1 Kroniku 11

1 Hagi anante mika Israeli vahe'mo'za Deviti'ma mani'nere Hebroni kumate omeri tru hu'za amanage hu'za asami'naze, ko tagra kagri kora mani'none.

以色列众人聚集到希伯 见大卫，说：“我们原是你的骨肉。

2 Hagi koma Soli'ma kinima mani'nea knafina kagra Israeli sondia vahera vugota huzamantenka hatera zamavarenka vunka enka hu'nane. Hagi Ra Anumzana kagri Anumzamo'a amanage huno kasami'ne, kagra Nagri vahe'mofona sipisipi afute'ma kegavama hiankna hunka ugagota huzmantenka kva huzmantegahane hu'ne.

从前扫罗作王的时候，率领以色列人出入的是你；耶和华—你的 神也曾应许你说：‘你必牧养我的民以色列，作以色列的君。’”

3 E'ina hu'negu maka Israeli ranara vahe'mo'zanena Deviti'ma Hebroni kumate mani'nerega azage'za, Ra Anumzamofo avufi huhagerafi huvempa kea hute'za, Ra Anumzamo'ma Samuelima asami'nea kante ante'za Devitina kinia azeri oti'naze.

于是以色列的长老都来到希伯 见大卫王。大卫在希伯 耶和华面前与他们立约，他们就膏大卫作以色列的王，是照耶和华借撒母耳所说的话。

4 Hagi ana hute'za Deviti'ene maka Israeli vahe'mo'za Jebusi vahe'ma nemaniza kumate Jerusalemia kora Jebusie hu'za nehaza kumate vu'naze.

大卫和以色列众人到了耶路撒冷，就是耶布斯；那时耶布斯人住在那里。

5 Hianagi Jebusi kumate'ma nemaniza vahe'mo'za Devitinkura amanage hu'naze, kagra amarera omegosane. Hianagi Deviti'a ana vahetamina ha' huzmanteno Saioni kuma'ma hankave vihu keginama hu'naza kumara eri'ne. Hagi meni ana kumakura Deviti rankumare hu'za nehaze.

耶布斯人对大卫说：“你决不能进这地方。”然而大卫攻取锡安的保障，就是大卫的城。

6 Hagi ha'ma hu'zama Devitima nehuno'a amanage hu'ne, iza'o Jebusi vahe'ma ese'ma ha'ma huzmantesia ne'mo sondia vahe'niarera ugagota huno kva huzmantegahie, higeno Zeruaia nemofo Joapu anara higeno, Sondia vahe'amofo ugagota kva azeri oti'ne.

大卫说：“谁先攻打耶布斯人，必作首领元帅。”洗鲁雅的儿子约押先上去，就作了元帅。

7 Hagi ana vihu kumara Deviti'a agra kuma erisegeno, e'i ana agafare Deviti rankumare hu'za nehaze.

大卫住在保障里，所以那保障叫作大卫城。

8 Hagi Deviti'a ana kumamofona urami'nea kazigati kumara agafa huno eri so'e huno ki'no evu'ne. Ana higeno mago'a ana kumara Joapu eri ante fatgo huno evu'ne.

大卫又从米罗起，四围建筑城墙，其余的是约押修理。

9 Hagi Deviti'a maka zampina hageno marenerino ome hankavetino vu'ne. Na'ankure Hanavenentake Ra Anumzana Monafinka Ohampriga Sondia Vahete kva nemo'a agrane mani'negeno anara hu'ne.

大卫日见强盛，因为万军之耶和华与他同在。

10 Hagi ama'i ugagota hu'za hankavenentake sondia vahetamima Deviti'ma aza hu'za Israeli vahete kvama azeri oti'naza vahetamine. Hagi Ra Anumzamo'ma Israeli vahete kini manigahie hu'nea kante ante'za ama ana hankavenentake sondia vahetmimo'zane maka Israeli vahe'mo'zanena mago zamarimpa hu'za Devitina kinia azeri oti'naze.

以下记录跟随大卫勇士的首领，就是奋勇帮助他得国、照着耶和华吩咐以色列人的话、与以色列人一同立他作王的。

11 Hagi Devitina hankavenentake sondia vahetmimofo zamagi'a amane, ese nera Hakmoni nagapinti nekino agi'a Jasobeamu'e. Agra Hankmoni nagapina ugagota sondia ne' mani'neankino, mago hapina 300'a vahe kevenutira zamahe fri'ne.

大卫勇士的数目记在下面：哈革摩尼的儿子雅朔班，他是军长的统领，一时举枪杀了三百人。

12 Hagi ana 3'a hanavenentake sondia vahepintira anante'ma eme hu'nea nera Ahoa nagapinti Dodo nemofo Eleaza'e.

其次是亚合人朵多的儿子以利亚撒，他是三个勇士里的一个。

13 Hagi Eleaza'a mago zupa Deviti'ene Pas-damimi kumate mani'nakeno Filistia vahe'mo'za bali hozafi Israeli vahera hara eme huzmantege'za atre'za kore fre'naze.

