Dagiti Salmo 148
1 Idaydayawyo ni Yahweh. Idaydayawyo ni Yahweh, dakayo nga adda kadagiti langit; idaydayawyo isuna, dakayo nga adda iti nangato a disso.
Praise the LORD! Praise the LORD from the heavens! Praise him in the heights!
2 Idaydayawyo isuna, dakayo amin nga anghelna; idaydayawyo isuna, dakayo amin nga armada ti anghelna.
Praise him, all his angels! Praise him, all his army!
3 Idaydayawyo isuna, init ken bulan; idaydayawyo isuna, dakayo amin nga agranraniag a bituen.
Praise him, sun and moon! Praise him, all you shining stars!
4 Idaydayawyo isuna, dakayo a kangangatoan a langit ken dakayo a dandanum nga adda iti ngatoen ti tangatang.
Praise him, you heavens of heavens, you waters that are above the heavens.
5 Idaydayawda koma ti nagan ni Yahweh, ta nagbilin isuna, ket naparsuada.
Let them praise the LORD’s name, for he commanded, and they were created.
6 Impasdekna pay ida iti agnanayon ken awan patinggana; nangted isuna iti pangngeddeng a saanto a pulos nga agbaliw.
He has also established them forever and ever. He has made a decree which will not pass away.
7 Kadagiti adda iti rabaw ti daga, idaydayawyo ni Yahweh, dakayo a parsua iti baybay ken amin a mangliwengliweng a taaw,
Praise the LORD from the earth, you great sea creatures, and all depths,
8 apuy ken uraro, niebe ken ulep, napigsa nga angin nga agtungtungpal iti saona.
lightning and hail, snow and clouds, stormy wind, fulfilling his word,
9 banbantay ken amin a turod, kaykayo nga agbunga ken amin a cedar,
mountains and all hills, fruit trees and all cedars,
10 naaatap ken naaamo nga ayup, agkarkarayam a parsua ken tumatayab.
wild animals and all livestock, small creatures and flying birds,
11 ar-ari iti daga, ken amin a nasion, dagiti prinsipe ken amin nga agturturay iti daga,
kings of the earth and all peoples, princes and all judges of the earth,
12 agtutubo a lallaki ken agtutubo a babbai, dagiti nataengan ken ubbing.
both young men and maidens, old men and children.
13 Idaydayawda amin ti nagan ni Yahweh, ta ti laeng naganna ti natan-ok ken ringbawan ti dayagna ti daga ken dagiti langit.
Let them praise the LORD’s name, for his name alone is exalted. His glory is above the earth and the heavens.
14 Intag-ayna ti sara dagiti tattaona tapno idaydayaw isuna amin dagiti napudno kenkuana, dagiti Israelita, dagiti tattao a naasideg kenkuana. Idaydayawyo ni Yahweh.
He has lifted up the horn of his people, the praise of all his holy ones, even of the children of Israel, a people near to him. Praise the LORD!
