Dagiti Salmo 128

1 Nagasat ti tunggal maysa a mangdaydayaw kenni Yahweh, nga agbibiag kadagiti wagasna.

Feliz es el adorador del Señor, que camina en sus caminos.

2 Aniaman nga ipaay dagiti imam, pagragsakkamto; mabendisionan ken rumang-aykanto.

Tendrás el fruto del trabajo de tus manos; feliz serás, y todo te irá bien.

3 Maiyarigto ti asawam iti nabunga nga ubas iti pagtaengam; maiyarigto dagiti annakmo iti olibo bayat nga agtugtugawda iti aglawlaw ti lamisaanmo.

Tu mujer será como una vid fértil en las partes más recónditas de tu casa; tus hijos serán como plantas de olivo alrededor de tu mesa.

4 Wen, pudno unay, a nagasat ti tao a mangdaydayaw kenni Yahweh.

¡Mira! esta es la bendición del adorador del Señor.

5 Bendisionannaka koma ni Yahweh manipud Sion; makitam koma ti panagrang-ay ti Jerusalem iti amin nga aldaw iti biagmo.

Que el Señor te envíe bendiciones desde Sión; que veas el bien de Jerusalén todos los días de tu vida.

6 Agbiagka pay koma tapno makitam dagiti annak dagiti annakmo. Adda koma iti kappia iti Israel.

Pueda ver los hijos de sus hijos. La paz sea con Israel.