Dagiti Salmo 119
1 Nagasat dagiti awan pakababalawan dagiti wagasna, isuda nga agtultulnog iti linteg ni Yahweh.
| אשרי תמימי-דרך-- ההלכים בתורת יהוה |
2 Nagasat dagiti mangsalsalimetmet kadagiti napudno a bilinna, isuda a mangsapsapul kenkuana iti amin a pusoda.
| אשרי נצרי עדתיו בכל-לב ידרשוהו |
3 Saanda nga agar-aramid iti saan a nasaya-at; magmagnada kadagiti wagasna.
| אף לא-פעלו עולה בדרכיו הלכו |
4 Binilinnakami a mangsalimetmet kadagiti pagannurotam tapno surotenmi a naimbag dagitoy.
| אתה צויתה פקדיך-- לשמר מאד |
5 O, tapno maibangonakto a sititibker iti panangaramid kadagiti alagadem!
| אחלי יכנו דרכי-- לשמר חקיך |
6 Ket saanakto a maibabain no panunotek ti maipapan kadagiti amin a bilbilinmo.
| אז לא-אבוש-- בהביטי אל-כל-מצותיך |
7 Agyamanakto kenka nga addaan iti napudno a puso inton masursurok dagiti nalinteg a bilinmo.
| אודך בישר לבב-- בלמדי משפטי צדקך |
8 Tungpalekto dagiti alagadem; saannak a panawan nga agmaymaysa. BETH
| את-חקיך אשמר אל-תעזבני עד-מאד |
9 Kasano a pagtalinaeden ti maysa nga agtutubo a nadalus ti dalanna? Babaen iti panagtulnog iti saom.
| במה יזכה-נער את-ארחו-- לשמר כדברך |
10 Iti amin a pusok ket sapsapulenka; Saanmo nga itulok a maiyaw-awanak manipud kadagiti bilbilinmo.
| בכל-לבי דרשתיך אל-תשגני ממצותיך |
11 Indulinko ti saom ditoy pusok tapno saanak nga agbasol kenka,
| בלבי צפנתי אמרתך-- למען לא אחטא-לך |
12 Madaydayawka, O Yahweh; isurom kaniak dagiti alagadem.
| ברוך אתה יהוה-- למדני חקיך |
13 Babaen iti ngiwatko inwaragawagko amin dagiti nalinteg a pangngeddeng nga inka impakaammo.
| בשפתי ספרתי-- כל משפטי-פיך |
14 Ad-adda nga agrag-oak iti wagas dagiti bilbilinmo iti tulagmo ngem iti amin a kinabaknang.
| בדרך עדותיך ששתי-- כעל כל-הון |
15 Utobek dagiti pagannurotam ken ipangagko dagiti wagasmo.
| בפקודיך אשיחה ואביטה ארחתיך |
16 Agragsakak kadagiti alagadem; Saankonto a malipatan ti saom. GIMEL
| בחקתיך אשתעשע לא אשכח דברך |
17 Paraburam kadi ti adipenmo tapno agbiagak ken matungpalko ti saom.
| גמל על-עבדך אחיה ואשמרה דברך |
18 Lukatam dagiti matak tapno makitak dagiti nakakaskasdaaw a banbanag iti lintegmo.
| גל-עיני ואביטה-- נפלאות מתורתך |
19 Maysaak a ganggannaet iti daga; saanmo nga illemmeng dagiti bilbilinmo manipud kaniak.
| גר אנכי בארץ אל-תסתר ממני מצותיך |
20 Naburakda dagiti tarigagayko iti panangkalkalikagom a mangammo kadagiti nalinteg a pangngeddengmo iti amin a tiempo.
| גרסה נפשי לתאבה-- אל-משפטיך בכל-עת |
21 Babalawem dagiti natangsit, isuda a nailunod, isuda a simmiasi manipud kadagiti bilinmo.
| גערת זדים ארורים-- השגים ממצותיך |
22 Isalakannak manipud iti pannakaibabain ken pannakaumsi, gapu ta nagtulnogak kadagiti bilbilinmo iti tulagmo.
| גל מעלי חרפה ובוז כי עדתיך נצרתי |
23 Uray pay no pagpanggepandak iti dakes ken padaksendak dagiti mangiturturay, ut-utuben daytoy adipenmo dagiti alagadem.
