Jovu 36

1 Hagi Elihu'a mago'ene amanage huno hu'ne.

Eliu reprit encore une fois et dit:

2 Jopuga akohenka mani'nenka antahi'nege'na antahintahia kami'neno. Na'ankure nagra mago'ene keaga hu'na Anumzamofo nanekea eri hankaveti'za nehue.

Attends un peu, et je t’instruirai, car j’ai des paroles encore pour la cause de Dieu;

3 Nagrama rempi hu'na antahi'zama antahi'noa antahi'zanteti menima kasamisuana, nagri'ma tro'ma hu'nea Anumzamo'a fatgo avu'ava'za nehia ne' mani'ne hu'na kasamigahue.

je prendrai mes raisons de haut, et je montrerai la justice de mon Créateur.

4 Nagrama negasamuana havigea nogasamuanki, tamage naneke negasamue. Na'ankure nagra hentofa antahi'zane neki'na, menina kagrane mani'noe.

Sois-en sûr, mes discours sont exempts de mensonge; devant toi est un homme sincère en ses jugements.

5 Anumzana hankavenentake Anumza mani'ne. Hianagi mago vahera kefenkamia note. Agra hihamufine, ama' antahi'zampina hankavenentake hu'ne.

Voici que Dieu est puissant, mais il ne dédaigne personne; il est puissant par la force de son intelligence.

6 Havi avu'ava'zama nehaza vahera Anumzamo'a zamatrege'za kasefara hu'za nomanize. Hianagi knafima mani'naza vahera fatgo huno refko hunezmante.

Il ne laisse pas vivre le méchant, et il fait justice aux malheureux.

7 Ke'zamima omne vahetera avua anteteno nemanie. Hianagi zamatrege'za kini vahe'ene kini trate nemanizageno, maka zupa zamazeri antesga huvava nehie.

Il ne détourne pas ses yeux des justes; il les fait asseoir sur le trône avec les rois, il les établit pour toujours, et ils sont exaltés.

8 Hianagi vahe'ma kina huzmantesage'za mani'nenageno tusi'a knazamo'ma zamazeri anakinige'zama mani'nesaza vahera,

Viennent-ils à tomber dans les fers, sont-ils pris dans les liens du malheur,

9 na'a agafare anara hu'nefi Anumzamo'a eri zamaveri nehie. Ana nehuno zamavufaga erisga nehu'za kumi'ma hu'naza kumira eri zamaveri nehie.

il leur dénonce leurs œuvres, leurs fautes causées par l’orgueil.

10 Antahi'zazmia eri hagaro hige'za kefo avu'ava'ma hu'naza zana keama nehazageno, hanavenentake naneke hige'za kumi zamavu'zmava zana atre'za rukrahera nehaze.

Il ouvre leur oreille à la réprimande, il les exhorte à se détourner du mal.

11 Hanki zamagrama Anumzamofo nanekema nentahi'za, amage'ma antesnageno'a, nama'a kafuma kasefa'ma hu'za manisaza kna'afina Anumzamo'a asomu huzmantesigeno no mani'zazmimo'a knare hanige'za, muse hu'za manigahaze.

S’ils écoutent et se soumettent, ils achèvent leurs jours dans le bonheur, et leurs années dans les délices.

12 Hianagi zamagrama Agri kema ontahisnazana, ha' vahe'mo'za e'za bainati kazinteti eme zamahe frisnage'za, e'i anazana na'a agafare fore nehie keamara osu'za neginagi vahe frigahaze.

Mais s’ils n’écoutent pas, ils périssent par le glaive, ils meurent dans leur aveuglement.

13 Anumzamofoma zamefi'ma hunemiza vahe'mo'za, Anumzamo'ma zamuvro'ma antea zankura zamarimpa ahenentaze. Ana nehu'za Anumzamo'ma zamazama hanigura zavi krafa hu'za antahi'nogaze.

Les cœurs impies se livrent à la colère, ils ne crient pas vers Dieu quand il les met dans les chaînes.

14 Ana monko avu'avaza hume nevu'za, ozafa orene'za kasefa vahe nefrize.

Aussi meurent-ils dans leur jeunesse, et leur vie se flétrit comme celle des infâmes.

15 Hianagi Anumzamo'ma zamatrege'za knazampima unefrazana, na'ankure ana knazamo'ma hanige'za zmatafima mani'ne'za Agrite rukrahe hu'za esnageno zamagu vazino zamavaresnigu anara nehie.

Mais Dieu sauve le malheureux dans sa misère, il l’instruit par la souffrance.

16 Jopuga amama mani'nana knazampintira Anumzamo'a kavre atreteno, knaza omane kumate kavrenteno knare'nare ne'za tratera retro hugante'ne.

