Dagiti Salmo 3
1 O Yahweh, anian a nagadu dagiti kabusorko! Adu ti timmallikud ken nangraut kaniak.
Lord, how are they increased that trouble me! many are they that rise up against me.
2 Adu dagiti mangibagbaga maipanggep kaniak, “Awan ti tulong a maipaay kenkuana manipud iti Dios.” (Selah)
Many there be which say of my soul, There is no help for him in God. (Selah)
3 Ngem sika, O Yahweh, ket kalasag iti aglawlawko, dayagko, ken mangparparegta kaniak.
But you, O LORD, are a shield for me; my glory, and the lifter up of mine head.
4 Umawagak kenni Yahweh, ket sungbatannak manipud iti nasantoan a turodna. (Selah)
I cried unto the LORD with my voice, and he heard me out of his holy hill. (Selah)
5 Nagiddaak ket nakaturogak; nagriingak, ta silanaknibannak ni Yahweh.
I laid me down and slept; I awaked; for the LORD sustained me.
6 Saanak nga agbuteng kadagiti rineprep a tattao iti aglawlawko a bumusor kaniak.
I will not be afraid of ten thousands of people, that have set themselves against me round about.
7 Bumangonka, O Yahweh! Isalakannak, Diosko! Ta kabilem dagiti amin a kabusorko kadagiti pangada; pusiem dagiti ngipen dagiti nadangkes.
Arise, O LORD; save me, O my God: for you have smitten all mine enemies upon the cheek bone; you have broken the teeth of the ungodly.
8 Aggapu kenni Yahweh ti pannakaisalakan. Adda koma kadagiti tattaom ti bendisionmo. (Selah)
Salvation belongs unto the LORD: your blessing is upon your people. (Selah)
