ଲୁକ 23
1 ତିକ୍କି ସୋବାନ୍ ସିଲଡ୍ ଅଡ଼୍କୋଞ୍ଜି ଡୋଲନ୍ ଜିସୁନ୍ଆଡଙ୍ ପିଲାତନ୍ ଆମଙ୍ ଓରୋଙେଞ୍ଜି ।
The whole company of them rose up and brought him before Pilate.
2 ଆରି, ଆନିଞ୍ଜି ଜିସୁନ୍ ଆ ବିରୁଦଲୋଙ୍ ଡାବ୍ବୁଡାଲେ ବର୍ରଞ୍ଜି, “ଇନ୍ଲେଞ୍ଜି ଏଗିୟ୍ଲାୟ୍, କେନ୍ ଆ ମନ୍ରା ଜାତିଲେନ୍ ତରଙ୍ଆନ୍ନା ଏମ୍ମେଆୟ୍ତେ, ଆରି କାଇସରନ୍ଆଡଙ୍ ପାନୁନ୍ ତନିୟନ୍ ଆସନ୍ କେନ୍ଆନିନ୍ ରଙ୍ତେ, ଆରି ଆନିନ୍ଡମ୍ ଞେନ୍ ଅବିସେକ ଡେଲିଁୟ୍, ଞେନ୍ ଅବୟ୍ ରାଜା ଗାମ୍ଡମ୍ତନେ ।”
They began to accuse him, saying, “We found this man perverting the nation, forbidding paying taxes to Caesar, and saying that he himself is Christ, a king.”
3 ସିଲତ୍ତେ ପିଲାତନ୍, ଜିସୁନ୍ଆଡଙ୍ ବରେନ୍, “ଆମନ୍ ପଙ୍ ଜିଉଦିଞ୍ଜି ଆ ରାଜା?” ଜିସୁନ୍ ଜାଲଙ୍ଲନେ, “ଆମନ୍ ବର୍ତନେ ।”
Pilate asked him, “Are you the King of the Jews?” He answered him, “So you say.”
4 ସିଲତ୍ତେ ପିଲାତନ୍ ସୋଡ଼ା ରାଓଡ଼ାନ୍ ଡ ମନ୍ରାଞ୍ଜିଆଡଙ୍ ବରେଞ୍ଜି, “ଞେନ୍ କେନ୍ ଆ ମନ୍ରା ଆମଙ୍ ସିଲଡ୍ ଇନ୍ନିଙ୍ ଡୋସାନ୍ ଅଃଞାଙାୟ୍ ।”
Pilate said to the chief priests and the multitudes, “I find no basis for a charge against this man.”
5 ବନ୍ଡ ଆନିଞ୍ଜି ଆରି ଆକ୍ରାନ୍ ବର୍ରଞ୍ଜି, “କେନ୍ଆନିନ୍ ସମ୍ପରା ଜିଉଦା ଡେସାନ୍ ଞନଙନ୍ ତିୟ୍ଲେ ଗାଲିଲିନ୍ ସିଲଡ୍ ଉଲନ୍ କେନ୍ତେନ୍ନେ ନିୟ୍ ଆନିନ୍ ମନ୍ରାଞ୍ଜିଆଡଙ୍ ସୁସ୍କାୟ୍ତଜି ।”
But they insisted, saying, “He stirs up the people, teaching throughout all Judea, beginning from Galilee even to this place.”
6 ବନ୍ଡ ପିଲାତନ୍ କେନ୍ଆତେ ଅମ୍ଡଙ୍ଡାଲେ ଆରି ବର୍ରନେ, “କେନ୍ ଆ ମନ୍ରା ଇନି ଗାଲିଲିବାୟ୍ ପଙ୍?”
But when Pilate heard Galilee mentioned, he asked if the man was a Galilean.
7 ଆରି, ଆନିନ୍ ଏରୋଦନ୍ ଆ ରାଜ୍ୟ ଆ ମନ୍ରା ଗାମ୍ଲେ ଆନିନ୍ ଜନାଡାଲେ ଆନିନ୍ଆଡଙ୍ ଏରୋଦନ୍ ଆମଙ୍ ଆପ୍ପାୟେନ୍, ତିଆଡିଡ୍ ଏରୋଦନ୍ ନିୟ୍ ଜିରୁସାଲମଲୋଙନ୍ ଡକୋଲନ୍ ।
When he found out that he was in Herod’s jurisdiction, he sent him to Herod, who was also in Jerusalem during those days.
