Dagiti Salmo 121

1 Ikitak dagiti matak kadagiti ban-bantay. Sadino ti paggapuan ti tulongko?

A Song of Ascents. I will lift up my eyes to the hills. Where does my help come from?

2 Ti tulongko ket aggapu kenni Yahweh, a nangaramid iti langit ken daga.

My help comes from the LORD, who made heaven and earth.

3 Saanna nga itulok a maipaglis ta sakam; saan nga agtugtuglep ti mangsalsalaknib kenka.

He will not allow your foot to be moved. He who keeps you will not slumber.

4 Kitaem, saan a pulos nga agtugtuglep wenno matmaturog ti mangay-aywan iti Israel.

Behold, he who keeps Israel will neither slumber nor sleep.

5 Ni Yahweh ti mangay-aywan kenka; ni Yahweh ti salinong iti makannawanmo.

The LORD is your keeper. The LORD is your shade on your right hand.

6 Saannakanto a dangran ti init iti aldaw wenno ti bulan iti rabii.

The sun will not harm you by day, nor the moon by night.

7 Salaknibannakanto ni Yahweh iti amin a pakadangram, ken salaknibanna ti biagmo.

The LORD will keep you from all evil. He will keep your soul.

8 Salaknibannakanto ni Yahweh iti amin nga aramidem ita ken iti awan patinggana.

The LORD will keep your going out and your coming in, from this time forward, and forever more.