Dagiti Salmo 146

1 Idaydayawyo ni Yahweh. O kararuak, idaydayawmo ni Yahweh.

Praise ye the LORD. Praise the LORD, O my soul.

2 Idaydayawko ni Yahweh agingga a sibibiagak; Agkantaak kadagiti pammadayaw iti Diosko agingga nga addaak.

While I live will I praise the LORD: I will sing praises unto my God while I have any being.

3 Dika agtalek kadagiti prinsipe wenno kadagiti tattao, a kadakuada ket awan iti pannakaisalakan.

Put not your trust in princes, nor in the son of man, in whom there is no help.

4 Inton agsardeng ti anges ti biag ti maysa a tao, agsubli isuna iti daga; iti dayta nga aldaw, aggibusen dagiti panggepna.

His breath goeth forth, he returneth to his earth; in that very day his thoughts perish.

5 Nagasat ti tao nga adda kenkuana ti Dios ni Jacob a mangtultulong kenkuana, nga adda kenni Yahweh a Diosna ti namnamana.

Happy is he that hath the God of Jacob for his help, whose hope is in the LORD his God:

6 Inaramid ni Yahweh ti langit ken daga, ti baybay, ken amin nga adda kadagitoy; salsalimetmetanna ti kinamatalekna iti agnanayon.

Which made heaven and earth, the sea, and all that in them is; which keepeth truth for ever:

7 Ipatpatungpalna ti hustisia kadagiti maidaddadanes ken mangmangted iti taraon kadagiti mabisin. Wayawayaan ni Yahweh dagiti balud;

Which executeth judgment for the oppressed; which giveth food to the hungry: the LORD looseth the prisoners;

8 Lukluktan ni Yahweh ti mata dagiti bulsek; Itagtag-ay ni Yahweh dagiti maup-upay; Ay-ayaten ni Yahweh dagiti nalinteg a tattao.

The LORD openeth [the eyes of] the blind; the LORD raiseth up them that are bowed down; the LORD loveth the righteous;

9 Salsalakniban ni Yahweh dagiti ganggannaet iti daga; itagtag-ayna dagiti ulila ken balo, ngem laplapdanna dagiti nadangkes.

The LORD preserveth the strangers; he upholdeth the fatherless and widow; but the way of the wicked he turneth upside down.

10 Agturay ni Yahweh iti agnanayon, ti Diosmo, O Sion, kadagiti amin a henerasion. Idaydayawyo ni Yahweh.

The LORD shall reign for ever, thy God, O Zion, unto all generations. Praise ye the LORD.