| גם ישבו שרים בי נדברו-- עבדך ישיח בחקיך |
24 Pakaragsakak dagiti bilbilinmo iti tulagmo, ket isuda dagiti mamagbaga kaniak. DALETH
| גם-עדתיך שעשעי-- אנשי עצתי |
25 Ti biagko ket nakakapet iti tapok! Ikkannak iti biag babaen iti saom.
| דבקה לעפר נפשי חיני כדברך |
26 Imbagak kenka dagiti dalanko, ket sinungbatannak; isurom kaniak dagiti alagadem.
| דרכי ספרתי ותענני למדני חקיך |
27 Ipakaawatmo kaniak dagiti wagas dagiti pagannurotam, tapno mabalinko nga utuben dagiti nakakaskasdaaw a sursusrom.
| דרך-פקודיך הבינני ואשיחה בנפלאותיך |
28 Nalapunosak iti panagladingit! Papigsaennak babaen iti saom.
| דלפה נפשי מתוגה קימני כדברך |
29 Iyadayom kaniak ti dalan ti kinamanangallilaw; sipaparabur nga isurom kaniak ti lintegmo.
| דרך-שקר הסר ממני ותורתך חנני |
30 Pinilik ti dalan ti kinapudno; kankanayonko a tinungtungpal ti nalinteg a bilinmo.
| דרך-אמונה בחרתי משפטיך שויתי |
31 Kumpetak kadagiti bilbilinmo iti tulagmo; O Yahweh, saanmo koma nga itulok a maibabainak.
| דבקתי בעדותיך יהוה אל-תבישני |
32 Agtarayak iti dalan dagiti bilbilinmo, ta padpadakkelem ti pusok a mangaramid iti dayta. HE
| דרך-מצותיך ארוץ כי תרחיב לבי |
33 Isurom kaniak, O Yahweh, ti wagas dagiti alagadem, ket tungpalek dagitoy agingga iti panungpalan.
| הורני יהוה דרך חקיך ואצרנה עקב |
34 Ikkannak iti pannakaawat, ket tungpalek ti lintegmo; aramidekto daytoy iti amin a pusok.
| הבינני ואצרה תורתך ואשמרנה בכל-לב |
35 Iwanwannak iti dalan dagiti bilbilinmo, ta pagragsakak ti magna iti daytoy.
| הדריכני בנתיב מצותיך כי-בו חפצתי |
36 Iturongmo ti pusok kadagiti bilbilinmo iti tulagmo ken iyadayum manipud iti kinaagum.
| הט-לבי אל-עדותיך ואל אל-בצע |
37 Ilisim dagiti matak iti panangmingming kadagiti awan serserbina a banbanag; paregtaennak kadagiti wagasmo.
| העבר עיני מראות שוא בדרכך חיני |
38 Ipatungpalmo iti adipenmo ti inkarim nga inaramiden kadagiti agdaydayaw kenka.
| הקם לעבדך אמרתך-- אשר ליראתך |
39 Ikkatem ti pagbutbutngak a pakaibabainan, ta nasayaat dagiti nalinteg a pangngeddengmo.
| העבר חרפתי אשר יגרתי כי משפטיך טובים |
40 Adtoy, kalkalikagumak dagiti pagannurotam; pagtalinaedennak a sibibiag babaen iti nalinteg a panangwayawayam. VAV.
| הנה תאבתי לפקדיך בצדקתך חיני |
41 O Yahweh, ipaaymo kaniak ti saan nga agbalbaliw nga ayatmo— ti panangisalakanmo, sigun iti karim,
| ויבאני חסדך יהוה תשועתך כאמרתך |
42 Ket addanto isungbatko iti manglalais kaniak, ta agtalekak iti saom.
| ואענה חרפי דבר כי-בטחתי בדברך |
43 Saanmo nga ikkaten ti sao ti kinapudno iti ngiwatko, gapu ta inurayko dagiti nalinteg a bilbilinmo.
| ואל-תצל מפי דבר-אמת עד-מאד כי למשפטך יחלתי |
44 Agtultuloyto a tungpalek ti lintegmo, iti agnanayon nga awan patinggana.
| ואשמרה תורתך תמיד-- לעולם ועד |
45 Magnaak a sitatalged, ta sinapulko dagiti pamagbagam.
| ואתהלכה ברחבה כי פקדיך דרשתי |
46 Saritaek dagiti napudno a bilinmo iti sangoanan dagiti ar-ari ket saanak a mabain.
| ואדברה בעדתיך נגד מלכים ולא אבוש |
47 Pakaragsakak dagiti bilbilinmo, nga ay-ayatek unay.
| ואשתעשע במצותיך אשר אהבתי |
48 Itag-ayko dagiti imak kadagiti bilbilinmo, nga ay-ayatek; Utubek dagiti alagadem. ZAYIN.
| ואשא-כפי--אל-מצותיך אשר אהבתי ואשיחה בחקיך |
49 Laglagipem ti karim iti adipenmo gapu ta inikkannak iti namnama.
| זכר-דבר לעבדך-- על אשר יחלתני |
50 Daytoy ti liwliwak iti pannakaparigatko: a pinagtalinaednak a sibibiag ti karim.
| זאת נחמתי בעניי כי אמרתך חיתני |
51 Inuyawdak dagiti natangsit, ngem saanak a timmallikod iti lintegmo.
| זדים הליצני עד-מאד מתורתך לא נטיתי |
52 Napanunotko ti maipanggep kadagiti nalinteg a pangngeddengmo manipud idi un-unana a tiempo, O Yahweh, ket maliwliwaak.
