詩篇 33
1 正しき者よ、主によって喜べ、さんびは直き者にふさわしい。
Fatgo avu'ava'ma nehaza vahe'mota zagamera huta Ra Anumzamofona musena hunteho. Na'ankure fatgo avu'ava'ma nehia vahe'mo'ma Ra Anumzamofo agima erisgama haniana knare hugahie.
2 琴をもって主をさんびせよ、十弦の立琴をもって主をほめたたえよ。
Hapu zavena neheta zagamera huta Ra Anumzamofona agia erisga nehuta, 10ni'a strini nofi'ma me'nea zavenagu'ma laeriema nehaza zavena neheta zagamera huta musena hiho.
3 新しい歌を主にむかって歌い、喜びの声をあげて巧みに琴をかきならせ。
Kasefa zagame huta agia erisga hiho. Knarezantfa huta zavena neheta ranke huta agi'a erisga huta musena hiho.
4 主のみことばは直く、そのすべてのみわざは真実だからである。
Na'ankure Ra Anumzamofonkea tamage naneke me'neankino, nazano hugahuema hu'nea zantamina Agra ana maka nehie.
5 主は正義と公平とを愛される。地は主のいつくしみで満ちている。
Ra Anumzamo'a fatgo avu'avazane, mago zanke'ma huno maka zama refkohu avu'ava zanku'ene avenesigeno, ama mopafina Agri vagaore avesizamo avite'ne.
6 もろもろの天は主のみことばによって造られ、天の万軍は主の口の息によって造られた。
Ra Anumzamo'a ke higeno mona fore nehigeno, Agra ke higeno monafima me'nea hanafitamine zagene ikanena fore hu'ne.
7 主は海の水を水がめの中に集めるように集め、深い淵を倉におさめられた。
Agra, Ra Anumzamo hagerina repapa higeno magokepina umareno moriri huno marerigeno, tinkerifima tima afinteankna huno hagerina magokepi renatinte'ne.
8 全地は主を恐れ、世に住むすべての者は主を恐れかしこめ。
Maka ama mopafima mani'naza vahe'mo'za Ra Anumzamofonku korora hunte'za agoraga'a maniho. Maka ama mopafi vahe'mo'za Agrira kesga hu'za monora hunte'za agorga maniho.
9 主が仰せられると、そのようになり、命じられると、堅く立ったからである。
Na'ankure Agra ke nehigeno ama mopa fore hu'ne. Agra huno, efore huo huno higeno ama mopamo'a efore hu'no me'ne.
10 主はもろもろの国のはかりごとをむなしくし、もろもろの民の企てをくじかれる。
Ama mopafi vahe'mo'zama e'ina hugahune hu'zama antahintahima retro'ma haza antahintahia Ra Anumzamo'a zamahe savri nehuno, mika zama hugahune hu'zama kema anakiza zana eri haviza nehie.
11 主のはかりごとはとこしえに立ち、そのみこころの思いは世々に立つ。
Hianagi Ra Anumzamo'ma mago'zama hunaku'ma antahintahima retro'ma hu'nenia zamo'a mevava huno vugahie. Hugahue huno'ma hu'nenia zana Agra tamage huno fore'ma hu anante anante'ma hanigeno manino vania vahete'enena meno vugahie.
12 主をおのが神とする国はさいわいである。主がその嗣業として選ばれた民はさいわいである。
Ra Anumzanku'ma tagri Anumzane hu'zama hanaza vahe'mo'za muse nehinkeno, Nagri fenozane huno'ma eri santimahare'nea vahe'mo'za muse hiho.
13 主は天から見おろされ、すべての人の子らを見、
Monafinkatira Ra Anumzamo'a kefenka atreno ama mopafima mani'naza vahera maka nezamagie
14 そのおられる所から地に住むすべての人をながめられる。
Agrama nemania kumapintira kefenka ateno mika ama mopafima nemaniza vahera nezamage.
15 主はすべて彼らの心を造り、そのすべてのわざに心をとめられる。
Agra vahe'mofo tumora trohunte'neankino, maka zama hu'na zana antahino keno nehie.
16 王はその軍勢の多きによって救を得ない。勇士はその力の大いなるによって助けを得ない。
Hankavenentake sondia vahetmimo'za kini nera agura ovazi'nageno, harafa sondia ne'mo'a agra'a hanave'aretira kini nera agura ovazigahie
17 馬は勝利に頼みとならない。その大いなる力も人を助けることはできない。
Hosi afu'mo'za naza hanage'na hara agateregahue hunka amuhara osuo. Na'ankure hosi afu'mofo hankavemo'a kaza huno kagura ovazigahie.
18 見よ、主の目は主を恐れる者の上にあり、そのいつくしみを望む者の上にある。
Hianagi Ra Anumzamo'a Agriku'ma koro'ma hu'za agoraga'ama nemani'za, vagaore avesizama'mofonte'ma amuha'ma nehaza vahete avua anteno nege.
19 これは主が彼らの魂を死から救い、ききんの時にも生きながらえさせるためである。
Agra frizampintira zamagu'nevazino agatonto knafina zamatrege'za ne'zankura nofrize.
20 われらの魂は主を待ち望む。主はわれらの助け、われらの盾である。
Ra Anumzamofonku tagra avega anteta manineta amuhara nehunankino, Agrake'za hankotia mani'neankino, taza hugahie.
21 われらは主の聖なるみ名に信頼するがゆえに、われらの心は主にあって喜ぶ。
Agriku tagu'amo'a musena nehie, na'ankure tagra, Agri ruotge agifi tamentintia nehune.
22 主よ、われらが待ち望むように、あなたのいつくしみをわれらの上にたれてください。
Ra Anumzamoka kagripi amuha zantia me'neanki, vagaore kavesi'zanteti maka knafina kegava hunka refiteranto.