8 ଏରୋଦନ୍ ଜିସୁନ୍ଆଡଙ୍ ଗିୟ୍ଲେ ମାଡ୍ଡ ସର୍ଡାଲନ୍, ଇନିଆସନ୍ଗାମେଣ୍ଡେନ୍ ଆନିନ୍ ଆ ବର୍ନେନ୍ ଆରମ୍ଡଙେନ୍, ଆନିନ୍ଆଡଙ୍ ଗିୟ୍ଗିଜନ୍ ଆସନ୍ ଆମ୍ମୁଙ୍ ମା ସିଲଡ୍ ଲଡୟ୍ଡାଏନ୍, ଆରି ଆମଙନ୍ ସିଲଡ୍ ଇନ୍ନିଙ୍ଡେନ୍ ସରାନ୍ନିଡାନ୍ ଆ କାବ୍ବାଡ଼ା ଗିୟ୍ଗିଜନ୍ ଆସନ୍ ଏରୋଦନ୍ ଆସାଲନ୍ ଡକୋଲନ୍ ।
Now when Herod saw Jesus, he was exceedingly glad, for he had wanted to see him for a long time, because he had heard many things about him. He hoped to see some miracle done by him.
9 ତିଆସନ୍ ପିଲାତନ୍ ଜିସୁନ୍ଆଡଙ୍ ଗୋଗୋୟ୍ଡମ୍ ବର୍ନେଞ୍ଜି ଅପ୍ପୁଙେନ୍, ବନ୍ଡ ଆନିନ୍ ଇନ୍ନିଙ୍ ଅଃଜ୍ଜାଲଙ୍ଲନେ ।
He questioned him with many words, but he gave no answers.
10 ଆରି, ସୋଡ଼ା ରାଓଡ଼ାଞ୍ଜି ଡ ସାସ୍ତ୍ରିଞ୍ଜି ତନଙ୍ଡାଲେ ଜିସୁନ୍ ଆ ବିରୁଦଲୋଙ୍ ମାଡ୍ଡ କାୟ୍କାୟେଞ୍ଜି ।
The chief priests and the scribes stood, vehemently accusing him.
11 ଆରି, ଏରୋଦନ୍ ଆ ସିପ୍ପାୟଞ୍ଜି ସରିନ୍ ମାୟ୍ଲନ୍ ଜିସୁନ୍ଆଡଙ୍ ଡୋସେଲେ ସୟ୍ସୟ୍ମୁଡାଲେ ଅବୟ୍ ମନଙ୍ଡମ୍ ଆ ଅଙ୍ଗି ଅବ୍ରଡାଲେ ଆରି ପିଲାତନ୍ ଆମଙ୍ ଆପ୍ପାୟେନ୍ ।
Herod with his soldiers humiliated him and mocked him. Dressing him in luxurious clothing, they sent him back to Pilate.
12 ତିଆଡିନ୍ନା ସିଲଡ୍ ଏରୋଦନ୍ ଡ ପିଲାତନ୍ ତର୍ଡମ୍ ମାୟ୍ମାୟ୍ଲଞ୍ଜି; କେନ୍ ଆମ୍ମୁଙ୍ ଆନିଞ୍ଜି ବାଗୁଞ୍ଜି ବନେରା ଡକୋଲଞ୍ଜି ।
Herod and Pilate became friends with each other that very day, for before that they were enemies with each other.
13 ତି ସିଲଡ୍ଲ୍ଲନ୍ ପିଲାତନ୍ ସୋଡ଼ା ରାଓଡ଼ାଞ୍ଜି, ସୋଡ଼ାମରଞ୍ଜି ଡ ଅଡ଼୍କୋ ମନ୍ରାଞ୍ଜିଆଡଙ୍ ଓଡ୍ଡେଲେ ଅବ୍ରୁକ୍କୁଡାଲେ ବରେଞ୍ଜି,
Pilate called together the chief priests, the rulers, and the people,
14 “କେନ୍ଆନିନ୍ ମନ୍ରାଞ୍ଜି ଆମଙ୍ଲୋଙ୍ ଗୋଡ଼େନ୍ ଅମ୍ଡୁଙ୍ତାୟ୍ ଗାମ୍ଲେ ଆମ୍ୱେଞ୍ଜି କେନ୍ ଆନିନ୍ଆଡଙ୍ ଅମଙ୍ଞେନ୍ ଏଓରୋଙ୍ଲାୟ୍; ଆରି ଗିୟ୍ବା, ଞେନ୍ ତେମଡ୍ଲୋଙ୍ବେନ୍ କେନ୍ ଆନିନ୍ଆଡଙ୍ ବର୍ରାୟ୍ ବନ୍ଡ ଅଙ୍ଗା ଅଙ୍ଗା ଆ ବର୍ନେଜି କେନ୍ ଆ ବିରୁଦଲୋଙନ୍ ଆମ୍ୱେଞ୍ଜି ଅମଙ୍ଞେନ୍ ଏବର୍ରନେ ତିଅନ୍ତମ୍ ଅନ୍ନିଙ୍ ଆ ଡୋସା କେନ୍ ଆମଙନ୍ ଅଃଞାଙ୍ଲାୟ୍ ।
and said to them, “You brought this man to me as one that perverts the people, and behold, having examined him before you, I found no basis for a charge against this man concerning those things of which you accuse him.