| זכרתי משפטיך מעולם יהוה ואתנחם |
53 Simged ti pungtotko gapu kadagiti nadangkes a manglaklaksid iti lintegmo.
| זלעפה אחזתני מרשעים-- עזבי תורתך |
54 Dagiti alagadem ti nagbalin a kankantak iti balay a pagnanaedak a saan nga agpaut.
| זמרות היו-לי חקיך-- בבית מגורי |
55 Panpanunotek ti maipanggep iti naganmo bayat iti rabii, O Yahweh, ken tungtungpalek ti lintegmo.
| זכרתי בלילה שמך יהוה ואשמרה תורתך |
56 Daytoy ti kanayon nga inar-aramidko gapu ta tinungpalko dagiti pagannurotam. HETH.
| זאת היתה-לי כי פקדיך נצרתי |
57 Ni Yahweh iti bingayko; inkeddengko nga aramidek dagiti sasaom.
| חלקי יהוה אמרתי-- לשמר דבריך |
58 Sipapasnekko a dawdawaten ti paraburmo iti amin a pusok; maasika kaniak, kas inkarim iti saom.
| חליתי פניך בכל-לב חנני כאמרתך |
59 Inutobko dagiti wagasko ket inturongko dagiti sakak kadagiti bilbilinmo iti tulagmo.
| חשבתי דרכי ואשיבה רגלי אל-עדתיך |
60 Agdardarasak ket saanko nga itantan a tungpalen dagiti bilbilinmo.
| חשתי ולא התמהמהתי-- לשמר מצותיך |
61 Siniluandak dagiti tali dagiti nadangkes; saanko a nalipatan ti lintegmo.
| חבלי רשעים עודני תורתך לא שכחתי |
62 Iti tengnga ti rabii bumangonak nga agyaman kenka gapu kadagiti nalinteg a pangngeddengmo.
| חצות-לילה--אקום להודות לך על משפטי צדקך |
63 Kaduadak dagiti amin a mangdaydayaw kenka, kadagiti amin nga agtungtungpal kadagiti pagannurotam.
| חבר אני לכל-אשר יראוך ולשמרי פקודיך |
64 Ti daga, O Yahweh, ket napnoan iti kinapudnom iti katulagam; isurom kaniak dagiti alagadem. TETH.
| חסדך יהוה מלאה הארץ חקיך למדני |
65 Nangaramidka kadagiti nasayaat iti adipenmo, O Yahweh, babaen iti saom.
| טוב עשית עם-עבדך-- יהוה כדברך |
66 Isurom kaniak ti umno a pannakaammo ken pannakaawat, gapu ta namatiak kadagiti bilbilinmo.
| טוב טעם ודעת למדני כי במצותיך האמנתי |
67 Naiyaw-awanak idi sakbay a naparigatak, ngem ita tungtungpalek ti saom.
| טרם אענה אני שגג ועתה אמרתך שמרתי |
68 Nagimbagka, ket sika ti mangar-aramid iti naimbag; isurom kaniak dagiti alagadem.
| טוב-אתה ומטיב למדני חקיך |
69 Pinulagidandak dagiti napalangguad kadagiti inuulbod, ngem tungtungpalek dagiti pagannurotam iti amin a pusok.
| טפלו עלי שקר זדים אני בכל-לב אצר פקודיך |
70 Timmangken dagiti pusoda, ngem pagragsakak iti lintegmo.
| טפש כחלב לבם אני תורתך שעשעתי |
71 Pagsayaatak a nagsagabaak tapno masursurok dagiti alagadem.
