Dagiti Salmo 25
1 Kenka, O Yahweh itag-ayko ti biagko!
[A Psalm] of David. Unto thee, Jehovah, do I lift up my soul.
2 O Diosko, agtalekak kenka. Saanmo nga ipalubos a maibabainak; saanmo nga ipalubos nga agrag-o kaniak a sibaballigi dagiti kabusorko.
My God, I confide in thee; let me not be ashamed, let not mine enemies triumph over me.
3 Awan koma iti maibabain a mangnamnama kenka, maibabain koma dagiti agaramid iti panangliput nga awan gapuna.
Yea, none that wait on thee shall be ashamed: they shall be ashamed that deal treacherously without cause.
4 Ipakaammom kaniak dagiti daldalanmo, O Yahweh; isurom kaniak dagiti pagnaam.
Make me to know thy ways, O Jehovah; teach me thy paths.
5 Iturongnak iti kinapudnom ken isuronak, ta sika iti Dios ti pannakaisalakanko; ta mangnamnamaak kenka iti agmalmalem.
Make me to walk in thy truth, and teach me: for thou art the God of my salvation; on thee do I wait all the day.
6 Lagipem, O Yahweh, dagiti aramid ti kinamanangngaasim ken kinapudno ti tulagmo; ta agnanayon nga addada idin.
Remember, Jehovah, thy tender mercies and thy loving-kindnesses; for they are from everlasting.
7 Saanmo a panunoten dagiti basol iti kinaagtutubok wenno dagiti kinasukirko; Lagipennak iti kinapudno ti tulagmo gapu iti kinaimbagmo, O Yahweh!
Remember not the sins of my youth, nor my transgressions; according to thy loving-kindness remember thou me, for thy goodness' sake, Jehovah.
8 Ni Yahweh ket naimbag ken nalinteg; gapu iti dayta isurona ti dalan kadagiti managbasol.
Good and upright is Jehovah; therefore will he instruct sinners in the way:
9 Iturongna ti napakumbaba iti kinalinteg, ken isurona ti napakumbaba iti dalanna.
The meek will he guide in judgment, and the meek will he teach his way.
10 Amin dagiti dalan ni Yahweh ket naaramid manipud iti kinapudno ti tulag ken kinamatalek kadagiti mangsalsalimetmet iti katulaganna ken dagiti napasnek a bilbilinna.
All the paths of Jehovah are loving-kindness and truth for such as keep his covenant and his testimonies.
11 Gapu iti nagannmo, O Yahweh, pakawanem dagiti basolko, ta dakkel unay daytoy.
For thy name's sake, O Jehovah, thou wilt indeed pardon mine iniquity; for it is great.
12 Siasino a tao ti agbuteng kenni Yahweh? Isuro ti Apo kenkuana ti dalan a rumbengna a pilien.
What man is he that feareth Jehovah? him will he instruct in the way [that] he should choose.
13 Agtultuloyto ti biagna iti kinanam-ay; ken tawidento dagiti kaputotanna ti daga.
His soul shall dwell in prosperity, and his seed shall inherit the earth.
14 Ti pannakigayyem ni Yahweh ket para kadagiti agdayaw kenkuana, ken ipakaammona ti tulagna kadakuada.
The secret of Jehovah is with them that fear him, that he may make known his covenant to them.
15 Kankanayon a nakaturong dagiti matak kenni Yahweh, ta wayawayaannanto dagiti sakak manipud iti iket.
Mine eyes are ever toward Jehovah; for he will bring my feet out of the net.
16 Talliawen ken kaasiannak; ta agmaymaysaak ken naparigatak.
Turn toward me, and be gracious unto me; for I am solitary and afflicted.
17 Dagiti pakariribukan ti pusok ket dimmakkelda; alawennak manipud iti pakadanagak!
The troubles of my heart are increased: bring me out of my distresses;
18 Kitaem ti pakarigatak ken banbannogko; pakawanem dagiti amin basolko.
Consider mine affliction and my travail, and forgive all my sins.
19 Kitaem dagiti kabusorko, ta aduda; gurguraendak iti naulpit a panangggura.
Consider mine enemies, for they are many, and they hate me [with] cruel hatred.
20 Salaknibam ti biagko ket ispalennak; saanakto a maibabain, ta agkamangak kenka!
Keep my soul, and deliver me: let me not be ashamed; for I trust in thee.
21 Taginayonennak koma ti kinapudno ken ti kinalinteg aywanannak koma, ta mangnamnamaak kenka.
Let integrity and uprightness preserve me; for I wait on thee.
22 Ispalem ti Israel, O Dios, manipud iti amin a pakariribukanna!
Redeem Israel, O God, out of all his troubles.