Toi aussi, il te retirera de la détresse, pour te mettre au large, en pleine liberté, et ta table sera dressée et chargée de mets succulents.

17 Hianagi kagra kefo avu'ava'za nehana ne' mani'nanankino Anumzamo'a refko huno negeno, fatgo huno kazeri havizana nehie.

Mais si tu combles la mesure de l’impie, tu en porteras la sentence et la peine.

18 Hianagi mago vahe'mo'ma feno zanteti'ma regvatagama hu'zankura kva huo. Ana nehunka zamatrege'za zagoreti masavea hu'za kumipina kavre onteho.

Crains que Dieu irrité ne t’inflige un châtiment, et que tes riches offrandes ne t’égarent.

19 Kagrama antesnana fenozamo'ene, maka hankaveka'amo'a ama knazampintira kaza osutfa hugahie.

Tes cris te tireront-ils de la détresse, et même toutes les ressources de la force?

20 Ana hu'negu ame huno haninkisie hunka haninkura avega onto. Na'ankure knazamo'a kenagera ame huno eno, kumazamifintira vahera eme zamazeri haviza nehie.

Ne soupire pas après la nuit, durant laquelle les peuples sont anéantis sur place.

21 Kagra kegava hu'nenka havi kavukva zampintira atrenka rukrahe huo. Na'ankure havi kavukva zampinti atrenka rukrahe hunka esane huno Anumzamo'a knazana kagritera atregeno ne-e.

Prends garde de te tourner vers l’iniquité, car tu la préfères à l’affliction.

22 Antahiho! Anumzana hankavenentake hu'neankino, ina ne'mo Agrama rempima hunezamiankna nera mani'ne?

Vois: Dieu est sublime dans sa puissance! Quel maître est semblable à lui?

23 Mago vahe'mo'a Anumzamofonkura, e'ina huo hunora osamige, Kagra mago zana eri haviza hu'nane hunora huontegahie.

Qui lui trace la voie qu’il doit suivre? Qui peut lui dire: « Tu as mal fait? »

24 Hagi Agrama hankave eri'zama eri'nea zanku Agrira agi'a husga nehu'za, zagamera hu'za humuse huntegahaze. Ana hu'negu kagranena zagame hunka humuse hunto.

Songe plutôt à glorifier ses œuvres, que les hommes célèbrent dans leurs chants.

25 Maka vahe'mo'za Agrama tro hu'nea zana, ko ke'naze. Hianagi Anumzamo'ma so'e antahi'zanteti'ma eri'zama eri'nea zana afeteti ke'nazanki'za, keso'ea osu'naze.

Tout homme les admire, le mortel les contemple de loin.

26 Tamage, Anumzamo'a tagri antahi'zana agatereno rankrerfa hu'ne. Ana hu'neankita Agrira kafu'amo'a nama'a hu'nefi keta eri forera hugara osu'none.

Dieu est grand au-dessus de toute science, le nombre de ses années est impénétrable.

27 Agra higeno mopafinti timo'a amu huno marerino, hampo ome seteno tina fore huno kora nerie.

Il attire les gouttes d’eau, qui se répandent en pluie sous leur poids.

28 Ana ko'mo'ma hampompinti'ma eramiana knare huno maka vahete runente.

Les nuées la laissent couler, et tomber sur la masse des hommes.

29 Anami monafima hampoma eritama rente'nea zana, iza keno antahinora nehanigeno, Anumzamo'ma nemanifinti'ma monagema nehia zana, inankna huta keta antahitara hugahune?

Qui comprendra l’expansion des nuages, et le fracas de la tente du Très-Haut?

30 Anumzamo'a higeno Agrama mani'nea tavaontera kopsi'namo'a marave huno azeri kanegigeno, masa'amo'ma amefenkame'ma hagerimofo ro'are'ma uneramia zana ko.

Tantôt il étend autour de lui sa lumière, tantôt il se cache comme au fond de la mer.

31 E'inahu hankave'areti Anumzamo'a maka vahera kegava hunezmanteno, ne'zana rama'a zamige'za atupara nosaze.

C’est ainsi qu’il exerce sa justice sur les peuples, et qu’il donne la nourriture avec abondance.

32 Agra kevema hiaza huno kopasi'na azampi eri'neno, inantego ahetresuema huno hirega ahenetre.

Il prend la lumière dans ses mains, et lui marque le but à atteindre.

33 Hagi Anumzamo'ma higeno monagema hiazamo'a, ununko atugahie huno hunerasamigeno, bulimakao afutamimo'za zamagranena anazanke hu'za nentahize.

Son tonnerre l’annonce, l’effroi des troupeaux annonce son approche.