Jenesis 10
1 Rantima hageno mika'zama ahe refitetegeno'a, Noana tagufa mofavre nagapinti maka'a vahera fore hu'naze. Ana kogna naga zamagi'a Semiki, Hamuki, Jafeti'e.
| ואלה תולדת בני נח שם חם ויפת ויולדו להם בנים אחר המבול |
2 Hagi Jafeti mofavre naga zamagi'a ama'ne, Goma'e, Magogi'e, Madai'e, Javani'e, Tubali'e, Meseki'e, Tirasi'e.
| בני יפת--גמר ומגוג ומדי ויון ותבל ומשך ותירס |
3 Hanki Goma amohe'i zamagi'a Asikenazi'e, Rifati'e, Togarma'e.
| ובני גמר--אשכנז וריפת ותגרמה |
4 Hanki Javani mofavre naga zamagi'a Elisa'e, Tarsisi'e, Kitimi'e, Dodanimi'e.
| ובני יון אלישה ותרשיש כתים ודדנים |
5 Ana nagapintira refko hu'za hagerinkena mopa zamagerute zamagerute kognare, famote ranra kuma erifore hu'za kegava hutere hu'za mani'naze.
| מאלה נפרדו איי הגוים בארצתם איש ללשנו--למשפחתם בגויהם |
6 Hanki Hamu mofavre naga zamagi'a Kusi'e (Etopia), Mizrami'e (Isipi), Putie (Libya), Kenani'e (Palestine).
| ובני חם--כוש ומצרים ופוט וכנען |
7 Hanki Kusi mofavre naga zamagi'a Seba'e, Havila'e, Sabta'e, Rama'e, Sabiteka'e. Hanki Rama'a tare ne'mofavre zanante'ne, zanagi'a Sebake Dedanike.
| ובני כוש--סבא וחוילה וסבתה ורעמה וסבתכא ובני רעמה שבא ודדן |
8 Kusi'a, Nimiroti nefa'e. Nimiroti'a agra harafa nere.
| וכוש ילד את נמרד הוא החל להיות גבר בארץ |
9 Anumzamofo avurera knare harafa vahe fore huno mani'nea nere. E'ina'ma hu'negu menina vahe'mo'za rumofoma husga huntenakura, Nimroti kna vahe mani'ne hu'za nehaze.
| הוא היה גבר ציד לפני יהוה על כן יאמר כנמרד גבור ציד לפני יהוה |
10 Nimroti'ma kegava hu'nea moparera tagufa rankumara me'ne, zamagi'a Babelie, Erekie, Akatie, Kalne, e'i ana kumatmina Sinari (Babiloni) mopafi me'ne.
| ותהי ראשית ממלכתו בבל וארך ואכד וכלנה בארץ שנער |
11 Nimroti'a Babiloni rankumara atreno, Asiria kaziga vuno rankumazaga ome azeri otino ki'ne. Ana kuma zamagi'a Ninive, Rehobotirie, Kalae, Resenie.
| מן הארץ ההוא יצא אשור ויבן את נינוה ואת רחבת עיר ואת כלח |
12 Hanki Reseni rankumara Ninivene, Kala kumamofo amu'nompi me'ne.
| ואת רסן בין נינוה ובין כלח--הוא העיר הגדלה |
13 Isipi'a amana vahe'mokizmi nezamageho'e, Luti vahe'ma, Anami vahe'ma, Lehabi vahe'ma, Naftu vahe'ma, Pasru vahe'ma, Kaslu vahe'ma, Kriti vahere. Filistia vahera Kriti vahepinti fore hu'naze.
| ומצרים ילד את לודים ואת ענמים ואת להבים--ואת נפתחים |
| ואת פתרסים ואת כסלחים אשר יצאו משם פלשתים--ואת כפתרים |
15 Kenanina agonesa mofavrea Saidoni'e, hanki anazanke hu'za agripinti'ma fore'ma hu'nazana Hiti vahe'ma,
| וכנען ילד את צידן בכרו--ואת חת |
16 Jebusi vahe'ma, Amori vahe'ma, Girgasi vahe'ma,
| ואת היבוסי ואת האמרי ואת הגרגשי |
17 Hivi vahe'ma, Arkisi vahe'ma, Sini vahe'ma,
| ואת החוי ואת הערקי ואת הסיני |
18 Arvada vahe'ma, Zemari vahe'ma, Hamati vahe'mo'zanena Kenanimpinti fore hu'naze. Hanki henka Kenani, agehe'za mago mago hu'za ru mopare ru mopare umani emani hu'naze.
