Dagiti Salmo 121

1 Ikitak dagiti matak kadagiti ban-bantay. Sadino ti paggapuan ti tulongko?

I will lift up mine eyes unto the hills, from whence comes my help.

2 Ti tulongko ket aggapu kenni Yahweh, a nangaramid iti langit ken daga.

My help comes from the LORD, which made heaven and earth.

3 Saanna nga itulok a maipaglis ta sakam; saan nga agtugtuglep ti mangsalsalaknib kenka.

He will not suffer your foot to be moved: he that keeps you will not slumber.

4 Kitaem, saan a pulos nga agtugtuglep wenno matmaturog ti mangay-aywan iti Israel.

Behold, he that keeps Israel shall neither slumber nor sleep.

5 Ni Yahweh ti mangay-aywan kenka; ni Yahweh ti salinong iti makannawanmo.

The LORD is your keeper: the LORD is your shade upon your right hand.

6 Saannakanto a dangran ti init iti aldaw wenno ti bulan iti rabii.

The sun shall not strike you by day, nor the moon by night.

7 Salaknibannakanto ni Yahweh iti amin a pakadangram, ken salaknibanna ti biagmo.

The LORD shall preserve you from all evil: he shall preserve your soul.

8 Salaknibannakanto ni Yahweh iti amin nga aramidem ita ken iti awan patinggana.

The LORD shall preserve your going out and your coming in from this time forth, and even for evermore.