Dagiti Salmo 99

1 Agar-ari ni Yahweh, agpigerger koma dagiti nasion. Agtugtugaw isuna iti tronona iti ngatoen ti kerubim; ken agginggined ti daga.

Yahweh reigns; let the nations tremble. He sits enthroned above the cherubim; the earth quakes.

2 Naindaklan ni Yahweh idiay Sion; maitagtag-ay isuna kadagiti amin a nasion.

Yahweh is great in Zion; he is exalted above all the nations.

3 Idaydayawda koma ti naindaklan ken natan-ok a nagganmo; nasantoan isuna.

Let them praise your great and awesome name; he is holy.

4 Nabileg ti ari, ken ay-ayatena ti hustisia. Inrugim ti awan panangidumduma; nangaramidka iti nalinteg a paglintegan kenni Jacob.

The king is strong, and he loves justice. You have established fairness; you have done righteousness and justice in Jacob.

5 Idaydayawyo ni Yahweh a Diostayo ken agrukbabkayo iti sakaananna. Nasantoan isuna.

Praise Yahweh our God and worship at his footstool. He is holy.

6 Da Moises ken Aaron ket maysada kadagiti papadina, ken ni Samuel ket maysa kadagiti nagkararag kenkuana. Nagkararagda kenni Yahweh ket sinungbatanna ida.

Moses and Aaron were among his priests, and Samuel was among those who called on his name. They called to Yahweh, and he answered them.

7 Kinasaritana ida manipud iti adigi ti ulep. Sinalimetmetanda dagiti pammaneknekna ken alagaden nga intedna kadakuada.

He spoke to them from the pillar of cloud. They kept his solemn commands and the statutes that he gave them.

8 Sinungbatam ida, O Yahweh a Diosmi. Sika ti Dios a nangpakawan kadakuada, uray no dinusam dagiti basbasolda.

You answered them, Yahweh our God. A forgiving God you were to them, but one who punished their sinful deeds.

9 Idaydayawyo ni Yahweh a Diostayo, ken agrukbabkayo idiay nasantoan a turodna, ta nasantoan ni Yahweh a Diostayo.

Praise Yahweh our God, and worship at his holy hill, for Yahweh our God is holy.