Dagiti Salmo 47

1 Dakayo amin a tattao, ipalakpakyo dagiti imayo; ipukkawyo iti Dios ti timek ti balligi.

“To the chief musician, a psalm for the sons of Korach.” All ye people, clap your hands; shout unto God with the voice of triumph.

2 Ta ni Yahweh a Kangangatoan ket nakaam-mak; naindaklan isuna nga Ari iti entero a daga.

For the Lord is most high, fear-inspiring; he is a great king over all the earth.

3 Parukmaenna dagiti tattao iti babaentayo ken dagiti nasion iti sirok ti sakatayo.

He will subdue people under us, and nations under our feet.

4 Pinilina ti tawidentayo, ti dayaw ni Jacob nga inayatna. (Selah)

He will choose for us our inheritance, the excellency of Jacob which he loveth. (Selah)

5 Nagpangato ti Dios a nabuyogan iti pukkaw, nagpangato ni Yahweh a napakuyogan iti uni ti trumpeta.

God ascendeth amid a triumphal shout, the Lord, amid the sound of the cornet.

6 Agkantatayo kadagiti pammadayaw para iti Dios, kantaentayo dagiti pammadayaw, kantaentayo dagiti pammadayaw para iti Aritayo. Kantaentayo dagiti pammadayaw.

Sing praises to God, sing praises: sing praises unto our King, sing praises.

7 Ta ti Dios ti Ari iti entero a daga; kantaentayo dagiti pammadayaw nga addaan pannakaawat.

For God is King of all the earth: sing ye praises with understanding.

8 Agari ti Dios kadagiti nasion; agtugtugaw iti nasantoan a tronona.

God reigneth over the nations; God sitteth upon his holy throne.

9 Dagiti prinsipe iti amin a tattao ket naummongda a kadua dagiti tattao ti Dios ni Abraham; ta ti salaknib ti lubong ket kukua ti Dios; maitan-ok isuna iti kasta unay.

The nobles of the people are gathered together, [to be with] the people of the God of Abraham; for unto God belong the shields of the earth: he is greatly exalted.