Izikeli 25
1 Ra Anumzamo'a amanage huno nasami'ne,
上主的話傳給我說：「
2 Vahe'mofo mofavre Izikeliga, Amoni vahe moparega kavugosa hunte'nenka, Amoni vahe'mo'zama havizama hanaza kasnampa kea huzmanto.
人子，你面向阿孟子民，講預言攻擊他們，
3 Amanage hunka Amoni vahera zamasamio, Mikozama Kegavama Hu'nea Ra Anumzamofo kea antahiho, Ra Anumzana Agra Anumzamo'a amanage hie, Na'ankure kagra amanage hunka puhaha kagerura ru'nane, ra mono nona haviza higeno, Israeli mopamo'a haviza higeno, Juda vahera kina huzmante'za zamavare'za vu'naze hunka hu'nane.
向阿孟子民說：你們聽吾主上主的話! 吾主上主這樣說：因為你譏笑我的聖殿說：『哈哈! 聖殿可受了褻瀆! 』對以色列地域說：『它可荒蕪了! 』對猶大家族說：『他們可被擄去了! 』
4 E'ina hu'negu tamagrira tamavre'na zage hanati kaziga vahe zamisuge'za, tamavre'za kegava huramantegahaze. Ana nehu'za amu'nontamifi seli nonkumara eme kiza manine'za, zafa aragatimia tagiza nene'za, bulimakao afutamimofo amirina tati'za negahaze.
為此，看，我要將你交給東方的子民作為產業，他們要在你那裏設立自己的帳幕，在那裏定居，吃你的果實，喝你的奶。
5 Hagi Raba rankumara kemori afutamimo'zama traza nesaza mopa eri fore nehu'na, Amoni kumara sipisipi afu'mokizmi kuma erifore hugahue. E'ina hanugeta Nagrikura Ra Anumza mani'ne huta keta antahita hugahaze.
我要使辣巴成為牧放駱駝之地，使阿孟人的地方成為羊棧；如此你們必承認我是上主。
6 Hagi Mikozama Kegavama Hu'nea Ra Anumzamo'a amanage hie, Israeli vahe'mo'zama knazampima unefrazageta tamazana neheta, haruhuta marerita tamita nehuta, vahe'nimo'zama havizama nehazageta musena hu'naze.
因為吾主上主這樣說：因為你們對以色列地方所遭受的一切，曾手舞足蹈，滿心喜歡；
7 E'ina hu'nagu Nagra nazana rusute'na hara reneramante'na, rohu'ma tamaresaza vahe'mokizmi zamazampi tamavre anta'nena tamazeri haviza hugahaze. Ana nehu'na tamahe vagara'nena ana mopafintira fanane hugahaze. Anama hanugeta Nagrikura Ra Anumza mani'ne huta keta antahita hugahaze.
因此，看，我要伸手打擊你，將你交給異族作為掠物；我要從人民中剷除你，由各國中消滅你；我要使你滅絕；如此，你必承認我是上主。」
8 Miko'zama kegavama hu'nea Ra Anumzamo'a amanage hie, Moapu ne, Seiri vahemo'zanena zamagrama antahi'zana Juda vahe'mo'za ruzahura osu'nazanki, ruga'a mopafi vahe kna hu'naze hu'za nehaze.
吾主上主這樣說：「因為摩阿布【和色依爾】說：看猶大家族與所有異民並無不同!
9 E'ina hu'negu ha' vahe'tami huzmante'nuge'za Moapu vahe'mokizimi mopa atumparegati agafa hu'za rankumazmia Bet-Jesimotima, Ba'al-Meonima, Kiriataimi kuma'zmia zamahe'za hanaregahaze.
為此，看，我要暴露摩阿布的山區，以及她邊垂的城池，暴露她全國的精華，如貝特耶史摩特，巴耳默紅和克黎雅塔殷。
10 Hagi Nagra Moapu vahe'ma hu'noaza hu'na Amoni vahera zage fre kaziga vahe'mokizmi zamazampi zamavare anta'nena, ana vahe'mokizmiza sesageno ruga'a mopafi vahe'mo'za zamagesa antahi nozmisage'na,
我要將他們同阿孟子民一起交給東方的子民作為產業，使他們在異民中再不被人提及。
11 Nagra Moapu vahera keaga huzmante'na knazana zamigahue. E'ina hanuge'za Nagrikura Ra Anumza mani'ne hu'za ke'za antahi'za hugahaze.
我要向摩阿布施行懲罰：如此，他們必承認我是上主。」
12 Hagi Mikozama kegavama hu'nea Ra Anumzamo'a amanage hie, Na'ankure Idomu vahe'mo'zama Juda vahe'ma nona hu'za ha'ma huzmante'naza zamo'a, ra hazenke eri fore hu'naze.
吾主上主這樣說：「因為厄東曾對猶大家族復仇雪恥，因對他們復仇而犯了重罪；
13 E'ina hu'nagu Mikozama Kegavama Hu'nea Ra Anumzamo'a amanage hie, Nagra nazana rusute'na Idomu vahe'ene zagagafazminena zamahe fri hana hugahue. Ana hu'na Temani kumateti'ma erigafa huno Detani kumate'ma uhanati'nea kumazmia eri haviza nehu'na, mika vahera bainati kazinteti zamahe vagarenugeno vahera omanitfa hugahie.
為此，吾主上主這樣說：我要伸手打擊厄東，將人與走獸由境內剷除，使她成為曠野，從特曼到德丹的人都要死於刀下。
14 Hagi Israeli vaheni'a huzmantesuge'za nona hu'za Idomu vahera zamahegahaze. Nagri narimpa ahe'zamo'ma hu'nenia avamente ante'za zamazeri haviza nehu'za, zamahesage'za Nagri narimpahe'zana ke'za antahi'za hugahaze huno Miko'zama Kegavama Hu'nea Ra Anumzamo'a hu'ne.
我要藉我的百姓以色列的手替我報復厄東，他們要按我的怒氣和憤恨對待厄東，如此他們便知道這是我的報復──吾主上主的斷語。」
15 Hagi Ra Anumzana Agra Anumzamo'a amanage hie, Filistia vahe'mo'za Israeli vahekura tusi zamavaresra hunezmante'za, hara huzmante vava hu'za neaze.
吾主上主這樣說：「因為培肋舍特人以極殘忍的報復心來施行報復，為了他們的世仇，企圖消滅以色列；
16 E'ina hu'nazagu Mikozama Kegavama hu'nea Ra Anumzamo'a amanage hie, Nagra nazana rusute'na Filistia vahera hara hunezmante'na, Kereti vahetamine, ra hagerimofo anke'regama mani'naza vahetaminena zamahe hana hugahue.
為此吾主上主這樣說：我要伸手打擊培肋舍特人，剷除革勒提人，毀滅殘留在海濱的人。
17 Hagi kefo avu'ava'ma hu'nazarera, Nagra tusi narimpa ahezmante'na nona hu'na zamazeri haviza hanuge'za Nagrikura Ra Anumza mani'ne hu'za ke'za antahi'za hugahaze.
我要在他們身上以盛怒的懲罰施行嚴厲的報復；當我在他們身上施行報復時，他們便承認我是上主。」