| טוב-לי כי-עניתי-- למען אלמד חקיך |
72 Napatpateg kaniak ti pamagbaga nga agtaud iti ngiwatmo ngem kadagiti rinibribu a pidaso iti balitok ken pirak. YOD.
| טוב-לי תורת-פיך-- מאלפי זהב וכסף |
73 Inaramid ken binukelnak dagiti imam; ikkannak iti pannakaawat tapno masursurok dagiti bilbilinmo.
| ידיך עשוני ויכוננוני הבינני ואלמדה מצותיך |
74 Maragsakanto dagiti mangdaydayaw kenka inton makitadak gapu ta nakasarakak ti namnama iti saom.
| יראיך יראוני וישמחו כי לדברך יחלתי |
75 Ammok, O Yahweh, a dagiti bilbilinmo ket nalinteg, ken pinarigatannak gapu iti kinapudno,
| ידעתי יהוה כי-צדק משפטיך ואמונה עניתני |
76 Liwliwaennak koma ti kinapudnom iti tulagmo, kas inkarim iti adipenmo.
| יהי-נא חסדך לנחמני-- כאמרתך לעבדך |
77 Kaasiannak tapno agbiagak, ta pakaragsakak ti lintegmo.
| יבאוני רחמיך ואחיה כי-תורתך שעשעי |
78 Maibabain koma dagiti natangsit, gapu ta pinadpadakesdak; ngem utubek dagiti pagannurotam.
| יבשו זדים כי-שקר עותוני אני אשיח בפקודיך |
79 Agsubli koma kaniak dagiti agdaydayaw kenka, dagiti makaammo kadagiti bilbilinmo iti tulagmo.
| ישובו לי יראיך וידעו (וידעי) עדתיך |
80 Agbalin koma ti pusok nga awan mulitna no maipapan kadagiti alagadem tapno saanak a maibabain. KAPH.
| יהי-לבי תמים בחקיך-- למען לא אבוש |
81 Aglusdoyak gapu ti panangkalkalikagumko nga ispalennak! Addaanak iti namnama iti saom.
| כלתה לתשועתך נפשי לדברך יחלתי |
82 Matektekan unay dagiti matak a makita ti karim; kaanonak a liwliwaen?
| כלו עיני לאמרתך-- לאמר מתי תנחמני |
83 Ta nagbalinak a kasla supot ti arak a maas-asukan; saanko a malipatan dagiti alagadem.
| כי-הייתי כנאד בקיטור-- חקיך לא שכחתי |
84 Kasano kabayag nga ibturan ti adipenmo daytoy; kaanonto nga ukomem dagiti a mangparparigat kaniak?
| כמה ימי-עבדך מתי תעשה ברדפי משפט |
85 Nagkali dagiti natangsit kadagiti abut a para kaniak, salsalungasingenda ti lintegmo.
| כרו-לי זדים שיחות-- אשר לא כתורתך |
86 Mapagtalkan dagiti amin a bilbilinmo; sibibiddut nga idaddadanesdak dagiti tattao; tulongannak.
| כל-מצותיך אמונה שקר רדפוני עזרני |
87 Dandanida kinittel ti biagko ditoy rabaw iti daga, ngem saanko nga ilaklaksid dagiti pagannurotam.
| כמעט כלוני בארץ ואני לא-עזבתי פקדיך |
88 Pagtalinaedennak a sibibiag, kas inkari iti kinapudnom iti katulagam, tapno matungpalko dagiti bilbilinmo iti tulagmo nga inka sinarita. LAMEDH.