15 ଏରୋଦନ୍ ନିୟ୍ ଅଃଞାଙ୍ଲୋ, ଇନିଆସନ୍ଗାମେଣ୍ଡେନ୍ ଆନିନ୍ ଆରି କେନ୍ ଆନିନ୍ଆଡଙ୍ ଅମଙ୍ଞେନ୍ ଆପ୍ପାୟ୍ଲାୟ୍; ଆରି ଗିୟ୍ବା, କେନ୍ଆନିନ୍ ରନବୁ ପନବ୍ରଡନ୍ ଆଞ୍ରାଙ୍ତେନ୍ ଅନ୍ତମ୍ ଇନ୍ନିଙ୍ ଆ ଡୋସା ଅଃଲ୍ଲୁମ୍ଲୋ ।
Neither has Herod, for I sent you to him, and see, nothing worthy of death has been done by him.
16 ତିଆସନ୍ ଞେନ୍ କେନ୍ ଆନିନ୍ଆଡଙ୍ ପନବ୍ରଡନ୍ ତିୟ୍ଲେ ଅମ୍ରେଙ୍ତାୟ୍ ।”
I will therefore chastise him and release him.”
17 ପୁର୍ପୁର୍ ଇଙନ୍ ଆନିଞ୍ଜି ଆସନ୍ ରାଜାନ୍ ଅବୟ୍ ଆବଣ୍ଡିମରନ୍ଆଡଙ୍ ଅମ୍ବୁର୍ତେ ।
Now he had to release one prisoner to them at the feast.
18 ବନ୍ଡ ଆନିଞ୍ଜି ଅଡ଼୍କୋଞ୍ଜି ଏକ୍କାନ୍ ବାବ୍ବାବ୍ଲେ ବର୍ରଞ୍ଜି, “କେନ୍ ଆନିନ୍ଆଡଙ୍ ରବ୍ବୁବା, ଇନ୍ଲେଞ୍ଜି ଆସନ୍ ବାରବ୍ବାନ୍ ଅମ୍ବୁର୍ବା ।”
But they all cried out together, saying, “Away with this man! Release to us Barabbas!”—
19 ତି ବାରବ୍ବାନ୍ ଗଡ଼ାଲୋଙନ୍ ଗୋଡ଼େନ୍ ଆରମ୍ଡୁଙ୍ଲାଞନ୍ ଆସନ୍ ଡ ମନ୍ରାଞ୍ଜିଆଡଙ୍ ଆର୍ରବ୍ବୁଏନ୍ ଆସନ୍ ଆନିନ୍ଆଡଙ୍ ବଣ୍ଡିସିଂଲୋଙନ୍ ଡକ୍କୋଏଞ୍ଜି ।
one who was thrown into prison for a certain revolt in the city, and for murder.
20 ବନ୍ଡ ପିଲାତନ୍ ଜିସୁନ୍ଆଡଙ୍ ଅନମ୍ବୁରନ୍ ଆସନ୍ ଲଡୟ୍ଡାଲେ ଆନିନ୍ ଆରି ମନ୍ରାଞ୍ଜିଆଡଙ୍ ମବ୍ଲଞେଞ୍ଜି ।
Then Pilate spoke to them again, wanting to release Jesus,
21 ବନ୍ଡ ଆନିଞ୍ଜି ସୋଡ଼ା ସର୍ରଙନ୍ ବାତ୍ତେ ବର୍ରଞ୍ଜି, “ଆନିନ୍ଆଡଙ୍ ଆଅକ୍କାଡଙ୍ଲୋଙନ୍ ଅମ୍ଡାୟ୍ବା, ଆଅକ୍କାଡଙ୍ଲୋଙନ୍ ଅମ୍ଡାୟ୍ବା ।”
but they shouted, saying, “Crucify! Crucify him!”
