Jovu 3
1 Ana'ma hutegeno'a Jopu'a agira reaka huno nerera'ma kasente'nea knamofona hu haviza hunteno,
此後約伯開口詛咒自己的生日。
2 amanage huno hu'ne,
約伯開始說：
3 nenarera'ma kasenante'nea knamo'a omanegeno, ese'ma nenarera arimpafima fore'ma nehugeno ne' fore hugahie hu'nea kenagemo'a omaneasina knare hisine.
願我誕生的那日消逝，願報告「懷了男胎」的那夜滅亡。
4 Hagi atregeno e'i ana knamo'a hani fore nehigeno, zagemo'a remsa hunontegeno Anumzamo'enema ana knama kegavama osiresina knare hisine.
願那日成為黑暗，願天主從上面不再尋覓它，再沒有光燭照它。
5 Hagi e'i ana knama kumazu hanimo'ma kintrako nehigeno, hampoma kino refitentegeno hanintirima huno ana knama azeri koroma hiasina knare hisine.
願黑暗和陰影玷污它，濃雲遮蓋它，白晝失光的晦暗驚嚇它。
6 Hagi e'i ana kenage'ma fore'ma hu'noa kenage'ma fore osigeno, mago kafumofo knaramima nehamprizafina ohamprige, ikamofo knama hamprizafina ohamprizaresina knare hisine.
願那夜常為黑暗所制，不讓它列入年歲中，不讓它算在月分裏。
7 Hagi e'i ana kenagera kasefa mofavrea forera osigeno, vahe'mo'za musena osazasina knare hisine.
願那夜孤寂煢獨，毫無歡呼之聲。
8 Hagi kazusima huzante'ma ugotama hu'naza vahe'mo'zama kazusima hazageno, hagerimpima tusizaga krokotairima azeri oneti'za ana knama kazusima huntazaresina knare hisine.
願那詛咒白日者，有術召喚海怪者，前來詛咒那夜。
9 Hagi ko'matu hanafimo'a remsa huontegeno, masagura amuhara hugahianagi, amnezampi amuhara nehuno nanterama segeno'ma ko'manetia zana onkeresina knare hisine.
願晨星昏暗，期待光明而光明不至，也不見晨光熹微，
10 Hagi ana knarera nenrerana arimpa erigigeno, kaseonantege'na ama hazenkeramina onkoasina knare hisine.
因為它沒有關閉我母胎之門，遮住我眼前的愁苦。
11 Hagi nagra nerera agu'afima fri'nogeno kasenantege, kasemanantea kna zupama fruresina knare hisine.
我為何一出母胎沒有立即死去﹖為何我一離母腹沒有斷氣﹖
12 Nahigeno nenrera'a amotera navrentege'na mani'nogeno ami'na nami'ne?
為何兩膝接住我﹖為何兩乳哺養我﹖
13 Hagi nenrera'ma kasemanantea knazupama frusina, menina mago knazana onke fri'na knare hu'na mani fru husine.
不然現今我早已臥下安睡了，早已永眠獲得安息了，
14 Kini vahetamine, mago mago mopare'ma kegavama hu'naza vahetamima frizageno'ma knare nonkumazmimo'ma menima havizama huno me'nea vahetaminema frina umanigasa huresina knare hiresine.
與那些為自己建陵墓的國王和百官，
15 Ana nehu'na goline silvanema nozmifima antevite'naza ugagota kva vahetmimo'zama fri'naza vahe'enema menina manigasa huresina knare hisine.
與那些金銀滿堂的王侯同眠；
16 Hagi nahigeno nenarera'a fri mofavrea kasenantege'na masa onke'na ofri'noe?
或者像隱沒的流產兒，像未見光明的嬰孩；
17 Na'ankure kefo avu'ava'ma nehaza vahe'mo'zane nomani zampima amuhoma nehu'za maraguzamati'za e'naza vahe'mo'zanena fri vahe kumapina mani fru nehaze.
在那裏惡人停止作亂，在那裏勞悴者得享安寧；
18 Hagi kazokzo eri'zama e'neriza vahe'mo'zama fri'za fri vahe kumapima vazana, kegava huzmante vahera omanizage'za knare hu'za ana kumapina mani fru nehaze.
囚徒相安無事，再不聞督工的呼叱聲，
19 Feno vahe'ene zamunte omne vahe'enena anampi manizageno, kazo kazo eri'za vahetmina kvazmia omani'ne.
在那裏大小平等，奴隸脫離主人。
20 Nagafare knazampima mani'naza vahe'ene hazenkefima nemaniza vahera tavira nezaminka nomanizazmimo'ma amuhoma nehia vahera zamatranke'za zamasimura eri'za nemanize?
為何賜不幸者以光明，賜心中憂苦者以生命﹖
21 Fri'zanku'ma avega antaza vahe'mo'za nofrize. Hagi knare zama mopa agu'afima me'nege'za keri kafi'za hakazaza hu'za fri'zankura nehakraze.
這些人渴望死，而死不至；尋求死亡勝於寶藏，
22 Hagi ana vahe'ma frizage'za asezmantage'za tusi muse nehaze.
見到墳墓，感覺歡樂，且喜樂達於極點!
23 Nagafare nomani zamo'ma amuhoma huntea vahera remsa hunteno Anumzamo'a asimura amigeno mani'negeno, hazenkezanura azeri kanegie?
人的道路，既如此渺茫，天主為何賜給他生命，又把他包圍﹖
24 Ra nasimu'ma nente'na kragi'ma neruna zavi'ma atoazamo'a tinkna huno navunumo'a herafiramige'na ne'zana one'noe.
歎習成了我的食物，不停哀嘆有如流水。
25 Koro'ma hunentoa zamo navatera ne-egeno, nagogogu'ma nehua zamo nagritera fore huno nazeri haviza nehie.
我所畏懼的，偏偏臨於我身；我所害怕的，卻迎面而來。
26 Nagra mani fru hu'na manirava nohe'na manigasa nosuanki, hazenkefi manivava nehue.
我沒有安寧，也沒有平靜，得不到休息，而只有煩惱。
