Dagiti Salmo 6

1 O Yahweh, saannak a tubtubngaren iti ungetmo wenno dusdusaen iti pungtotmo.

O LORD, rebuke me not in your anger, neither chasten me in your hot displeasure.

2 Kaasiannak, O Yahweh, ta nakapuyak; agasannak, O Yahweh, ta agkutkutukot dagiti tulangko.

Have mercy on me, O LORD; for I am weak: O LORD, heal me; for my bones are vexed.

3 Mariribukan pay unay ti kararuak. Ngem sika, O Yahweh - aginggana kaano nga agtultuloy daytoy?

My soul is also sore vexed: but you, O LORD, how long?

4 Agsublika, O Yahweh! Ispalennak. Isalakannak gapu iti kinapudnom iti tulagmo!

Return, O LORD, deliver my soul: oh save me for your mercies’ sake.

5 Ta iti patay, awan pakalaglagipan kenka. Idiay sheol, siasino ti agyamanto kenka? (Sheol h7585)

For in death there is no remembrance of you: in the grave who shall give you thanks? (Sheol h7585)

6 Agkakapsutak iti panagasugko. Agpatpatnag a maslep ti pagiddaak kadagiti luluak; basbasaek ti punganko kadagiti luluak.

I am weary with my groaning; all the night make I my bed to swim; I water my couch with my tears.

7 Limmidem dagiti matak gapu iti ladingit; agkapuydan gapu kadagiti amin a kabusorko.

My eye is consumed because of grief; it waxes old because of all my enemies.

8 Adaywandak, dakayo amin nga agar-aramid iti kinadakes; ta nangngeg ni Yahweh ti timek ti panagsangitko.

Depart from me, all you workers of iniquity; for the LORD has heard the voice of my weeping.

9 Nangngeg ni Yahweh ti panagkiddawko iti kaasi; inawat ni Yahweh ti kararagko.

The LORD has heard my supplication; the LORD will receive my prayer.

10 Mabainanto dagiti amin a kabusorko ken mariribukandanto iti kasta unay. Agsanuddanto ket dagusda a mapabainan.

Let all my enemies be ashamed and sore vexed: let them return and be ashamed suddenly.