Dagiti Salmo 14

1 Kuna ti maag a tao iti pusona, “Awan ti Dios.” Dakesda ken nakaaramidda iti makarimon a basol; awan ti uray maysa nga agar-aramid iti nasayaat.

[For the Chief Musician. By David.] The fool has said in his heart, "There is no God." They are corrupt. They do abominable works. There is none who does good.

2 Tumantannawag ni Yahweh manipud langit kadagiti annak ti sangkatao-an tapno kitaenna no adda iti siasinoman a makaawat, a mangbiruk kenkuana.

The LORD looks down from heaven on the descendants of Adam, to see if there are any who are wise, who seek after God.

3 Simmina ti tunggal maysa; nagbalinda amin a narugit; awan ti uray maysa nga agar-aramid iti naimbag, awan, uray maysa.

They have all turned away. They have together become corrupt. There is no one who does good, no, not one.

4 Awan kadi ti aniaman a banag nga ammoda, dagiti agar-aramid iti kinadakes, dagiti mang-mangan kadagiti tattaok a kas iti pannanganda iti tinapay, ken dagiti saan nga umaw-awag kenni Yahweh?

Have all evildoers no knowledge, who eat up my people as they eat bread? They do not call on the LORD.

5 Agpigergerda iti buteng, ta adda ti Dios kadagiti nalinteg a taripnong!

There they are utterly terrified, for God is in the generation of the righteous.

6 Kayatyo nga ibabain ti napanglaw a tao uray no ni Yahweh ti kamangna.

You would frustrate the plans of the lowly, but the LORD is his refuge.

7 O, tapno umay koma ti pannakaisalakan ti Israel manipud iti Sion! Inton isubli ni Yahweh dagiti tattaona manipud iti pannakaibalud, ket agrag-onto ni Jacob ken agragsakto ti Israel.

Oh that the salvation of Israel would come out of Zion. When the LORD restores the fortunes of his people, may Jacob rejoice, may Israel be glad.