Dagiti Salmo 97

1 Agari ni Yahweh; agrag-o koma ti daga; agragsak koma dagiti adu nga isla.

主は王となられた。地は楽しみ、海に沿った多くの国々は喜べ。

2 Palpalikmutan isuna dagiti ulep ken kinasipnget. Ti kinalinteg ken hustisia ti pundasion ti tronona.

雲と暗やみとはそのまわりにあり、義と正とはそのみくらの基である。

3 Mapan ti apuy iti sangoananna ket uramenna dagiti kabusorna iti amin a sikigan.

火はそのみ前に行き、そのまわりのあだを焼きつくす。

4 Silsilawan ti kimatna ti lubong; makitkita ti daga ken agpigpigerger.

主のいなずまは世界を照し、地は見ておののく。

5 Marunaw dagiti banbantay a kasla allid iti sangoanan ni Yahweh, ti Apo ti entero a daga.

もろもろの山は主のみ前に、全地の主のみ前に、ろうのように溶けた。

6 Ipakpakdaar ti tangatang ti hustisiana, ken makitkita ti amin a nasion ti dayagna.

もろもろの天はその義をあらわし、よろずの民はその栄光を見た。

7 Maibabainto dagiti amin nga agdaydayaw kadagiti nakitikitan nga imahen, dagiti mangipanpannakel kadagiti awan serserbina a didiosen—agrukbabkayo kenkuana, dakayo amin a didiosen!

すべて刻んだ像を拝む者、むなしい偶像をもってみずから誇る者ははずかしめをうける。もろもろの神は主のみ前にひれ伏す。

8 Nangngeg ti Sion ket naragsakan, ken nagrag-o dagiti ili ti Juda gapu kadagiti nalinteg a pangngeddengmo, O Yahweh.

主よ、あなたのさばきのゆえに、シオンは聞いて喜び、ユダの娘たちは楽しむ。

9 Ta sika, O Yahweh, ti kangangatoan iti entero a daga. Sika ti maitag-ay kadagiti amin a dios.

主よ、あなたは全地の上にいまして、いと高く、もろもろの神にまさって大いにあがめられます。

10 Dakayo a mangay-ayat kenni Yahweh, guraenyo ti dakes! Salsalaknibanna dagiti biag dagiti sasantona, ken ispalenna ida manipud iti ima dagiti nadangkes.

主は悪を憎む者を愛し、その聖徒のいのちを守り、これを悪しき者の手から助け出される。

11 Naimula ti silaw a para kadagiti nalinteg ken kinaragsak para kadagiti addaan iti napudno a puso.

光は正しい人のために現れ、喜びは心の正しい者のためにあらわれる。

12 Agragsakkayo gapu iti naaramidan ni Yahweh, dakayo a nalinteg; ken agyamankayo iti nasantoan a naganna.

正しき人よ、主によって喜べ、その聖なるみ名に感謝せよ。