Jovu 11

1 Hagi anante Na'ama kumati ne' Sofari'a amanage huno Jopuna kenona hunte'ne,

Then Zophar the Naamathite answered and said,

2 Rama'a nanekema hana nanekemofona kenona hugante'za hue. Mago vahe'mo'ma rama'a nanekema hania nanekemo'a agrira hazenke'a omne vahere huno aza osugahie.

“Should not such a multitude of words be answered? Should this man, so full of talk, be believed?

3 Hagi agafa'a omne nanekema hana nanekegura mago vahe'mo'a kea osugahie hunka nehano? Hagi Anumzamofoma huhavizama hunte'nankeno'a mago vahe'mo'a kazeri kagazea osugosie.

Should your boasting make others remain silent? When you mock, will no one make you feel ashamed?

4 Kagra hunka, nagrama namentintima nehua zamo'a agru hu'neanki'na, Anumzamofo avurera agru hu'noe hunka nehane.

For you say to God, 'My beliefs are pure, I am blameless in your eyes.'

5 Hianagi Anumzamo'ma nanekema kasamiresina, antahintahi'afima me'nea nanekea kasamisine.

But, oh, that God would speak and open his lips against you;

6 Agrake'za knare antahi'zane ani antahi'zanena kasamigahie. Na'ankure tamage antahi'zamofona rama'a antahi'zama'a me'ne. E'ina hu'negu ana maka kumi'ma hu'nana avamentera Anumzamo'a knazana nogamianki, osi'a negamie. Na'ankure mago'a kumika'a atreneganteno anara hu'ne.

that he would show you the secrets of wisdom! For he is great in understanding. Know then that God demands from you less than your iniquity deserves.

7 Hagi kagra Anumzamofona oku'a antahi'zama'a antahi ama' hugahano? Kagra Hihamu'ane Anumzamofo antahintahi'zana, antahi ani' hugahampi?

Can you understand God by searching for him? Can you comprehend the Almighty perfectly?

8 Anumzamofo antahi'zamo'a mona agatereno amenametega marerigeno, fri vahe kumara agatereno (Sheol) amefenkame tami'neankinka kagra ana maka antahintahizama'a kenka antahinka osugahane. (Sheol h7585)

The matter is as high as heaven; what can you do? It is deeper than Sheol; what can you know? (Sheol h7585)

9 Hagi Anumzamofo antahintahi zama'amo'a mopamo'ma ome atre eme atre'ma hu'neama'a agatereno rankrefa nehuno, hagerimo'ma ome atre eme atre'ma hu'neama'a agatereno rankrerfa hu'ne.

Its measure is longer than the earth, and wider than the sea.

10 Hagi Anumzamo'ma eme kavreno kinama hugantege keagafima kavrenteno keagama hugantena iza Anumzamofona i'o huno huntegahie.

If he passes through and shuts anyone up, if he calls anyone to judgment, then who can stop him?

11 Na'ankure Agra havigema nehaza vahera zamageno antahino nehuno, kumi'zminena antahino keno hu'neankino tamage nanekema erinakura vahera zamantahinoge.

For he knows false people; when he sees iniquity, does he not notice it?

12 Hianagi afi donki afumo'a vahe anentara kaseontegahie. Ana hukna huno knare antahi'zama omne vahe'mo'a antahi amahu' antahi'zana e'origahie.

But foolish people have no understanding; they will get it when a wild donkey gives birth to a man.

13 Hagi kagu'ama retrotra'ma nehunka kazama erintesga hunka Anumzamofontegama nunamuna nehunka,

But suppose that you had set your heart right and had reached out with your hands toward God;

14 kazampima kumi'ma me'nesiana atregamu atrenka netrenka, vahe'ma havigema huno azeri haviza hu' avu'ava'zana atro.

suppose that iniquity were in your hand, but that then you put it far away from you, and did not let unrighteousness live in your tents.

15 E'inama hanankeno'a kavugosafintira masa nehinkeno, mago hazenkeka'a omnesigenka mago zankura korora osu hankavetinka manigahane.

Then you would certainly lift up your face without a sign of shame; indeed, you would be steadfast and would not fear.

16 Hagi hazenke zanka'amo'a tima hageno evu kagatereankna hanigenka, ana hazenkeka'agura kageknigahane.

You would forget your misery; you would remember it only like waters that have flowed away.

17 E'ina hanigeno nomizankamo'a rumasa huno zage ferukna nehina, nomanizanka'afima hanima hu'nea zamo'a, nantera zagema hanatino rumsama hiankna hugahie.

Your life would be brighter than the noonday; though there were darkness, it would become like the morning.

18 Ana'ma hanigenka mago zankura korora osugosane, na'ankure knare'zankura amuha nehunka, korora osunka fru hunka manigahane.

You would be secure because there is hope; indeed, you would find safety about you and would take your rest in safety.

19 Hagi kavu'ma masesanana korora osu nemasesankeno, vahe'mo'za kagesga nehu'za zamazama hanankura kagritega egahaze.

Also you would lie down in rest, and none would make you afraid; indeed, many would seek your favor.

20 Hianagi havi zamavu'zamava'ma nehaza vahe'mofo zamavumo'a asu nehinkeno, kama frekazmia omnena frizankuke avega antegahaze.

But the eyes of wicked people will fail; they will have no way to flee; their only hope will be a last gasp of life.”