Dagiti Salmo 99

1 Agar-ari ni Yahweh, agpigerger koma dagiti nasion. Agtugtugaw isuna iti tronona iti ngatoen ti kerubim; ken agginggined ti daga.

The LORD reigneth; let the peoples tremble; He is enthroned upon the cherubim; let the earth quake.

2 Naindaklan ni Yahweh idiay Sion; maitagtag-ay isuna kadagiti amin a nasion.

The LORD is great in Zion; and He is high above all the peoples.

3 Idaydayawda koma ti naindaklan ken natan-ok a nagganmo; nasantoan isuna.

Let them praise Thy name as great and awful; Holy is He.

4 Nabileg ti ari, ken ay-ayatena ti hustisia. Inrugim ti awan panangidumduma; nangaramidka iti nalinteg a paglintegan kenni Jacob.

The strength also of the king who loveth justice — Thou hast established equity, Thou hast executed justice and righteousness in Jacob.

5 Idaydayawyo ni Yahweh a Diostayo ken agrukbabkayo iti sakaananna. Nasantoan isuna.

Exalt ye the LORD our God, and prostrate yourselves at His footstool; Holy is He.

6 Da Moises ken Aaron ket maysada kadagiti papadina, ken ni Samuel ket maysa kadagiti nagkararag kenkuana. Nagkararagda kenni Yahweh ket sinungbatanna ida.

Moses and Aaron among His priests, and Samuel among them that call upon His name, did call upon the LORD, and He answered them.

7 Kinasaritana ida manipud iti adigi ti ulep. Sinalimetmetanda dagiti pammaneknekna ken alagaden nga intedna kadakuada.

He spoke unto them in the pillar of cloud; they kept His testimonies, and the statute that He gave them.

8 Sinungbatam ida, O Yahweh a Diosmi. Sika ti Dios a nangpakawan kadakuada, uray no dinusam dagiti basbasolda.

O LORD our God, Thou didst answer them; a forgiving God wast Thou unto them, though Thou tookest vengeance of their misdeeds.

9 Idaydayawyo ni Yahweh a Diostayo, ken agrukbabkayo idiay nasantoan a turodna, ta nasantoan ni Yahweh a Diostayo.

Exalt ye the LORD our God, and worship at His holy hill; for the LORD our God is holy.