Jovu 30

1 Hianagi menina kasefa vahe'mo'za kiza zokago ke hunenante'za huhaviza hunante'naze. Ana kasefa vahe'mokizmi zamafahe'za nagri sipisipima kegavama nehaza kraramina zamagra kegava hugara osu'naze.

But now [they that are] younger than I, have me in derision, whose fathers I would have disdained to set with the dogs of my flock.

2 Hagi nagrama zamagoana hankave'zamia omane'neanki'za nagrira e'za eme naza hugara osu'naze. Na'ankure hankavezmimo'a hago zamagripintira vagare'ne.

Yes, to what [might] the strength of their hands [profit] me, in whom old age had perished?

3 Ana vahe'mokizmia zamunte omanege'za, zamagaku nehu'za atre'za vu'za vahe omani ka'ma kokampi umani'ne'za, kenagera ne'zankura hake'za vano hu'naze.

For want and famine [they were] solitary; fleeing into the wilderness in former time desolate and waste.

4 Ana nehu'za trazampintira aka tra'zana hu'za nene'za, brumu zafamofo rafu'na'anena eri tasagi hu'za ne'naze.

Who cut up mallows by the bushes, and juniper roots [for] their food.

5 Ana vahera kumapintira zamahe kasopenetre'za, kumzufa vaheku'ma nehazaza hu'za kezatizmante'naze.

They were driven forth from among [men], (they cried after them, as [after] a thief; )

6 Ana'ma hazage'za vu'za, tinkagomupine muri kampine, have kampine umani'naze.

To dwell in the clefts of the valleys, [in] caves of the earth, and [in] the rocks.

7 Anantegama umani'ne'za trazampi vano nehu'za, donki afu'mo'zama nehazaza hu'za ana trazampina eri tru hu'za mani'ne'za krafage hu'naze.

Among the bushes they brayed; under the nettles they were collected.

8 Hagi ana vahera zamagia omaneno neginagi vahe mani'nazanki'za zamahe kasopazage'za fre'naze.

[They were] children of fools, yes, children of base men: they were viler than the earth.

9 Hagi ana vahe'mokizmi mofavre naga'mo'za, nagirevare zagamera nehu'za, huhaviza hunante'naze. Ana nehu'za nagrikura kiza zokago ke hunante'za, nazeri nagaze hu'naze.

And now I am their song, yes, I am their by-word.

10 Nagra zamagri zamavurera mago havi zaga manuge'za zamefi hunenami'za, nagritera erava'o nosu'za, navufi zamavetu ahenante'naze.

They abhor me, they flee far from me, and spare not to spit in my face.

11 Ati karima reragareaza huno Anumzamo'a knaza namino nazeri ante ravahege'za, nazano hunante'naku'ma haza zana amne hu'naze.

Because he hath loosed my cord, and afflicted me, they have also let loose the bridle before me.

12 Hazenke zama nehaza kasefa vahe'mo'za nazantmaga kazigatira oti'za, narotago hazage'na fre'na vano nehuge'za, kama vanufina krifu eme anaginte'naze.

Upon [my] right [hand] rise the youth; they push away my feet, and they raise up against me the ways of their destruction.

13 Nagri'ma nazeri haviza nehu'za keonke'zama eri kazigati maka zana nehu'za, kama nevufina eme rehiza nehu'za, zamagrama antahi'zana agri'ma azahu vahera omani'ne hu'za nehaze.

They mar my path, they set forward my calamity, they have no helper.

14 Nagri'ma ha'ma hunantenaku'ma e'nazana vahe'mo'za, maka kazigati ankariserami'za e'za eme nazeri haviza hu'naze.

They came [upon me] as a wide breaking in [of waters]: in the desolation they rolled themselves [upon me].

15 Ana hige'na menina tusi koro nehugeno, zaho'mo hampo erino viaza huno knare nagima e'neruazane fenozaninena erino vu'ne.

Terrors are turned upon me: they pursue my soul as the wind: and my welfare passeth away as a cloud.