| ואת הארודי ואת הצמרי ואת החמתי ואחר נפצו משפחות הכנעני |
19 Hanki Kenani vahe mopamo'a, Saidoni kumateti eri agafa huno Gerari vuno Gaza uhanatiteno, ananteti vuno Sodom Gomora kaziga uhanatino, Admane, Zeboim kaziga vuteno Lasa uhanati'ne.
| ויהי גבול הכנעני מצידן--באכה גררה עד עזה באכה סדמה ועמרה ואדמה וצבים--עד לשע |
20 Hamu agehe'za nagate nofite hu'za mani'neza ruzmegeru ruzmegeru neru'za rankuma trohu'za kegava hutere hu'za mani'naze.
| אלה בני חם למשפחתם ללשנתם בארצתם בגויהם |
21 Hagi Semina mago'a ne'mofavre'a fore humi'neankino, Jafetina nempu amo'e. Semi'a Eberi nagamokizmi nezamageho mani'ne.
| ולשם ילד גם הוא אבי כל בני עבר--אחי יפת הגדול |
22 Semi mofavre naga zamagi'a, Elamu'e, Asari'e, Arpaksadi'e Ludiki, Aramu'e.
| בני שם עילם ואשור וארפכשד ולוד וארם |
23 Aramu mofavre naga zamagi'a Uzi'e, Huli'e, Getari'e, Masi'e.
| ובני ארם--עוץ וחול וגתר ומש |
24 Arpaksadi'a Sela nefa'e, Sela'a Eberi nefa'e.
| וארפכשד ילד את שלח ושלח ילד את עבר |
25 Eberi'a tare ne' mofavre zanante'ne. Mago'mofo agi'a Peleki'e, Peleki'e hu'nea agimofo agafa'a amanahu hu'ne, mopa refko hu'za nagate nofite hu'naze. Hanki nefu agi'a Joktani'e.
| ולעבר ילד שני בנים שם האחד פלג כי בימיו נפלגה הארץ ושם אחיו יקטן |
26 Joktani'ma zamante'nea naga zamagi'a, Almodati'e, Selepi'e, Hazarmaveti'e, Jera'e,
| ויקטן ילד את אלמודד ואת שלף ואת חצרמות ואת ירח |
27 Hadoramuki, Uzaliki, Dikla'e,
| ואת הדורם ואת אוזל ואת דקלה |
28 Obaliki Abimaeliki, Seba'e.
| ואת עובל ואת אבימאל ואת שבא |
29 Hagi Ofiriki, Havilaki, Jobabiki hu'za zamagra Joktani mofavre naga mani'naze.
| ואת אופר ואת חוילה ואת יובב כל אלה בני יקטן |
30 E'i ana naga'ma kuma tro hu'za mani'naza mopamo'a Mesati agafa huteno vuno, Sefari zage hanatitega agona mopama me'nerega uhanatine.
| ויהי מושבם ממשא באכה ספרה הר הקדם |
31 Hagi Semimpinti'ma fore hu'naza vahera nagate nofite mago mago hu'za manitere hu'ne'za zamagerute zamagerute hu'za mopa zamire mani'ne'za, rankuma trohu'za kegava hu'za manitere hu'naze.
| אלה בני שם למשפחתם ללשנתם בארצתם לגויהם |
32 Hagi tima hagetegeno ana amefi'a Noa ahi'mo'za mofavre naga'afinti forehu anante anante nehu'za, hakare kaziga mopafina ranra kuma ante'za maniza vu'za e'za hu'naze.
| אלה משפחת בני נח לתולדתם בגויהם ומאלה נפרדו הגוים בארץ--אחר המבול |
