Izikeli 5
1 Ra Anumzamo'a huno, Menina vahe'mofo mofavremoka asane'nesia bainati kazi erinka azokama tagahu vahe'mofo resa kazinkna hunka kagi kazoka'ene kanu kazoka'enena haro. Ana huntenka sigerire erintenka kna'a negenka, 3'afi refko hunto.
「人子，你拿一把快刀，當理髮的剃刀用，剃去你的頭髮和鬍鬚，然後拿一個天平，分開那些鬚髮。
2 Hagi ha' vahe'mo'ma Jerusalemi kuma'ma avazagino ha'ma hunte knama vagamare'na, ana 3'a kevufintira mago kevua Jerusalemi kumamofo amema'ama tro'ma huntenana kuma agu'afi teve hugrenka kro. Hagi anante kevua taga hunka eri osi'osi hunka ana kumamofo agu'afi atrenka vano huo. Hagi namba 3 kevua zahopi eritregeno zaho'mo eri hareno nevina Nagra kazina eri'na zamefi zamavaririna vugahue.
等被困的日子一滿，把三分之一在城內用火燒掉；再拿三分之一在城四周用劍擊砍；其他三分之一，要揚在風中，我要拔出劍來追趕他們。
3 Hianagi osi'a kazokara erinka zaza kukenaka'amofo atumpare anakintegeno meno.
但你要從鬍鬚中取出幾根來，繫在你的衣服邊上，
4 Hagi anampintira ete osi'a kazokara erinka tevefi kregeno teno. Hagi ana tevemo'a mika Israeli vahe'ma mani'nazarega teno vuno'eno hugahie.
再從其中取出幾根投入火中，讓火燒掉；然後你向以色列全家說：
5 Hagi Anumzana Ra Anumzamo'a huno, Jerusalemi kumara maka kokankoka vahe'mofo amunompi antogeno me'nege'za, ama mopafi kumatmimo'za megaginte'naze.
吾主上主這樣說：這就是耶路撒冷! 我將她安置在萬民之中，使萬國環繞著她；
6 Hianagi Jerusalemi kumapi vahe'mo'za kokankoka vahe'mo'zama Nagri kasegene trakema amagema nontageno'a zamagri tava'onte'ma manigagi'naza vahe'mo'zama kasege'nine tra keni'anena zamagena hunemi'za zana zamagatere'za Nagri navu'navara novaririze.
但是她違背了我的法令，作惡甚於異民，違背我的法律甚於環繞她的列國，因為她們輕視了我的法令，沒有照我的法律行事。
7 E'ina hu'negu Ra Anumzana Anumzamo'a huno, Tamagri tavaonte'ma manigagi'naza kumapi vahera zamagatereta keontahi vahe mani'neta kasegeni'ne tra ke'ninena novaririze. Mago'a kumatmima tamagri tavaonte'ma megagi'nea kumapi vahe'mo'za tra kezamia avaririza knare hu'nazanagi zamagri knara tamagra osu'naze.
為此，吾主上主這樣說：因為你們比環繞你們的異民更為叛逆，沒有照我的法律行事；沒有遵行我的法令，也沒有按照環繞你們異民的法律行事；
8 E'ina hu'negu mika'zama kegavama hu'nea Ra Anumzamo'a huno, Nagra'nia Jerusalemi kumate vahera hara reramante'na, tamagri tavaonte'ma megagi'naza kumapi vahe'mo'za neramagesage'na knazana tamigahue.
因此吾主上主這樣說：看，我要親自對付你；在你中間，在異民眼前實行懲罰。
9 Hagi kasrino hi'mnage hu'nea avu'ava'ma haza zanku kora osu'noaza hugahuanki'na, henka anara mago'enena osugahue.
為了你的一切醜惡，我要對你實習未曾實行過的，將來也不會實行的事；
10 E'ina hu'negu zamafahe'za mofavre nagazmi zamavufaga nenenageno, mofavre naga'zmimo'za zmafahe'i zamavufaga negahaze. Tusi knaza tamami'na tamazeri haviza hanugeno, amnema manisaza vahetmina zamazeri panani hanuge'za mago mago hu'za vahe mopafi umani emani hugahaze.
