< Afisawa. 4 >
1 Barki anime mi sa a korson barki ni zaa ni Ugomo Asere, inyara shi iwuzi tanu me sa tawuna rep nan u titta wa Asere sa ma litta shi.
2 Cukunoni sheew, nan u tuzo ace wanmu riba mu runta, i hem wa cece.
3 Ini kara nishi inkonee upata cee me sa bibee ba muta shi biti cukum ti maan.
4 Ni pum ni inde, nan bibee bi inde u inko iriba i inde a hira ade sa a litta shi barki me.
5 Ugomo Asere a inde, u heem u inde u zoro u inde.
6 Asere inde nan acoo u vat, dee memani Asesere u vat nan Asesere uvat nan anyumo uvati.
7 A nya kondevii katuma rep nan katuma kirsti.
8 Ka si ubuka uti zee ta Asere, sa ma nyene Asesere, ma zika ande sa ma zika nan mee, ma nya wee katuma sassas.
9 Nyanini abasa in, “ma nyenee” a adizi.
10 Unu me sa maa tuu memani maa nyene pii Asesere, bati ma myenca vat ti mum.
11 Kirsti maa nya katuma kasi ana, ana ka dura, anu kirzuzo uyi zee, anu boo utize ta Asesere anu dungara nan anu bezizi utize taAsesere.
12 Batu wa bari ande sa wa zin katuma kasere, wa suu ni pum ni kirsti.
13 See ta kabiki u pata cee uheem nan wan urusa uvana Asere nan vat una u kirsti.
14 Izi ani me kati i ri aje kasi a hana nan an de sa azinu harsa uwe muriba unu bezizi u sassas, a rangizi we a cari wen.
15 Ti da cukunon duru anu boo ukadura a nyimo uhem nan anu u hana an de sa ma ra ana aza a Yesu.
16 A hira an de sa a pata anu kaba u tize ta Asere nan ande sa wa bari a cece anyimo u hem.
17 In boo shi kati i wuzi ti cukun kasi anu zatu u rusa Asere ana mu riba mu zezen.
18 Barki u ge be sa Yesu ma nya we uge sa Asere a nyinza, mu riba mu weme ma myenca in maree, barki u zatu urusa sa ura ace a we me.
19 Wa in ko mu riba u wuza imum ima dini nan nu dira umu ieh.
20 In ka ya zika iri imum kasi i Yesu, kati icukuno kasi me ba.
21 Ana sa ya kuna a banga a Yesu kasi sa ma boo shi, irusa una umeme u riri sa idi cukuno ni.
22 Yesu magu iceki ti cukum ti ge be sa a nya shi i ciki kasi mukizi mu ge sa ma wicizo ya zinu ranga very ace ashi ini mum be sa i nyara.
23 Bati ucukuno usso a bibe bi riba i we me.
24 Iziki tanu tu su ti ge sa ta wuna reb nan ta Asere, wan ti cukuno be huma sa idi iri.
25 Barki ani me cekini macico, i boo ni acece kadure.
26 Kati i hem u cornome u riba mu shi me u eh shi unn caran, kati u corno me iriba u biki uwijoro.
27 Kati i nya bibe bibur masaa.
28 Ukari be ma ceki nikari ca ukari ma nyari imum sa madi benki de sa ma dira.
29 Tize sa tidi suri a nyimo a shi me ca ti cukunon ti ge sa tidi benki shi kati a kuna shi inzin ti zezen a nyimo a shi me.
30 Kati i cari i cari bibe biriri ba Asere iriba, barki sa bine bini ma saa ma Asere ahira aru ronu bura uru.
31 Cekini me riba mu biti, nan nu cara iriba wa nu curzuno me umuriba.
32 I wuzi a cece imum iririn, i kura ugogoni wa cece, i versee u puzo sa ti wuza acece kasi Asere in Yesu.
