Dagiti Salmo 99

1 Agar-ari ni Yahweh, agpigerger koma dagiti nasion. Agtugtugaw isuna iti tronona iti ngatoen ti kerubim; ken agginggined ti daga.

The LORD reigneth, let the nations tremble! He sitteth between the cherubs, let the earth quake!

2 Naindaklan ni Yahweh idiay Sion; maitagtag-ay isuna kadagiti amin a nasion.

Great is the LORD upon Zion; He is exalted over all the nations.

3 Idaydayawda koma ti naindaklan ken natan-ok a nagganmo; nasantoan isuna.

Let men praise thy great and terrible name! It is holy.

4 Nabileg ti ari, ken ay-ayatena ti hustisia. Inrugim ti awan panangidumduma; nangaramidka iti nalinteg a paglintegan kenni Jacob.

Let them declare the glory of the King who loveth justice! Thou hast established equity; Thou dost execute justice in Jacob!

5 Idaydayawyo ni Yahweh a Diostayo ken agrukbabkayo iti sakaananna. Nasantoan isuna.

Exalt ye Jehovah, our God, And bow yourselves down at his footstool! He is holy.

6 Da Moises ken Aaron ket maysada kadagiti papadina, ken ni Samuel ket maysa kadagiti nagkararag kenkuana. Nagkararagda kenni Yahweh ket sinungbatanna ida.

Moses and Aaron, with his priests, And Samuel, who called upon his name, —They called upon the LORD, and he answered them.

7 Kinasaritana ida manipud iti adigi ti ulep. Sinalimetmetanda dagiti pammaneknekna ken alagaden nga intedna kadakuada.

He spake to them in the cloudy pillar; They kept his commandments, And the ordinances which he gave them.

8 Sinungbatam ida, O Yahweh a Diosmi. Sika ti Dios a nangpakawan kadakuada, uray no dinusam dagiti basbasolda.

Thou, O LORD, our God! didst answer them; Thou wast to them a forgiving God, Though thou didst punish their transgressions!

9 Idaydayawyo ni Yahweh a Diostayo, ken agrukbabkayo idiay nasantoan a turodna, ta nasantoan ni Yahweh a Diostayo.

Exalt the LORD, our God. And worship at his holy mountain! For the LORD, our God, is holy.