Dagiti Salmo 14

1 Kuna ti maag a tao iti pusona, “Awan ti Dios.” Dakesda ken nakaaramidda iti makarimon a basol; awan ti uray maysa nga agar-aramid iti nasayaat.

The fool has said in his heart, There is no God. They are corrupt. They have done abominable works. There is none that does good.

2 Tumantannawag ni Yahweh manipud langit kadagiti annak ti sangkatao-an tapno kitaenna no adda iti siasinoman a makaawat, a mangbiruk kenkuana.

Jehovah looked down from heaven upon the sons of men to see if there were any who understood, who sought after God.

3 Simmina ti tunggal maysa; nagbalinda amin a narugit; awan ti uray maysa nga agar-aramid iti naimbag, awan, uray maysa.

They are all gone aside. They are together become filthy. There is none who does good, no, not one.

4 Awan kadi ti aniaman a banag nga ammoda, dagiti agar-aramid iti kinadakes, dagiti mang-mangan kadagiti tattaok a kas iti pannanganda iti tinapay, ken dagiti saan nga umaw-awag kenni Yahweh?

Have all the workers of iniquity no knowledge, who eat up my people as they eat bread, and call not upon Jehovah?

5 Agpigergerda iti buteng, ta adda ti Dios kadagiti nalinteg a taripnong!

There they were in great fear, for God is in the generation of the righteous.

6 Kayatyo nga ibabain ti napanglaw a tao uray no ni Yahweh ti kamangna.

Ye put to shame the counsel of the poor because Jehovah is his refuge.

7 O, tapno umay koma ti pannakaisalakan ti Israel manipud iti Sion! Inton isubli ni Yahweh dagiti tattaona manipud iti pannakaibalud, ket agrag-onto ni Jacob ken agragsakto ti Israel.

O that the salvation of Israel came out of Zion! When Jehovah brings back the captivity of his people, then Jacob shall rejoice, and Israel shall be glad.