Dagiti Salmo 54

1 Isalakannak, O Dios, babaen iti naganmo ket usigennak iti pannakabalinmo,

2 Denggem ti kararagko, O Dios; denggem dagiti sao ti ngiwatko.

3 Ta darupendak dagiti natangsit a tattao, ken sinapul dagiti awanan asi a tattao ti biagko; saanda nga impangag ti Dios iti sangoananda. (Selah)

4 Kitaem, ti Dios ti katulongak, ti Apo ti mangsaranay kaniak.

5 Supapakannanto ti dakes dagiti kabusorko; babaen iti kinapudnom, dadaelem ida!

6 Siraragsakakto a mangipaay iti datonko kenka; agyamanakto iti naganmo, O Yahweh, ta naimbagka.

7 Ta inispalnak kadagiti amin a parikutko; nakitak ti balligi kadagiti kabusorko.