Dagiti Salmo 63

1 O Dios, sika iti Diosko! Sipapasnekak a mangsapsapul kenka, kawawnaka ti kararuak, ken tarigagayannaka ti lasagko, iti namaga ken iti natikag a daga nga awan ti danumna.

A Psalm of David, when he was in the wilderness of Judah. O God, Thou art my God, earnestly will I seek Thee; my soul thirsteth for Thee, my flesh longeth for Thee, in a dry and weary land, where no water is.

2 Isu a kinitaka iti santuariom tapno kitaek ti pannakabalin ken dayagmo.

So have I looked for Thee in the sanctuary, to see Thy power and Thy glory.

3 Gapu ta iti kinapudnom iti tulagmo ket nasaysayaat ngem iti biag, idaydayawnaka dagiti bibigko.

For Thy lovingkindness is better than life; my lips shall praise Thee.

4 Agyamanakto kenka bayat nga agbibiagak; itag-aykonto dagiti imak iti panagkararagko.

So will I bless Thee as long as I live; in Thy name will I lift up my hands.

5 Kaslaak la nangan iti pata ken taba; idaydayawnaka iti ngiwatko nga addaan ragsak dagiti bibigko.

My soul is satisfied as with marrow and fatness; and my mouth doth praise Thee with joyful lips;

6 No panpanunotenka iti iddak ken ut-utobenka iti agpatpatnag.

When I remember Thee upon my couch, and meditate on Thee in the night-watches.

7 Ta nagbalinka a katulongak, ken agkantaak a siraragsak iti salinong dagiti payyakmo.

For Thou hast been my help, and in the shadow of Thy wings do I rejoice.

8 Kumpetak kenka; sarsarapaennak ti makannawan nga imam.

My soul cleaveth unto Thee; Thy right hand holdeth me fast.

9 Ngem maipababanto iti kababaan a paset ti daga dagiti agpanggep a mangdadael iti biagko.

But those that seek my soul, to destroy it, shall go into the nethermost parts of the earth.

10 Maipaimadanto iti pannakabalin ti kampilan, ken agbalindanto a taraon dagiti narungsot nga aso.

They shall be hurled to the power of the sword; they shall be a portion for foxes.

11 Ngem agrag-o ti ari gapu iti inaramid ti Dios; ipannakkelto isuna dagiti amin nga agkarkari kenkuana, ngem mapasardeng dagiti ngiwat dagiti agul-ulbod.

But the king shall rejoice in God; every one that sweareth by Him shall glory; for the mouth of them that speak lies shall be stopped.