16 Hagi nagra menina hago fri'za nehugeno, natazamo'a maka zupa nazeri haviza nehie.

And now my soul is poured out upon me; the days of affliction have taken hold upon me.

17 Kenagera zaferinanimo'a tusi nata negrigeno, ana natazamo'a naterenora novie.

My bones are pierced in me in the night season: and my sinews take no rest.

18 Anumzamo'a hankavenentake azantetira kukenagna huno rufitenante'ne. Ana hu'neno azantetira za'za kukenama antaninoa kenamofo nananke kama'are azerino nanankena nazeri pro hu'za nehie.

By the great force [of my disease] is my garment changed: it bindeth me about as the collar of my coat.

19 Ana huteno hapapi matevuno natrege'na, kugusopagna nehu'na tanefakna hu'noe.

He hath cast me into the mire, and I have become like dust and ashes.

20 Ana hige'na naza hananegu Anumzamoka kagritega krafagea hu'noanagi, keni'arera nona osu'nane. Ana nehunka kagri kavure oti'noanagi, nagrira kamefi hunami'nane.

I cry to thee, and thou dost not hear me: I stand up, and thou regardest me [not].

21 Kagra karimpa ahenenantenka, hankavenentake kazanteti nazeri haviza nehane.

Thou hast become cruel to me: with thy strong hand thou opposest thyself against me.

22 Kagra kagigagi zaho atrankeno eno eme nazeri sga huno nefregenka, kagra ununko atrankeno eno eme nazeri haviza hu'ne.

Thou liftest me up to the wind; thou causest me to ride [upon it], and dissolvest my substance.

23 Ana'ma nehanke'na nagrama antahuana, kagra nahe fritenka hunantesnanke'na maka vahe'mo'zama fri'za nevaza kumatega vugahue hu'na nagesa antahi'noe.

For I know [that] thou wilt bring me [to] death, and [to] the house appointed for all living.

24 Hagi mago vahe'mo'ma knafima mani'neno'ma azahu zanku'ma krafama nehanigeno'a, tamagerfa huno mago'mo azana anteno aza hugahie.

Yet he will not stretch out [his] hand to the grave, though they cry in his destruction.

25 Nagrama ko'ma knare hu'na mani'ne'na, knazampima mani'za vahekura zavira atenezmante'na, zamunte omane vahekura nagu'afina tusiza hu'na keke huzmante'noe.

Did not I weep for him that was in trouble? was [not] my soul grieved for the poor?

26 Hianagi nagritera knare'za fore hanie hu'nama amuha'ma hu'noa zana forera osigeno, kefo zamo nagritera ne-egeno, tavi masagu'ma avegama ante'noana omegeno hanizamo e'ne.

When I looked for good, then evil came: and when I waited for light, there came darkness.

27 Nagu'amo'a hazenkefi manino ne-eno mani frua osu'ne. Ana higeno maka zupa natazamo nazeri havizantfa hu'ne.

My bowels boiled, and rested not: the days of affliction came upon me.

28 Nagrira knazamo rentrako higena hanizampi vano nehu'na, tavira onke'noe. Ana nehu'na kuma amu'nompima vahe'ma vano nehazafi mani'ne'na, iza naza hugahieha nehu'na zavira ate'noe.

I went mourning without the sun: I stood up, [and] I cried in the congregation.

29 Ana nehu'na zavi'matoa nagerumo'a, afi kramo'ene za'za agempunane namagu'ma ostritiema nehaza namamo'enema krafama neha'aza hu'ne.

I am a brother to dragons, and a companion to owls.

30 Navufgamo'a ru ko'nagifa nehegeno, zaferinanifintira tusi amuho nehuno teve rukaru hu'ne.

My skin is black upon me, and my bones are burned with heat.

31 Nagra hapue nehaza zavena nehe'na, nasunku zagamera nehu'na, konkena nere'na zavi zagamera hu'noe.

My harp also is [turned] to mourning, and my organ into the voice of them that weep.