Zmavarene 27
1 Akasia zafareti'ma kresramnavu itama tro'ma hanazana, mareriamo'a 1 mitagi 30'a sentemita hina, zaza'amo'ene kahesa'amo'enena mago avamenteke 2 mitagi 20'a sentemita hino.
Make an altar of acacia wood. It is to be square and measure five cubits long by five cubits wide by three cubits high.
2 Hanki 4'ama omerenagente emerenagentema hutera mago pazive tro huntetere hinkeno, ana pazivetamimo'za ana itare rutragote'za erimago zanke nehina, ana ita bronsireti amega'a anovazinteho.
Make horns for each of its corners, all one piece with the altar, and cover the whole altar with bronze.
3 Ana itare'ma eri'zama eri'zantamina bronsireti'ma tro'ma hanazana, tanefa'ma katetre kavoraminki, osama kate sipetiraminki, ru tritri hu zuomparaminki, revazuhu zotaraminki, tevema tagi osi zuomparaminki hutma tro hiho.
Make all its utensils of bronze: buckets for removing ashes, shovels, sprinkling bowls, meat forks, and firepans.
4 Bronsireti rama'a karami hagente'za strena tro hutma anaga tevema hugre itamofo antenkeno agu'afi uramino amu'nompi me'nena, anante 4'a bronsire rini tro huta zotama vazinteno erisga hu'zana tro huta 4'a renagentetera rukamregahaze.
Make a bronze mesh grate for it with a bronze ring on each of its corners.
5 Anama Bronsireti rama'a karami hagente'za strenama tro huta kresramna vu itamofo amu'nompi fenka kaziga trate rukamrentenkeno meno.
Put the grate under the ledge of the altar, so that the mesh comes halfway down the altar.
6 Ana kresramna vu itama vazino erisagahu azotarerena akasia zafareti tro hutetma amega'a bronsireti anovaziho.
Make poles of acacia wood for the altar and cover them with bronze.
7 Ana azotarerena kresramna vu itamofo rugaraga asoparega riniramima tro'ma huntepinka erita vazintenkeno, erisgama huno vu'za meno.
The poles are to be placed in the rings so that the poles are on either side of the altar when it is carried.
8 Ana kresramna vu itarera kuta zafareti tro hinkeno, agu'afina hagro huno mena, ana itama tro'ma hanazana, Mosesega agonafima kaveri'ma hu'noa kante amage anteta tro hiho.
Make the altar hollow, using boards, just as you were shown on the mountain.
9 Seli mono nomofo kuma keginama hanaza tavravea, sauti kaziga zaza'amo'a 44'a mita hina, keginarera osi nofiteti zagi'za hati'nesaza tavaravereti tafinteta eviho.
Make a courtyard for the Tabernacle. For the south side of the courtyard make curtains of finely-spun linen, a hundred cubits long on one side,
10 Keginama azeri oti zafaramina 20'a tro nehutma, kegina zafamofo tra'a bronsireti 20'a tro nehutma, tavravema erirusi huno tafinte'zantamine nofi'ma rente'zantamina silvareti ana azeri oti zafamofo avozarera tro hunteho.
with twenty posts and twenty bronze stands, with silver hooks and bands on the posts.
11 Ana zanke huno noti kaziga keginahu tavravene azeri oti zafaramina 20'a tro nehutma, kegina zafamofo tra'a bronsireti 20'a tro nehutma, tavravema erirusi huno tafinte'zantamine nofi'ma rente'zantamina silvareti ana azeri oti zafamofo avozarera tro hunteho.
Similarly there are to be curtains placed on the north side in an identical arrangement.
12 Ana seli mono nomofo keginare tavravea zage ufre kaziga kahesa'amo'a 22'a mita hina, keginama eri oti'zafa 10ni'ane tra zamianena, 10ni'a tro hiho.
The curtains for the west side of the courtyard are to be fifty cubits wide, with ten posts and ten stands.
13 Hanki zage hanati kaziga avugosama hunte'nea kumamofo kahesa'amo'a 22'a mita hino.
The east side of the courtyard that faces the sunrise is to be fifty cubits wide.
14 Kama ufrete'ma tamaga kaziga hanti tavravea, zaza'amo'a 6 mitagi 60 sentimita hina, kegina retrure zafa 3'a tro nehuta tra'aramina 3'a tro huta anantera ana tavravea tafinteta eviho.
Make the curtains on one side fifteen cubits long, with three posts and three stands,
15 Hanki kama ufretema hoga kazigama tafi tavravemofona zaza'amo'a 6'a mitagi 60 sentimita hina, 3'a retrure zafagi 3'a tra'aramina tro nehuta anantera ana tavravea tafinteta eviho.
and the curtains on the other side just the same.
16 Hanki ana kumapima ufre kante'ma ruhi'zamahu tavaravema tro'ma hanazana, hokonke'ene, fitunke'ene, koranke nofiteti'ene, ana eri'zama eri antahi'zama eri'nesia vahe'mo osite zagino ana tavravemofona konariri'a hunentena, ana tavravemofona zaza'amo'a 9'a mita hina, 4'a retrure zafane 4'a trazamia tro huta ana tavravea kafantera tafinteho.
The entrance to the courtyard is to be twenty cubits wide, with a curtain embroidered with blue, purple, and crimson thread, and finely-spun linen, held up by four posts and four stands.
17 Ana kuma'mofo maka kegina zafaramintera, erirusi hunte zantamine nofi'ma anaki'zana silvaretike tro nehuta, keginama eri oti tratamina bronsireti tro hugahaze.
All the posts around the courtyard are to have silver bands, silver hooks, and bronze stands.
18 Ana kumamofona zaza'amo'a 44'a mita hina, kahesa'amo'a 22'a mita hina, keginare'ma tafinte tavravea, knare huno osite zagi'nesia nofiteti trohinkeno mareri'amo'a 2'a mitagi 20'a sentemita nehina, bronsireti keginama retrure trataminena tro hugahaze.
The whole courtyard is to be a hundred cubits long and fifty cubits wide, with curtains made of finely-spun linen five cubits high, and with bronze stands.
19 Ana maka ruga'azama seli mono nompima eri'zama eri'zantamine, ruzahu ruzahu eri'zama eriterehu zantamine, seli nompi zantamine, megi'a tavravere'ma avazuhumpi huno rente zotane, seli mono nomofo tavravema avazuhumpi huno rente azotaramina, ana maka zantaminena bronsiretike tro hugahaze.
All the rest of the equipment used in the Tabernacle, including its tent pegs and those for the courtyard, are to be made of bronze.
20 Kagra hanavege Israeli nagara huzamantege'za olivima regatati hu'zama eri agruma hu'nesaza masavena lampe tavima tagintena tevava hania zana eri'za eho.
You are to order the Israelites to bring you pure, hand-pressed olive oil for the lamps so they can go on burning, giving light.
21 Ana seli mono nompima, huvempa huno huhagerafi vogisima ante asama hunaraginte tavravemofo avuga, Aroni'ene ne' mofavre naga'amo'za Anumzamofo avurera kinagane nanteranena tavira tagintenkeno tevava nehina, ama'i ana avu'avara Israeli vahe'mota huvava hutma nevinke'za henkama tamagehe'za fore hanamo'za ana zanke hu'za vugahaze.
In the Tent of Meeting, outside the veil in front of the Testimony, Aaron and his sons are to keep the lamps burning in the Lord's presence from evening until morning. This requirement is to be observed by the Israelites for all generations.