22 ଆରି, ଆନିନ୍ ୟାଗି ତର ବରେଞ୍ଜି, “ଇନିବା ଆନିନ୍ ଇନି ଆ ଡୋସା ଲୁମେନ୍? ଞେନ୍ ଆମଙନ୍ ରନବୁ ପନବ୍ରଡନ୍ ଆଞ୍ରାଙ୍ତେନ୍ ଅନ୍ତମ୍ ଅନ୍ନିଙ୍ ଆ ଡୋସା ଅଃଞାଙ୍ଲାୟ୍; ତିଆସନ୍, ଞେନ୍ ଆନିନ୍ଆଡଙ୍ ପନବ୍ରଡନ୍ ତିୟ୍ଲେ ଅମ୍ରେଙ୍ତାୟ୍ ।”
He said to them the third time, “Why? What evil has this man done? I have found no capital crime in him. I will therefore chastise him and release him.”
23 ବନ୍ଡ ଆନିନ୍ଆଡଙ୍ ଆଅକ୍କାଡଙ୍ଲୋଙନ୍ ଅମ୍ଡାୟ୍ନେତୋ ଗାମ୍ଲେ ଆନିଞ୍ଜି ସୋଡ଼ା ସର୍ରଙନ୍ ବାତ୍ତେ ବାବ୍ବାବ୍ଲେ ଡାବ୍ବିଲେ ଡକୋଲଞ୍ଜି, ଆରି ଆ ବନାବ୍ବାବଞ୍ଜି ମା ଜିନୟେନ୍ ।
But they were urgent with loud voices, asking that he might be crucified. Their voices and the voices of the chief priests prevailed.
24 ଆରି, ଆ ଡାବ୍ବିଞ୍ଜି ଅନ୍ତମ୍ ଲନୁମନ୍ ଡେଏତୋ ଗାମ୍ଲେ ପିଲାତନ୍ ବର୍ରନେ ।
Pilate decreed that what they asked for should be done.
25 ବନ୍ଡ ଅଙ୍ଗା ମନ୍ରା ଗୋଡ଼େନ୍ ଆରମ୍ଡୁଙ୍ଲାଞନ୍ ଆ ଡୋସା ଡ ସମ୍ବବ୍ମରନ୍ ଆ ଡୋସାଲୋଙ୍ ବଣ୍ଡିସିଂଲୋଙନ୍ ଡକ୍କୋଏଞ୍ଜି, ତି ଆ ମନ୍ରାଆଡଙ୍ ଅନମ୍ବୁରନ୍ ଆସନ୍ ଆନିଞ୍ଜି ଡାବ୍ବିଏଞ୍ଜି, ତି ଆ ମନ୍ରାଆଡଙ୍ ପିଲାତନ୍ ଅମ୍ବୁରେନ୍, ଆରି ଆଇସ୍ସୁମଞ୍ଜି ବାତ୍ତେ ଆସିଲୋଙଞ୍ଜି ଜିସୁନ୍ଆଡଙ୍ ସୋରୋପ୍ପାୟେନ୍ ।
He released him who had been thrown into prison for insurrection and murder, for whom they asked, but he delivered Jesus up to their will.
26 ଆନିଞ୍ଜି ଜିସୁନ୍ଆଡଙ୍ ଆରୋରୋଙେଞ୍ଜି ଆଡିଡ୍ ମାଲ୍ଲେଙ୍ରେଙନ୍ ସିଲଡ୍ ଅବୟ୍ ମନ୍ରାନ୍ ଗଡ଼ାନ୍ ଜିର୍ରାୟ୍, ଆଞୁମନ୍ ସିମନ୍ ଆନିନ୍ କୁରିଣିବାୟ୍, ଆନିନ୍ ଜିସୁନ୍ ଆଅକ୍କାଡଙ୍ ବୋୟ୍ଲେ ଜିସୁନ୍ ଆ କଣ୍ଡୋଙ୍ଗଡ୍ ସଣ୍ଡୋଙ୍ଲେ ଜନିରନ୍ ଆସନ୍ ଆ ତାରଙ୍ଲୋଙନ୍ ତିଆତେ ଜଗଃମଗଃ ଅବ୍ବୋୟେଞ୍ଜି ।
When they led him away, they grabbed one Simon of Cyrene, coming from the country, and laid the cross on him to carry it after Jesus.
27 ଆରି, ଗୋଗୋୟ୍ଡମ୍ ମନ୍ରାଞ୍ଜି ଆ କଣ୍ଡୋଙ୍ଗଡନ୍ ସଣ୍ଡୋଙ୍ଲେ ପାଙେଞ୍ଜି, ଲାଙ୍ଲେଡ୍ ଆଇମରଞ୍ଜି ଆନିନ୍ ଆସନ୍ ଇୟମ୍ଡାଲେ ଆ ମାୟଙ୍ଲୋଙଞ୍ଜି ତିଡ୍ଡମ୍ଲନ୍ ୟେଗଡେଞ୍ଜି ।
A great multitude of the people followed him, including women who also mourned and lamented him.
