Dagiti Salmo 64
1 O Dios, denggem ti timekko, denggem daytoy ararawko; annadam daytoy biagko iti panagbutengko kadagiti kabusorko.
For the choirmaster. A Psalm of David. Hear, O God, my voice of complaint; preserve my life from dread of the enemy.
2 Ilimmengnak iti nalimed a panagplano dagiti managdakdakes, manipud iti ringgor dagiti managbasol.
Hide me from the scheming of the wicked, from the mob of workers of iniquity,
3 Pinatademda dagiti dilada a kasla kampilan; dagiti napapait a sasaoda, kasla pana nga imbiatda
who sharpen their tongues like swords and aim their bitter words like arrows,
4 tapno mapanada ti awan basbasolna manipud iti nalimed a lugar; kellaat a panaenda isuna ket awan pagbutnganda.
ambushing the innocent in seclusion, shooting suddenly, without fear.
5 Allukoyenda dagiti babbagida iti dakes a panggep; agtutulagda iti nalimed tapno mangisagana kadagiti palab-og; kunada, “Siasino ngay ti makakita kadatayo?”
They hold fast to their evil purpose; they speak of hiding their snares. “Who will see them?” they say.
6 Agaramidda kadagiti dakes a panggep; “Nalpastayon,” kunada, “ti naannad a plano.” Nauneg ti kaunggan a panunot ken puso ti tao.
They devise injustice and say, “We have perfected a secret plan.” For the inner man and the heart are mysterious.
7 Ngem panaen ida ti Dios; ket kellaat a masugatanda babaen kadagiti panana.
But God will shoot them with arrows; suddenly they will be wounded.
8 Maitibkoldanto, agsipud ta maibusor kadakuada dagiti dilada; agwingiwingto amin dagiti makakita kadakuada.
They will be made to stumble, their own tongues turned against them. All who see will shake their heads.
9 Agbutengto dagiti amin a tattao ket ipadamagdanto dagiti inaramid ti Dios. Sisisiribdanto a mangpanunot iti inaramidna.
Then all mankind will fear and proclaim the work of God; so they will ponder what He has done.
10 Agragsakto dagiti nalinteg gapu iti inaramid ni Yahweh ken agkamangdanto kenkuana; amin dagiti naimbag, ipannakkeldanto isuna.
Let the righteous rejoice in the LORD and take refuge in Him; let all the upright in heart exult.
