Dagiti Salmo 121

1 Ikitak dagiti matak kadagiti ban-bantay. Sadino ti paggapuan ti tulongko?

I have lifted up my eyes to the mountains, from whence help shall come to me.

2 Ti tulongko ket aggapu kenni Yahweh, a nangaramid iti langit ken daga.

My help is from the Lord, who made heaven and earth.

3 Saanna nga itulok a maipaglis ta sakam; saan nga agtugtuglep ti mangsalsalaknib kenka.

May he not suffer thy foot to be moved: neither let him slumber that keepeth thee.

4 Kitaem, saan a pulos nga agtugtuglep wenno matmaturog ti mangay-aywan iti Israel.

Behold he shall neither slumber nor sleep, that keepeth Israel.

5 Ni Yahweh ti mangay-aywan kenka; ni Yahweh ti salinong iti makannawanmo.

The Lord is thy keeper, the Lord is thy protection upon thy right hand.

6 Saannakanto a dangran ti init iti aldaw wenno ti bulan iti rabii.

The sun shall not burn thee by day: nor the moon by night.

7 Salaknibannakanto ni Yahweh iti amin a pakadangram, ken salaknibanna ti biagmo.

The Lord keepeth thee from all evil: may the Lord keep thy soul.

8 Salaknibannakanto ni Yahweh iti amin nga aramidem ita ken iti awan patinggana.

May the Lord keep thy going in and thy going out; from henceforth now and for ever.