28 ବନ୍ଡ ଜିସୁନ୍ ଆମଙ୍ଗଡଞ୍ଜି ଆୟର୍ଗୁଡ଼ିଃଲନ୍ ବର୍ରନେ, “ଏ ଜିରୁସାଲମନ୍ ଆ ଡାଙ୍ଗଡ଼ିଅନ୍ଜି, ଞେନ୍ ଆସନ୍ ଏୟେଡଙ୍, ଆର୍ପାୟ୍ ରମ୍ମଙ୍ ରମ୍ମଙ୍ ଆସନ୍ ଆରି ପସିୟ୍ବେଞ୍ଜି ଆସନ୍ ୟେବା;
But Jesus, turning to them, said, “Daughters of Jerusalem, don’t weep for me, but weep for yourselves and for your children.
29 ଇନିଆସନ୍ଗାମେଣ୍ଡେନ୍ ଗିୟ୍ବା, ‘ଆନାଜି ଆଞ୍ଜେବୟ୍ଜି, ଆରି ଆନାଜି ଆଙ୍ଗିୟ୍ଜା ଅଣ୍ଡ୍ରଙ୍ ତିଲ୍କୋଡେଜି ଆରି ଅଣ୍ଡ୍ରଙ୍ ମେମେଅନ୍ନେଜି, ଆନିଞ୍ଜିଆଡଙ୍ ସନେନ୍ସେନ୍, ସନେନ୍ସେନ୍,’ ଗାମ୍ଲେ ମନ୍ରାଞ୍ଜି ବର୍ତଞ୍ଜି ତି ଆ ବନେଡ଼ା ଜିର୍ତାୟ୍ ।
For behold, the days are coming in which they will say, ‘Blessed are the barren, the wombs that never bore, and the breasts that never nursed.’
30 ତିଆଡିଡ୍ ମନ୍ରାଞ୍ଜି ବରୁଞ୍ଜି ବର୍ତଜି, ‘ଡଅଙ୍ଲୋଙ୍ଲେନ୍ ଅବ୍ସେଡ୍ନାୟ୍,’ ଆରି ତଡ଼କୁବଞ୍ଜି ବର୍ତଜି, ‘ଇନ୍ଲେଞ୍ଜିଆଡଙ୍ ରୁବ୍ଲେନ୍ ।’
Then they will begin to tell the mountains, ‘Fall on us!’ and tell the hills, ‘Cover us.’
31 ଇନିଆସନ୍ଗାମେଣ୍ଡେନ୍ ଆମେଙ୍ନୁବନ୍ ମନ୍ରାଞ୍ଜି ଏନ୍ନେଏଞ୍ଜି ଡେନ୍, ଆସର୍ନୁବନ୍ ଆରି ଏଙ୍ଗାଗୋ ଅରଃ ଡେଏନ୍?”
For if they do these things in the green tree, what will be done in the dry?”
32 ରନବ୍ବୁନ୍ ଆସନ୍ ବାଗୁ ଡୋସାମରଞ୍ଜିଆଡଙ୍ ନିୟ୍ ଜିସୁନ୍ ସରିନ୍ ଓରୋଙେଞ୍ଜି ।
There were also others, two criminals, led with him to be put to death.
33 ଆରି, ଆନିଞ୍ଜି “ଆଇଡାଡ଼ା” ଗାମ୍ଲେ ଅବୟ୍ ବରୁଲୋଙନ୍ ତୁଙେଞ୍ଜି କି ତେତ୍ତେ ଜିସୁନ୍ଆଡଙ୍ ଆଅକ୍କାଡଙ୍ଲୋଙନ୍ ଅମ୍ଡାଜେଞ୍ଜି, ଆରି ଡୋସାମରଞ୍ଜି ଆମଙ୍ଲୋଙ୍ ସିଲଡ୍ ଅବୟ୍ନେ ଜିସୁନ୍ ଆ ଅର୍ଜଡ଼ୋମ୍ଗଡ୍ ଆରି ଅବୟ୍ନେ ଅର୍କାବଡ଼ିଗଡ୍ ଆଅକ୍କାଡଙ୍ଲୋଙନ୍ ଅମ୍ଡାଜେଞ୍ଜି ।
When they came to the place that is called “The Skull”, they crucified him there with the criminals, one on the right and the other on the left.
