Salmi 97

1 IL Signore regna: gioisca la terra; Rallegrinsi le grandi isole.

Se Seyè a ki wa! Se pou tout moun ki sou latè fè kè yo kontan! Se pou moun ki nan tout zile yo fè fèt!

2 Nuvola e caligine [sono] d'intorno a lui; Giustizia e giudicio [sono] il fermo sostegno del suo trono.

Li nan mitan yon gwo nwaj tou nwa. L'ap gouvènen tout bagay avèk jistis, san patipri.

3 Fuoco va davanti a lui, E divampa i suoi nemici d'ogn'intorno.

Yon dife ap mache devan li. L'ap boule lènmi l' yo tout kote l' pase.

4 I suoi folgori alluminano il mondo; La terra [l]'ha veduto, ed ha tremato.

Kout zèklè li yo klere toupatou. Moun ki sou latè wè sa, yo pran tranble.

5 I monti si struggono come cera per la presenza del Signore, Per la presenza del Signor di tutta la terra.

Ti mòn yo fonn tankou lasi devan Seyè a, wi, yo fonn devan chèf tout latè a.

6 I cieli predicano la sua giustizia, E tutti i popoli veggono la sua gloria.

Syèl la fè konnen jan Bondye pa nan patipri, tout pèp yo wè pouvwa li.

7 Tutti quelli che servono alle sculture, Che si gloriano negl'idoli, sien confusi, adoratelo, dii tutti.

Tout moun k'ap sèvi zidòl yo, yo tout k'ap fè grandizè pou bagay ki pa vo anyen, yo tout gen pou yo wont. Tout bondye yo bese tèt devan li.

8 Sion [l]'ha udito, e se [n'è] rallegrata; E le figliuole di Giuda hanno festeggiato Per li tuoi giudicii, o Signore.

Pèp peyi Siyon an tande sa, li kontan. Tout lavil peyi Jida yo fè fèt pou jan ou jije moun, Seyè!

9 Perciocchè tu [sei] il Signore, l'Eccelso sopra tutta la terra; Tu sei grandemente innalzato sopra tutti gl'iddii.

Seyè ki gen tout pouvwa, se ou menm ki sèl chèf sou tout latè, W'ap dominen sou tout bondye yo.

10 [Voi] che amate il Signore, odiate il male; Egli guarda le anime de' suoi santi; [E] le riscuote di man degli empi.

Seyè a renmen moun ki rayi sa ki mal. Li pwoteje lavi pèp li a, li delivre yo anba men mechan yo.

11 La luce [è] seminata al giusto; E l'allegrezza a quelli che son diritti di cuore.

Limyè Bondye klere moun ki mache dwat devan li. Moun ki fe sa ki byen, l'ap fè kè yo kontan.

12 Rallegratevi, o giusti, nel Signore; E celebrate la memoria della sua santità.

Nou tout ki mache dwat devan Bondye, fè kè nou kontan pou sa Seyè a fè pou nou. Di l' mèsi! Li pa tankou tout moun.