Dagiti Salmo 61

1 O Dios, denggem ti asugko ken ipangagmo ti kararagko.

Hear my cry, O God. Attend to my prayer.

2 Umawagak kenka manipud iti pagpatingaan ti daga no madagdagsenan ti pusok; iturongnak iti bato a nangatngato ngem siak.

From the end of the earth I will call to thee when my heart is overwhelmed. Lead me to the rock that is higher than I.

3 Ta sika ti salaknibko, natibker a torre manipud kadagiti kabusor.

For thou have been a refuge for me, a strong tower from the enemy.

4 Agnanayonto nga agtalinaedak iti tabernakulom; agkamangak iti salukob dagiti payyakmo. (Selah)

I will dwell in thy tabernacle forever. I will take refuge in the covert of thy wings. (Selah)

5 Ta nangngegmo O Dios dagiti sapatak; intedmo kaniak iti tawid nga ipaaymo koma kadagidiay a mangpadayaw iti naganmo.

For thou, O God, have heard my vows. Thou have given me the heritage of those who fear thy name.

6 Paatiddogem ti biag ti ari, agbalinto a kas kapaut dagiti henerasion ti tawenna.

Thou will prolong the king's life. His years shall be as many generations.

7 Agnanayonto nga agtalinaed isuna iti sangoanan ti Dios.

He shall abide before God forever. O prepare loving kindness and truth that they may preserve him.

8 Agnanayonto nga agkantaak iti pagdayaw iti naganmo tapno inaldaw a maaramidko dagiti sapatak.

So I will sing praise to thy name forever, that I may daily perform my vows.