Dagiti Salmo 21

1 Agragrag-o ti ari iti pigsam, O Yahweh! Anian iti panag-ragrag-ona unay iti impaaymo a panangisalakan!

For the Chief Musician. A Psalm by David. The king rejoices in your strength, LORD! How greatly he rejoices in your salvation!

2 Intedmo kenkuana ti tarigagay ti pusona ken saanmo nga impaidam ti kiddaw dagiti bibigna. (Sela)

You have given him his heart’s desire, and have not withheld the request of his lips. (Selah)

3 Ta iyegmo kenkuana ti adu a bendision; kinoronaam ti ulona iti kapupuroan a balitok.

For you meet him with the blessings of goodness. You set a crown of fine gold on his head.

4 Dinawatna kenka ti biag; intedmo daytoy kenkuana; inikkam isuna iti atiddog nga al-aldaw iti agnanayon nga awan patinggana.

He asked life of you and you gave it to him, even length of days forever and ever.

5 Naindaklan ti dayagna gapu iti balligim, intedmo kenkuana ti kinadayag ken kinatan-ok.

His glory is great in your salvation. You lay honor and majesty on him.

6 Ta impaayam isuna kadagiti agnanayon a bendision; pinaragsakmo isuna babaen iti rag-o iti presensiam.

For you make him most blessed forever. You make him glad with joy in your presence.

7 Ta agtaltalek ti ari kenni Yahweh; babaen iti kinapudno ti tulag ti Kangangatoan ket saanto isuna a magaraw.

For the king trusts in the LORD. Through the loving kindness of the Most High, he shall not be moved.

8 Dayta imam ket tiliwennanto dagiti amin a kabusormo; dayta kannawan nga imam tiliwennanto dagiti manggurgura kenka.

Your hand will find out all of your enemies. Your right hand will find out those who hate you.

9 Iti tiempo ti pungtotmo, uramemto ida a kas iti gumilgil-ayab nga orno. Ibusento ida ni Yahweh babaen iti pungtotna, ken alun-unento ida ti apoy.

You will make them as a fiery furnace in the time of your anger. The LORD will swallow them up in his wrath. The fire shall devour them.

10 Dadaelemto dagiti annakda manipud iti daga ken dagiti kaputotanda manipud kadagiti sangkataoan.

You will destroy their descendants from the earth, their posterity from among the children of men.

11 Ta pinanggeda ti dakes a maibusor kenka; nagpanunotda iti maysa a plano a saanda a pagballaigian!

For they intended evil against you. They plotted evil against you which cannot succeed.

12 Ta pagsanodemto ida, iturongmonto ti bai ti panam iti sangaonanda.

For you will make them turn their back, when you aim drawn bows at their face.

13 Maitantan-okka, O Yahweh, iti kinapigsam; agkantakaminto ken idaydayawmi ti pannakabalinmo.

Be exalted, LORD, in your strength, so we will sing and praise your power.