Dagiti Salmo 146

1 Idaydayawyo ni Yahweh. O kararuak, idaydayawmo ni Yahweh.

Hallelujah! Praise the LORD, O my soul.

2 Idaydayawko ni Yahweh agingga a sibibiagak; Agkantaak kadagiti pammadayaw iti Diosko agingga nga addaak.

I will praise the LORD all my life; I will sing praises to my God while I have my being.

3 Dika agtalek kadagiti prinsipe wenno kadagiti tattao, a kadakuada ket awan iti pannakaisalakan.

Put not your trust in princes, in mortal man, who cannot save.

4 Inton agsardeng ti anges ti biag ti maysa a tao, agsubli isuna iti daga; iti dayta nga aldaw, aggibusen dagiti panggepna.

When his spirit departs, he returns to the ground; on that very day his plans perish.

5 Nagasat ti tao nga adda kenkuana ti Dios ni Jacob a mangtultulong kenkuana, nga adda kenni Yahweh a Diosna ti namnamana.

Blessed is he whose help is the God of Jacob, whose hope is in the LORD his God,

6 Inaramid ni Yahweh ti langit ken daga, ti baybay, ken amin nga adda kadagitoy; salsalimetmetanna ti kinamatalekna iti agnanayon.

the Maker of heaven and earth, the sea, and everything in them. He remains faithful forever.

7 Ipatpatungpalna ti hustisia kadagiti maidaddadanes ken mangmangted iti taraon kadagiti mabisin. Wayawayaan ni Yahweh dagiti balud;

He executes justice for the oppressed and gives food to the hungry. The LORD sets the prisoners free,

8 Lukluktan ni Yahweh ti mata dagiti bulsek; Itagtag-ay ni Yahweh dagiti maup-upay; Ay-ayaten ni Yahweh dagiti nalinteg a tattao.

the LORD opens the eyes of the blind, the LORD lifts those who are weighed down, the LORD loves the righteous.

9 Salsalakniban ni Yahweh dagiti ganggannaet iti daga; itagtag-ayna dagiti ulila ken balo, ngem laplapdanna dagiti nadangkes.

The LORD protects foreigners; He sustains the fatherless and the widow, but the ways of the wicked He frustrates.

10 Agturay ni Yahweh iti agnanayon, ti Diosmo, O Sion, kadagiti amin a henerasion. Idaydayawyo ni Yahweh.

The LORD reigns forever, your God, O Zion, for all generations. Hallelujah!