他从前与大卫在巴斯·达闵，非利士人聚集要打仗。那里有一块长满大麦的田，众民就在非利士人面前逃跑；

14 Hianagi Eleaza'ene Deviti'enena ana hoza amunompi oti'neke Filistia vahera hara hunezamantakeno Ra Anumzamo'a zanaza higeke Filistia vahera razampi hara huzamagatere'na'e.

这勇士便站在那田间击杀非利士人，救护了那田。耶和华使以色列人大获全胜。

15 Hagi Filistia sondia vahe'mo'zama Refaimi agupofima seli noma ki'zama mani'nazageno'a, 30'a ugagota sondia vahepintira 3'amo'za Deviti'ma Adulamu havegampima mani'nerega vu'naze.

三十个勇士中的三个人下到磐石那里，进了亚杜兰洞见大卫；非利士的军队在利乏音谷安营。

16 Hagi e'i ana knafina Deviti'a ana havegampi mani'negeno, mago'a Filistia sondia vahe'mo'za Betlehemi kumate mani'na'ze.

那时大卫在山寨，非利士人的防营在伯利恒。

17 Hagi anama higeno'a Deviti'a tinku avesigeno Betlehemima me'nea tinkura agesa nentahino amanage hu'ne, Betlehemi kumamofo kafante'ma me'nea tinkerifintima tima afino eme namige'na noasina knare hisine.

大卫渴想，说：“甚愿有人将伯利恒城门旁井里的水打来给我喝！”

18 Hagi anagema higeno'a, ana 3'a hankave sondia vahe'mo'za vu'za Filistia vahe vihua ome tapage hu'za ufre'za Betlehemi kumamofo kafante'ma me'nea tinkeriretira tina afi'za Devitina eme ami'naze. Hianagi Deviti'a ana tina oneno Ra Anumzamofontega ofa huno tagitre'ne.

这三个勇士就闯过非利士人的营盘，从伯利恒城门旁的井里打水，拿来奉给大卫。他却不肯喝，将水奠在耶和华面前，

19 Ana tima taginetreno'a Deviti amanage hu'ne, Anumzamofo agire tamage nehue, ama'i tina onegahue. Hagi ama ana timo'a mago'a tinknara osu'neanki agatereno, ama ana vahe'mofo korankna hu'neanki'na onegahue. Na'ankure ama ana tima ome afi'naza vahe'mo'za fri'zankura ontahi zamavufaga eri amne hu'za tina ome afi'za e'naze. E'inage nehuno ana tina Deviti'a one'ne. Hagi e'i ana 3'a hanavenentake sondia vahe'mo'za ana zana hu'naze.

说：“我的 神啊，这三个人冒死去打水，这水好像他们的血一般，我断不敢喝！”如此，大卫不肯喝。这是三个勇士所做的事。

20 Hagi Joapu nefu Abisai'a 30'a sondia vahete kva nekino, 3'a vahe'mo'zama eri'zankna ra agima eri'nea nera, 300'a ha' vahetami kevea zamahe friteno, ana ra agia eri'ne.

约押的兄弟亚比筛是这三个勇士的首领；他举枪杀了三百人，就在三个勇士里得了名。

21 Hagi Abisai'a ana 3'a vahe'mokizimia zamagetereno ra avo erino, kvazimi mani'ne. E'ina hu'neanagi, agra ana 3'a ranra vahepina mago'zamia omani'ne. Hagi agra 30'a vahe'mokizmi kva mani'ne.

他在这三个勇士里是最尊贵的，所以作他们的首领；只是不及前三个勇士。

22 Hagi Kapzeli kumateti mago nera Johoiada nemofo Benaia'a hankavenentake sondia ne' mani'neankino, agra harafa vahe'mo'zama nehaza zana ranra zantmi nehuno, tare Moapu harafa netrena neznaheno, ko'mopa ko'ma rianknafina kerifintira laionia ahe'ne.

有甲薛勇士耶何耶大的儿子比拿雅行过大能的事：他杀了摩押人亚利伊勒的两个儿子，又在下雪的时候下坑里去杀了一个狮子，

23 Hagi magora Isipiti tusizankna nekrefa zaza'amo'a 2mitagi hafu hu'nea ne' ahe fri'ne. Hagi ana Isipi ne'mofo karugru keve'amo'a tavrave trohu masinimofo aini'agna hu'neanagi, Benaia'a ana karugru keve'a hanareno, agri karugru kevereti ana Isipi nekrefa arefri'ne.