34 ତିଆଡିଡ୍ ଜିସୁନ୍ ବର୍ରନେ, “ଏ ଆପେୟ୍, କେନ୍ଆନିଞ୍ଜିଆଡଙ୍ କେମାନ୍ ତିୟାଜି, ଇନିଆସନ୍ଗାମେଣ୍ଡେନ୍ କେନ୍ଆନିଞ୍ଜି ଇନି ଲୁମ୍ତଜି, ତିଆତେ ଅଃଜ୍ଜନାଏଜି ।” ଆରି ଆନିଞ୍ଜି ଜିସୁନ୍ ଆ ଅଙ୍ଗି ବନ୍ତାନେନ୍ ଆସନ୍ ଅବ୍କଡ଼ିଏଞ୍ଜି ।
Jesus said, “Father, forgive them, for they don’t know what they are doing.” Dividing his garments among them, they cast lots.
35 ଆରି, ମନ୍ରାଞ୍ଜି ତନଙ୍ଡାଲେ ଜିସୁନ୍ଆଡଙ୍ ଗିୟ୍ଗିଜେଞ୍ଜି । ଆରି, ସୋଡ଼ାମରଞ୍ଜି ନିୟ୍ ଜିସୁନ୍ଆଡଙ୍ ସୟ୍ସୟ୍ମୁଡାଲେ ବର୍ରଞ୍ଜି, “ଆନିନ୍ ଆନ୍ନାମରଞ୍ଜିଆଡଙ୍ ଡୋବେନ୍; ଆନିନ୍ ଇସ୍ୱରନ୍ ଆସ୍ରେଡାଏନ୍ ଆ କ୍ରିସ୍ଟ ଡେନ୍, ଆନିନ୍ଡମ୍ ଡୋବ୍ନେତୋ ।”
The people stood watching. The rulers with them also scoffed at him, saying, “He saved others. Let him save himself, if this is the Christ of God, his chosen one!”
36 ଆରି, ସିପ୍ପାୟଞ୍ଜି ନିୟ୍ ଆମଙନ୍ ଜିର୍ରେ ସବୁର୍ଡାନ୍ ତିୟ୍ଲେ, ଆନିନ୍ଆଡଙ୍ ସୟ୍ସୟ୍ମୁଲେ ବର୍ରଞ୍ଜି,
The soldiers also mocked him, coming to him and offering him vinegar,
37 “ଆମନ୍ ଜିଉଦିଞ୍ଜି ଆ ରାଜା ଡେନ୍, ଏତ୍ତେଲ୍ଡେନ୍ ଆମନ୍ଡମ୍ ଡୋବ୍ନା ।”
and saying, “If you are the King of the Jews, save yourself!”
38 ଆରି, ଆବବନ୍ ଆ ତୋଣ୍ଡୋ ଏନ୍ନେଲେ ନିୟ୍ ଆଇଡିଡନ୍ ଡକୋଏନ୍, “କେନ୍ଆତେ ଜିଉଦିଞ୍ଜି ଆ ରାଜା ।”
An inscription was also written over him in letters of Greek, Latin, and Hebrew: “THIS IS THE KING OF THE JEWS.”
39 ଆରି, ଆଅକ୍କାଡଙ୍ଲୋଙନ୍ ଆରମ୍ଡାଜେଞ୍ଜି ଡୋସାମରଞ୍ଜି ଆମଙ୍ଲୋଙ୍ ସିଲଡ୍ ଅବୟ୍ନେ ଜିସୁନ୍ଆଡଙ୍ ନିଣ୍ଡୟ୍ଡାଲେ ବର୍ରନେ, “ଆମନ୍ ପଙ୍ କ୍ରିସ୍ଟନ୍ ତଡ୍? ଆମନ୍ଡମ୍ ଡୋବ୍ନା ଆରି ଇନ୍ଲେଞ୍ଜିଆଡଙ୍ ଡୋବ୍ଲେନ୍ ।”
One of the criminals who was hanged insulted him, saying, “If you are the Christ, save yourself and us!”
40 ବନ୍ଡ ଆରି ଅବୟ୍ନେ ଆନିନ୍ଆଡଙ୍ କଁୟ୍ଲେ ବରେନ୍, “ଆମନ୍ ଇସ୍ୱରନ୍ଆଡଙ୍ ନିୟ୍ ଅଃବ୍ବତଙମ୍ ପଙ୍? ଆମନ୍ ତ ଏତ୍ତେଗୋମା ପନବ୍ରଡନ୍ ଞାଙ୍ତେ ।
But the other answered, and rebuking him said, “Don’t you even fear God, seeing you are under the same condemnation?
41 ଆମନ୍ ଡ ଞେନ୍ ଡୋସାନ୍ ଲୁମ୍ଲବୋ, ତିଆସନ୍ ପନବ୍ରଡନ୍ ଞାଙ୍ତବୋ, ବନ୍ଡ କେନ୍ଆନିନ୍ ଅନ୍ନିଙ୍ ଆ ଡୋସା ଅଃଲ୍ଲୁମ୍ଲୋ ।”
And we indeed justly, for we receive the due reward for our deeds, but this man has done nothing wrong.”