| כחסדך חיני ואשמרה עדות פיך |
89 O Yahweh, mataginayon nga awan patinggana ti saom; ti saom ket sititibker a naisaad sadi langit.
| לעולם יהוה-- דברך נצב בשמים |
90 Ti kinapudnom ket mataginayon kadagiti amin a henerasion; inaramidmo ti daga, ket nagtalinaed daytoy.
| לדר ודר אמונתך כוננת ארץ ותעמד |
91 Agtultuloy amin a banbanag agingga kadagitoy nga aldaw, kas imbagam kadagiti nalinteg a pangngeddengmo, ta adipenmo dagiti amin a banbanag.
| למשפטיך עמדו היום כי הכל עבדיך |
92 No saan a ti lintegmo ti paggappoan ti ragsakko, mabalin a napukawak koman iti pannakaparparigatko.
| לולי תורתך שעשעי-- אז אבדתי בעניי |
93 Saankonto a pulos a lipaten dagiti pagannurotam, ta babaen kadagitoy ket pinagtalinaednak a sibibiag.
| לעולם לא-אשכח פקודיך כי בם חייתני |
94 Kukuanak; isalakannak, ta birbirukek dagiti pagannurotam.
| לך-אני הושיעני כי פקודיך דרשתי |
95 Agsagsagana dagiti nadangkes a mangdadael kaniak, ngem ikagumaak nga awaten dagiti bilbilinmo iti tulagmo.
| לי קוו רשעים לאבדני עדתיך אתבונן |
96 Nakitak nga adda pagpatinggaanna dagiti amin a banbanag, ngem nalawa dagiti bilbilinmo, awan patinggana. MEM
| לכל-תכלה ראיתי קץ רחבה מצותך מאד |
97 O anian nga ay-ayatek ti lintegmo! Agmalmalem nga ut-utubek daytoy.
| מה-אהבתי תורתך כל-היום היא שיחתי |
98 Pagbalbalinennak a nasirsirib dagiti bilbilinmo ngem dagiti kabusorko, ta kanayon nga adda kaniak dagiti bilbilinmo.
| מאיבי תחכמני מצותך כי לעולם היא-לי |
99 Ad-adda ti panakaawatko ngem dagiti amin a manursurok, ta ut-utubek dagiti bilbilinmo iti tulagmo.
| מכל-מלמדי השכלתי כי עדותיך שיחה לי |
100 Ad-adda a maawatak ngem kadagiti natataengan ngem siak; gapu ta tinungpalko dagiti pagannurotam.
| מזקנים אתבונן כי פקודיך נצרתי |
101 Inlisik dagiti sakak iti tunggal dakes a dalan tapno maaramidko ti saom.
| מכל-ארח רע כלאתי רגלי-- למען אשמר דברך |
102 Saanak nga immadayo kadagiti nalinteg a pangngeddengmo, ta binilbilinnak.
| ממשפטיך לא-סרתי כי-אתה הורתני |
103 Anian a nagsam-it dagiti sasaom iti panagramanko, wen, nasamsam-it ngem diro iti ngiwatko!
| מה-נמלצו לחכי אמרתך-- מדבש לפי |
104 Babaen kadagiti pagannurotam, nakagun-odak iti pannakaammo; ngarud, kagurak amin a palso a wagas. NUN.
| מפקודיך אתבונן על כן שנאתי כל-ארח שקר |
105 Ti saom ket silaw dagiti sakak ken lawag ti dalanko.
| נר-לרגלי דברך ואור לנתיבתי |
106 Insapatak, ken pinasingkedak daytoy, a tungpalek dagiti bilbilinmo.
| נשבעתי ואקימה-- לשמר משפטי צדקך |
107 Maparparigatak unay; pagtalenaedennak a sibibiag, O Yahweh, kas inkarim iti saom.
| נעניתי עד-מאד יהוה חיני כדברך |
108 O Yahweh, pangngaasim ta awatem ti situtulok a daton ti ngiwatko, ket isurom kaniak dagiti nalinteg a pangngeddengmo.