又杀了一个埃及人。埃及人身高五肘，手里拿着枪，枪杆粗如织布的机轴；比拿雅只拿着棍子下去，从埃及人手里夺过枪来，用那枪将他刺死。

24 Hagi Benaia'a e'inama hiazante 3'a hanavenentake sondia vahe'mo'zama eri'nazankna agia eri'ne.

这是耶何耶大的儿子比拿雅所行的事，就在三个勇士里得了名。

25 Hagi agra 30'a sondia vahe'tmina zamagatereno ra agi eri'neanagi, 3'a vahepina mago'zamia omani'ne. Hagi Deviti'a avate kvama hunentaza sondia vahetmimofo kva ne' Beniana azeri oti'ne.

他比那三十个勇士都尊贵，只是不及前三个勇士。大卫立他作护卫长。

26 Hagi Devitina hankavenentake sondia vahetmimofo zamagi'a, Joapu nefu Asaheli'ma, Dodo nemofo Betlehemu kumateti ne' Elhanani'ma,

军中的勇士有约押的兄弟亚撒黑，伯利恒人朵多的儿子伊勒哈难，

27 Harori nagapinti ne' Samoti'ma, Peloni nagapinti ne' Helesi'ma,

哈律人沙玛，比伦人希利斯，

28 Tekoa kumateti ne' Ikesi nemofo Ira'ma, Anatoti kumateti ne' Aviezeri'ma,

提哥亚人益吉的儿子以拉，亚拿突人亚比以谢，

29 Husa nagapinti ne' Sibekai'ma, Ahoa nagapinti ne' Zalmoni'ma,

户沙人西比该，亚合人以来，

30 Netofa nagapinti ne' Maharai'ma, Netofa nagapinti ne' Bana ne'mofo Heledi'ma,

尼陀法人玛哈莱，尼陀法人巴拿的儿子希立，

31 Gibea kumateti, Benzameni nagapinti ne' Ribai nemofo Itai'ma, Piratoni nagapinti ne' Benaia'ma,

便雅悯族基比亚人利拜的儿子以太，比拉顿人比拿雅，

32 Gasa tinkrahopinti ne' Hurai'ma, Araba nagapinti ne' Abieli'ma,

迦实溪人户莱，亚拉巴人亚比，

33 Baharumu nagapinti ne' Azmaveti'ma, Salboni nagapinti ne' Eliaba'ma,

巴路米人押斯玛弗，沙本人以利雅哈巴，

34 Gizoni nagapinti ne' Hasemi'ma, Harari nagapinti ne' Sage nemofo Jonatani'ma,

基孙人哈深的众子，哈拉人沙基的儿子约拿单，

35 Harari nagapinti ne' Sakari nemofo Ahiamu'ma, Uri nemofo Elifari'ma

哈拉人沙甲的儿子亚希暗，吾珥的儿子以利法勒，

36 Mekera nagapinti ne' Heferi'ma, Peloni nagapinti ne' Ahizama,

米基拉人希弗，比伦人亚希雅，

37 Kameri nagapinti ne' Hezro'ma, Ezbai nemofo Narai'ma,

迦密人希斯罗，伊斯拜的儿子拿莱，

38 Neteni nefu Joeli'ma, Hagri nemofo Mibhari'ma,

拿单的兄弟约珥，哈基利的儿子弥伯哈，

39 Amoni nagapinti ne' Zeleki'ma, Joapu hankoma e'neria ne' Beroti nagapinti ne' Zeruia nemofo Naharai'ma,

亚扪人洗勒，比录人拿哈莱（拿哈莱是给洗鲁雅的儿子约押拿兵器的），

40 Jatiri nagapinti ne' Ira'ma, Jatiri nagapinti ne' Garepi'ma,

以帖人以拉，以帖人迦立，

41 Hiti nagapinti ne' Uria'ma, Alai nemofo Zabati'ma,

赫人乌利亚，亚莱的儿子撒拔，

42 Rubeni naga kva ne'ma 30'a sondia vahe'enema vanoma nehia ne' Siza nemofo Adina'ma,

吕便人示撒的儿子亚第拿（他是吕便支派中的一个族长，率领三十人），

43 Maka nemofo Hanani'ma, Mitan nagapinti ne' Josafati'ma,

玛迦的儿子哈难，弥特尼人约沙法，

44 Astaroti nagapinti ne' Usia'ma, Aroeli kumateti Hotamu ne' mofavrerare Sama'ene Jeielikegi,

亚施他拉人乌西亚，亚罗珥人何坦的儿子沙玛、耶利，

45 Tizi nagapinti netre Simri nemofokea Jediaeli'ene nefu ne' Joha'ma,

提洗人申利的儿子耶叠和他的兄弟约哈，

46 Mahava nagapinti ne' Elieli'ma, Elnamu nemofoke Jeribai'ene Josavia'ene, Moapu nagapinti ne' Itma'ma,

玛哈未人以利业，伊利拿安的儿子耶利拜、约沙未雅，摩押人伊特玛、

47 Erieli'ma, Obeti'ma, Mezoba nagapinti ne' Jasieli'e.

以利业、俄备得，并米琐八人雅西业。