Dagiti Salmo 15

1 O Yahweh, siasinonto ti mabalin nga agtaeng iti tabernakulom? Siasinonto ti mabalin nga agnaed iti nasantoan a turodmo?

A Psalm of David. O LORD, who may abide in Your tent? Who may dwell on Your holy mountain?

2 Isuna a magmagna nga awan pakapilawanna ken ar-aramidenna ti umno, ken agsasao iti pudno manipud iti pusona.

He who walks with integrity and practices righteousness, who speaks the truth from his heart,

3 Saan isuna a mamadpadakes babaen iti dilana, wenno mangdangdangran kadagiti sabali, wenno manglalais iti kaarrubana.

who has no slander on his tongue, who does no harm to his neighbor, who casts no scorn on his friend,

4 Kagura dagiti matana dagiti awan serserbina a tattao, ngem padayawanna dagiti agbuteng kenni Yahweh. Agsapsapata isuna iti bukodna a pakaisagmakan ken saanna nga ibabawi dagiti karkarina.

who despises the vile but honors those who fear the LORD, who does not revise a costly oath,

5 Saanna a paan-anakan no agipabulod iti kuarta. Saan isuna nga umaw-awat iti pasuksok tapno agsaksi a maibusor iti awan basolna. Saanto pulos a magunggon ti siasinoman nga agaramid kadagitoy a banbanag.

who lends his money without interest and refuses a bribe against the innocent. He who does these things will never be shaken.