette;

25 Paziveteti'ma ufema neraza krafagema hosimo'ma nentahino'a, oho huno nehuno ha'ma afete ne-egeno'a, ha'mofo mna nentahie. Ana nehuno hate'ma ugotama hu'naza sondia vahe'mokizmi zamagerura nentahino, sondia vahe'mo'zama ivigema hu'za aza zamagasasankea nentahie.

à l'ouïe de la trompette il dit: En avant! De loin il pressent la bataille, la clameur des chefs, et le cri de guerre.

26 Jopuga kagri antahi'za amage anteno, tumpamo'a ageko'na rutarerino sauti kaziga enevifi?

Est-ce par un effet de ton intelligence que l'épervier prend son vol, et déployant ses ailes gagne le Midi?

27 Hagi kagra hankeno tumpamo'a haresga huno marerino vahe'mo'ma mareoriga'afina nona negifi?

Est-ce à ton ordre que l'aigle s'élève, et va placer son aire sur les hauteurs?

28 Ana tumpamo'a have ra'nafi manino vano nehuno, kenagera anampinka nemase. Hagi nozamimo'a hankave kuma'zami me'neanki'za knare hu'za nemanize.

Il habite les rochers, et se loge sur les cîmes des rochers, le sommet des montagnes;

29 Ana kumate'ma manine'za, ahe'zama nenaza zaga afete mani'nazanagi, amne nezamagaze.

de là il épie sa proie, et ses yeux voient au loin,

30 Hagi tumpamo'ma mago zagama aheteno'a, ana zaga erino eno anenta'amofona eme amigeno, korama'a anivazu huno nene. Frino kasri'nesia zagamofo avufgama me'nesirega, tumpamo'za ome atru nehanagenka zamagegahane.

et ses petits sucent le sang, et, là où sont des cadavres, il se trouve.