42 ଆରି ଆନିନ୍ ଜିସୁନ୍ଆଡଙ୍ ବରେନ୍, “ଏ ଜିସୁ, ଆମନ୍ ରାଜ୍ୟଲୋଙ୍ନମ୍ ଗନେନ୍ ଡେନ୍ ଞେନ୍ଆଡଙ୍ ଅଜିଡ୍ ଇୟମିଁୟ୍ ।”
He said to Jesus, “Lord, remember me when you come into your Kingdom.”
43 ସିଲତ୍ତେ ଜିସୁନ୍ ଆନିନ୍ଆଡଙ୍ ବରେନ୍, “ଞେନ୍ ଆମନ୍ଆଡଙ୍ ଆଜାଡ଼ିଡମ୍ ବର୍ତମ୍, ଲଙେ ଆମନ୍ ଞେନ୍ ସରିନ୍ ପାରଡେସାନ୍ ଜିର୍ତେ ।”
Jesus said to him, “Assuredly I tell you, today you will be with me in Paradise.”
44 ତିଆଡିଡ୍ ଅୟମନ୍ ବାରଟା ଡେଏନ୍, ଆରି, ଓୟୋଙନ୍ ଅଃତ୍ତରାଲନ୍ ୟାଗି ଗଣ୍ଟା ଜାୟ୍ ସମ୍ପରା ଡେସାନ୍ ଆଲୋଙଡ୍ ଡକୋଲନ୍ ।
It was now about the sixth hour, and darkness came over the whole land until the ninth hour.
45 ଆରି ସରେବାସିଂଲୋଙନ୍ ଆଡ୍ରକୋଏନ୍ ଡରଙ୍ନେକାବନ୍ ବାଗୁ ପାଲ୍ପାଲ୍ ଡେଲେ ପତେଏନ୍ ।
The sun was darkened, and the veil of the temple was torn in two.
46 ଆରି, ଜିସୁନ୍ ସୋଡ଼ା ସର୍ରଙନ୍ ବାତ୍ତେ, ଓଡ୍ଡେଲେ ବର୍ରନେ, “ଏ ଆପେୟ୍, ଞେନ୍ ଅସିଲୋଙ୍ନମ୍ ପୁରାଡ଼ାଞେନ୍ ସୋରୋପ୍ପାୟ୍ତାୟ୍,” ଏନ୍ନେଲେ ବର୍ରନେ କି ଆନିନ୍ ରବୁଏନ୍ ।
Jesus, crying with a loud voice, said, “Father, into your hands I commit my spirit!” Having said this, he breathed his last.
47 ତେତ୍ତେ ଇନି ଡେଏନ୍ ତିଆତେ ସୋଡ଼ା ସିପ୍ପାୟନ୍ ଗିୟ୍ଲେ, ଇସ୍ୱରନ୍ଆଡଙ୍ ଗନୁଗୁ ପନେମେଙନ୍ ତିୟ୍ଲେ ବର୍ରନେ, “କେନ୍ଆନିନ୍ ଅବୟ୍ ଡରମ୍ମମର୍ ଡକୋଏନ୍ ।”
When the centurion saw what was done, he glorified God, saying, “Certainly this was a righteous man.”
48 ଆରି, କେନ୍ ଅଡ଼୍କୋନ୍ ଗିୟ୍ଗିଜନ୍ ଆସନ୍ ଡିଅଙ୍ଗା ମନ୍ରା ତେତ୍ତେ ଇୟ୍ଲେ କୁଡ଼ାୟ୍ନେଜି ଆନିଞ୍ଜି କେନ୍ ଅଡ଼୍କୋନ୍ ଗନଡେଲଞ୍ଜି ଗିୟ୍ଲେ ଆ ମାୟଙ୍ଲୋଙଞ୍ଜି ତିଡ୍ଡମ୍ଲନ୍ ୟର୍ରନାଜି ।
All the multitudes that came together to see this, when they saw the things that were done, returned home beating their chests.
49 ବନ୍ଡ ଜିସୁନ୍ ଆ କୁଲମ୍ଜି ଅଡ଼୍କୋଞ୍ଜି ଆରି ଗାଲିଲିନ୍ ସିଲଡ୍ ଏକ୍କାନ୍ ମାୟ୍ଲନ୍ ଆନିନ୍ଆଡଙ୍ ଆସ୍ରଣ୍ଡୋଙେଞ୍ଜି ଆଇମର୍ଜି ଡାସଙାୟ୍ ଡକୋଡାଲନ୍ କେନ୍ଆତେଜି ଅଡ଼୍କୋନ୍ ଗିୟ୍ଗିଜେଞ୍ଜି ।
All his acquaintances and the women who followed with him from Galilee stood at a distance, watching these things.
