Dagiti Salmo 29

1 Bigbigenyo a ni Yahweh - dakayo nga annak ti nabileg - bigbigenyo nga addaan ni Yahweh iti dayag ken pannakabalin!

A Psalm of David. Give to the LORD, O ye mighty, give to the LORD glory and strength.

2 Itedyo kenni Yahweh ti dayaw a maikari iti naganna; idaydayawyo ni Yahweh iti kawes a mayannatup iti kinasantona.

Give to the LORD, the glory due to his name; worship the LORD in the beauty of holiness.

3 Mangngeg ti timek ni Yahweh iti rabaw dagiti dandanum; aggurruod ti dayag ti Dios, aggurruod ni Yahweh iti rabaw dagiti adu a danum.

The voice of the LORD [is] upon the waters: the God of glory thundereth: the LORD [is] upon many waters.

4 Mannakabalin ti timek ni Yahweh; naindaklan ti timek ni Yahweh.

The voice of the LORD [is] powerful; the voice of the LORD [is] full of majesty.

5 Tukkolen ti timek ni Yahweh dagiti sedro; Tukku-tukkolen ni Yahweh dagiti sedro ti Libano.

The voice of the LORD breaketh the cedars; yes, the LORD breaketh the cedars of Lebanon.

6 Paglagtoenna ti Libano a kasla urbon a baka ken ti Hermon a kasla urbon a toro.

He maketh them also to skip like a calf; Lebanon and Sirion like a young unicorn.

7 Dumarup ti timek ni Yahweh a mapakuyogan iti gumilgil-ayab nga apuy.

The voice of the LORD divideth the flames of fire.

8 Gun-gunen ti timek ni Yahweh ti let-ang; gun-gunen ni Yahweh ti let-ang ti Kades.

The voice of the LORD shaketh the wilderness; the LORD shaketh the wilderness of Kadesh.

9 Pagsikalen ti timek ni Yahweh ti kabaian nga ugsa; labusanna dagiti kakaykaywan; ngem iti templona kuna ti tunggal maysa, “Nadayag ti Dios!”

The voice of the LORD maketh the hinds to calve, and maketh bare the forests: and in his temple doth every one speak of [his] glory.

10 Agturay ni Yahweh a kas ari iti layus; agturay ni Yahweh a kas ari iti agnanayon.

The LORD sitteth upon the flood; yes, the LORD sitteth king for ever.

11 Mangmangted ni Yahweh iti pigsa kadagiti tattaona; benbendisionan ni Yahweh dagiti tattaona iti kapia.

The LORD will give strength to his people; the LORD will bless his people with peace.