Dagiti Salmo 29

1 Bigbigenyo a ni Yahweh - dakayo nga annak ti nabileg - bigbigenyo nga addaan ni Yahweh iti dayag ken pannakabalin!

[A Psalm by David.] Ascribe to the LORD, you sons of the mighty, ascribe to the LORD glory and strength.

2 Itedyo kenni Yahweh ti dayaw a maikari iti naganna; idaydayawyo ni Yahweh iti kawes a mayannatup iti kinasantona.

Ascribe to the LORD the glory due to his name. Worship the LORD in holy array.

3 Mangngeg ti timek ni Yahweh iti rabaw dagiti dandanum; aggurruod ti dayag ti Dios, aggurruod ni Yahweh iti rabaw dagiti adu a danum.

The voice of the LORD is on the waters. The God of glory thunders, even the LORD on many waters.

4 Mannakabalin ti timek ni Yahweh; naindaklan ti timek ni Yahweh.

The voice of the LORD is powerful. The voice of the LORD is full of majesty.

5 Tukkolen ti timek ni Yahweh dagiti sedro; Tukku-tukkolen ni Yahweh dagiti sedro ti Libano.

The voice of the LORD breaks the cedars. Yes, the LORD breaks in pieces the cedars of Lebanon.

6 Paglagtoenna ti Libano a kasla urbon a baka ken ti Hermon a kasla urbon a toro.

He makes them also to skip like a calf; Lebanon and Sirion like a young, wild ox.

7 Dumarup ti timek ni Yahweh a mapakuyogan iti gumilgil-ayab nga apuy.

The voice of the LORD strikes with flashes of lightning.

8 Gun-gunen ti timek ni Yahweh ti let-ang; gun-gunen ni Yahweh ti let-ang ti Kades.

The voice of the LORD shakes the wilderness. The LORD shakes the wilderness of Kadesh.

9 Pagsikalen ti timek ni Yahweh ti kabaian nga ugsa; labusanna dagiti kakaykaywan; ngem iti templona kuna ti tunggal maysa, “Nadayag ti Dios!”

The voice of the LORD makes the large trees tremble, and strips the forests bare. In his temple everything says, "Glory."

10 Agturay ni Yahweh a kas ari iti layus; agturay ni Yahweh a kas ari iti agnanayon.

The LORD sat enthroned at the Flood. Yes, the LORD sits as King forever.

11 Mangmangted ni Yahweh iti pigsa kadagiti tattaona; benbendisionan ni Yahweh dagiti tattaona iti kapia.

The LORD will give strength to his people. The LORD will bless his people with peace.