50 ଆରି ଗିୟ୍ବା, ଜିଉଦିଞ୍ଜି ଆ ଗଡ଼ାଲୋଙ୍ ଆରାମାତିୟାବାୟ୍ ଜୋସେପ ଗାମ୍ଲେ ଅବୟ୍ ମନ୍ରାନ୍ ଡକୋଏନ୍, ଆନିନ୍ ମନଙ୍ମର୍ ଆରି ଡରମ୍ମମର୍, ଆରି ଆନିନ୍ ସୋଡ଼ା ସୋବାନ୍ ଆ ମରାୟ୍ନେମର୍ ।
Behold, there was a man named Joseph, who was a member of the council, a good and righteous man
51 ଆନ୍ନା ଜିଉଦିଞ୍ଜି, ଜିସୁନ୍ଆଡଙ୍ ରନବ୍ବୁନ୍ ଆସନ୍ ଏରେଞ୍ଜି ଗୋଜେଞ୍ଜି ବନ୍ଡ ତିଆତେ ଆନିନ୍ ଅଃମ୍ମାୟ୍ଲନ୍, ଆରି ଆନିନ୍ ଇସ୍ୱରନ୍ ଆ ରାଜ୍ୟ ଜଗେଲେ ଡକୋଲନ୍ ।
(he had not consented to their counsel and deed), from Arimathaea, a city of the Jews, who was also waiting for God’s Kingdom.
52 ଆନିନ୍ ପିଲାତନ୍ ଆମଙ୍ ଜିର୍ରେ ଜିସୁନ୍ ଆ ଡଅଙ୍ ଇୟ୍ଲେ ବେଡେ ।
This man went to Pilate, and asked for Jesus’ body.
53 ଆରି ତିଆତେ ଅପ୍ପଃଡାଲେ ଲମନ୍କାବନ୍ ବାତ୍ତେ ବଲେଡ୍ଲେ, ବରୁଲୋଙନ୍ ଆଗାୟ୍ଗାୟନ୍ ଅବୟ୍ ମସାନ୍ନିଲୋଙନ୍ ଇୟ୍ଲେ ଡକ୍କୋଏଜି, ତି ଆମ୍ମୁଙ୍ ତି ଆ ମସାନ୍ନିଲୋଙ୍ ଆଙ୍ଗିୟ୍ ଆନ୍ନିଙ୍ ଅଣ୍ଡ୍ରଙ୍ ଡକ୍କୋଏଜି ।
He took it down and wrapped it in a linen cloth, and laid him in a tomb that was cut in stone, where no one had ever been laid.
54 ତିଆଡିନ୍ନା ଅବ୍ଜାଡା ଡିନ୍ନା ଡକୋଏନ୍, ଆରି ଲୋଲୋନେ ଡିନ୍ନାନ୍ ତୁୟାଲେ ପାଙ୍ଲାୟ୍ ।
It was the day of the Preparation, and the Sabbath was drawing near.
55 ଆରି, ଗାଲିଲିନ୍ ସିଲଡ୍ ଆଜିର୍ରାଞଞ୍ଜି ଆଇମର୍ଜି ସଣ୍ଡୋଙ୍ଲେ ପାଙ୍ଲେ ମସାନ୍ନିନ୍ ଡ ଜିସୁନ୍ ଆ ଡଅଙ୍ ଏଙ୍ଗାଲେ ଡନକ୍କୋନ୍ ଡେଏନ୍ ତିଆତେ ଇୟ୍ଲେ ଗିଜେଜି ।
The women who had come with him out of Galilee followed after, and saw the tomb and how his body was laid.
56 ଆରି ଆନିଞ୍ଜି ୟର୍ରନ୍ ଲଙିଡ୍ ମିଞଲନ୍ ଡ ମିଞଲନ୍ ଇୟ୍ଲେ ତୁବେଜି, ଆରି ଆନିଞ୍ଜି ଲୋଲୋନେ ଡିନ୍ନାଇଙନ୍ ଲୋଲୋଲଞ୍ଜି, ଇନିଆସନ୍ଗାମେଣ୍ଡେନ୍ ତିଆତେ ବନାଁୟ୍ବର୍ଲୋଙନ୍ ଏତ୍ତେଲେ ଡକୋଏନ୍ ।
They returned and prepared spices and ointments. On the Sabbath they rested according to the commandment.