在你境內，為父的要吃自己的兒子，為子的要吃自己的父親。我必如此在你境內實行懲罰，且把遺民分散到四方。
11 E'ina hu'negu Nagra kasefa hu'na mani'noa Ra Anumzamo'na tamage hu'na huankina, kasrino hi'mnage hu'nea avu'avaza huta mono noni'a eri haviza nehuta, eri hi'mnage hu'nazagu Nagra tamatregahue. Ana nehu'na Nagra nasunkura huramante'na tamatrenugeta omanigahaze.
為此我指著我的生命起誓說：──吾主上主的斷語──因為你用你的一切可憎和可惡之物玷污了我的聖所，我必將你剷除，我的眼決不憐視，一點也不憐惜。
12 Hagi 3'a kevufintira mago kevu vahe'mofona agatonto zamo'ene krimo'ene zamazeri haviza hanige'za Jerusalemi kuma agu'afi frigahaze. Hagi mago kevu vahera kumamofo megia ha' vahe'mo'za kazinteti zamahe frigahaze. Hagi mago kevu vahera zamahe panani hanenke'za mago mago hu'za vahe kumatega vu'za e'za hanagena, ha' vahe huzmanta'nena bainati kazinteti zmarotago hu'za zamahegahaze.
你三分之一的人民要在你境內死於瘟疫，亡於饑荒；另三分之一，在你四周各地喪身刀下；其他三分之一，我要分散到各地。我且拔出劍來追趕他們。
13 Hagi e'ina hanugeno nasima vazi'zamo'a amnea hanigeno narimpama ahezamo'a ome vagaregahie. E'ina hanuge'za Nagrikura Ra Anumzana hihamua'ane Anumzamo ama anazana nehie hu'za ke'za antahi'za hugahaze.
這樣，我的忿怒纔可以發洩，我的怒火在他們身上纔會平息，得到了報復；當我的憤怒在他們身上發洩時，他們要承認我，上主，在妒火中講了話。
14 Hagi tamazeri havizantfa hanugeno kumatmimo'enena haviza hu'nenkeno, megagi'naza kumatmimpi vahe'mo'za ana kante'ma enevu'za kesu'za zamagena neru'za ama kumamo'a havizantfa hie hu'za hugahaze.
我要使你成為荒野，使你在環繞你的異民前，和所有的過客前，成為辱罵的對象。
15 Ra Anumzamo'na nehuanki'na, narimpa ahe'zama tamaveri'ma hanuana knaza atre'na tamazeri havizantfa nehanugeno, kumatmimo'enena haviza hu'nenkeno, megagi'naza kumatmimpi vahe'mo'za nege'za antri hu'za zmagogogu nehu'za kiza zokago ke huramantegahaze.
當我大發憤怒，以嚴厲的懲罰在你身上施行裁判時，你就成為環繞你的異民凌辱、恥笑、警戒和警駭的對象：這是我上主說的。
16 Hagi agatontozama atresanuana vahe'ma zamahe fri kevegna huna ahe tranenkeno agatontoma huno ke'onke'zama eri haviza hu'za avreno egahie. Hagi agatonto zana atre'va atre'va hu'na ne'zana eri fanane hutfaza hugahue.
當我向你們射出饑荒的毒箭──射出毀滅的箭，毀滅你們時──我必使饑荒在你們境內更加嚴重，斷絕你們的糧源。
17 Hagi agatonto zane afi zagaramine huzmantesuge'za maka mofavretmia eme zamahe hana hanageta, mofavre onte vahekna huta manigahaze. Ana nehu'na ruzahu ruzahu kefo krine ha' vahe'ene huzmanta'nena eme tamazeri havizantfa hugahaze. Nagra Ra Anumzamo'na ama nanekea nehue.
我必使饑荒和猛獸危害你們，掠去你們的子女，並使瘟疫和血案在你境內盛行，還有刀兵來打擊你：這是我上主說的。」
