Dagiti Salmo 46

1 Ti Dios iti kamang ken pigsatayo, sisasagana a tumulong iti nariribuk a tiempo.

To the chief Musician. Of the sons of Korah. On Alamoth. A song. God is our refuge and strength, a help in distresses, very readily found.

2 Saantayo ngarud nga agbuteng, uray no agbaliw ti daga, uray no aggun-gon dagiti bantay ken margaay iti kaunggan a paset ti baybay,

Therefore will we not fear though the earth be removed, and though the mountains be carried into the heart of the seas;

3 uray no agdaranudor ken nadawel ti danumna, ken uray agpigerger dagiti bantay gapu iti dadakkel a dalluyonna. (Selah)

Though the waters thereof roar [and] foam, though the mountains shake with the swelling thereof. (Selah)

4 Adda maysa a karayan, ti agay-ayus a mangparparagsak iti siudad ti Dios, ti nasantoan a disso dagiti tabernakulo ti Kangangatoan.

There is a river the streams whereof make glad the city of God, the sanctuary of the habitations of the Most High.

5 Adda iti tengngana ti Dios; saanto a magaraw isuna; tulunganto isuna ti Dios, ket aramidenna daytoy iti parbangon.

God is in the midst of her; she shall not be moved: God shall help her at the dawn of the morning.

6 Nagpungtot dagiti nasion ken dagiti pagarian ket nagun-gon; pinigsaanna ti timekna ket narunaw ti daga.

The nations raged, the kingdoms were moved; he uttered his voice, the earth melted.

7 Kaduatayo ni Yahweh a mannakabalin amin; ti Dios ni Jacob ti kamangtayo. (Selah)

Jehovah of hosts is with us; the God of Jacob is our high fortress. (Selah)

8 Umaykayo, kitaenyo dagiti aramid ni Yahweh, ti panangdadaelna iti daga.

Come, behold the works of Jehovah, what desolations he hath made in the earth:

9 Pagsardengenna dagiti gubat iti entero a daga; tuktukkolenna ti bai ti pana ken dagiti gayang; pupuoranna dagiti kalasag.

He hath made wars to cease unto the end of the earth; he breaketh the bow, and cutteth the spear in sunder; he burneth the chariots in the fire.

10 Agulemekkayo ket bigbigenyo a siak ti Dios; maitan-okakto kadagiti nasion; maitan-okakto iti rabaw ti daga.

Be still, and know that I am God: I will be exalted among the nations, I will be exalted in the earth.

11 Kaduatayo ni Yahweh a mannakabalin amin; ti Dios ni Jacob ti kamangtayo. (Selah)

Jehovah of hosts is with us; the God of Jacob is our high fortress. (Selah)