| נדבות פי רצה-נא יהוה ומשפטיך למדני |
109 Kankayon nga adda iti peggad ti biagko, ngem saanko a malipatan ti lintegmo.
| נפשי בכפי תמיד ותורתך לא שכחתי |
110 Nangisagana dagiti nadangkes iti palab-og para kaniak, ngem saanak nga immadayo manipud kadagiti pagannurotam.
| נתנו רשעים פח לי ומפקודיך לא תעיתי |
111 Tagikuaek dagiti bilbilinmo iti tulagmo kas tawidko iti agnanayon, ta dagitoy dagiti pakaragsakan ti pusok.
| נחלתי עדותיך לעולם כי-ששון לבי המה |
112 Nakasagana ti pusok nga agtulnog kadagiti alagadem iti agnanayon inggana iti panungpalan. SAMEKH.
| נטיתי לבי לעשות חקיך-- לעולם עקב |
113 Kagurak dagiti agduadua, ngem ay-ayatek ti lintegmo.
| סעפים שנאתי ותורתך אהבתי |
114 Sika ti paglemmengak ken kalasagko; Mangnamnamaak iti saom.
| סתרי ומגני אתה לדברך יחלתי |
115 Umadayokayo kaniak, dakayo nga agar-aramid iti kinadakes, tapno matungpalko dagiti bilbilin ti Diosko.
| סורו-ממני מרעים ואצרה מצות אלהי |
116 Papigsaennak babaen kadagiti sasaom tapno agbiagak ken saan a mapabainan ti namnamak.
| סמכני כאמרתך ואחיה ואל-תבישני משברי |
117 Saranayennak, ket natalgedakto; kanayonto nga utubek dagiti alagadem.
| סעדני ואושעה ואשעה בחקיך תמיד |
118 Ilaksidmo amin dagiti immadayo manipud kadagiti alagadem, ta manangallilaw ken saan a mapagtalkan dagidiay a tattao.
| סלית כל-שוגים מחקיך כי-שקר תרמיתם |
119 Ikkatem amin dagiti nadangkes iti daga a kasla ragas; ayatek ngarud dagiti pagannurotam.
| סגים--השבת כל-רשעי-ארץ לכן אהבתי עדתיך |
120 Agpigerger ti bagik iti panagbuteng kenka, ket agbutengak kadagiti nalinteg a pangngeddengmo. AYIN.
| סמר מפחדך בשרי וממשפטיך יראתי |
121 Aramidek no ania ti nalinteg ken umno; saannak a panawan kadagiti mangidadanes kaniak.
| עשיתי משפט וצדק בל-תניחני לעשקי |
122 Patalgedam ti pagimbagan ti adipenmo; saanmo nga itulok nga idadanesdak dagiti natangsit.
| ערב עבדך לטוב אל-יעשקני זדים |
123 Mabanbanogen dagiti matak nga agur-uray iti panagisalakanmo ken iti nalinteg a saom.
| עיני כלו לישועתך ולאמרת צדקך |
124 Ipakitam iti adipenmo ti kinapudnom iti tulagmo, ken isurom kaniak dagiti alagadem.
| עשה עם-עבדך כחסדך וחקיך למדני |
125 Siak ket adipenmo; ikkannak iti pannakaawat tapno maammoak dagiti bilbilinmo iti tulagmo.
| עבדך-אני הבינני ואדעה עדתיך |
126 Panawenen nga agtignay ni Yahweh, ta linabsing dagiti tattao ti lintegmo.
| עת לעשות ליהוה-- הפרו תורתך |
127 Pudno nga ay-ayatek dagiti bilbilinmo a nalablabes ngem balitok, nalablabes ngem puro a balitok.
| על-כן אהבתי מצותיך-- מזהב ומפז |
128 Ngarud, tungpalek a nasayaat dagiti amin a pagannurotam, ket guraek ti tunggal dalan ti kinapalso. PE.
| על-כן כל-פקודי כל ישרתי כל-ארח שקר שנאתי |
129 Nakakaskasdaaw dagiti paglintegam, isu't gapuna a tungtungpalek ida.
| פלאות עדותיך על-כן נצרתם נפשי |
130 Ti panangsukimat kadagiti sasaom ket mangmangted iti lawag; mangmangted daytoy iti pannakaawat kadagiti saan a nakasursuro.
| פתח דבריך יאיר מבין פתיים |
131 Agnganga ken agal-al-alak, ta mailiwak kadagiti bilbilinmo.
| פי-פערתי ואשאפה כי למצותיך יאבתי |
132 Talliawennak ken maasika kaniak, a kas kanayon nge ar-aramidem kadagiti mangay-ayat iti naganmo.
| פנה-אלי וחנני-- כמשפט לאהבי שמך |
133 Iturongmo dagiti addangko babaen iti saom; saanmo nga itulok nga iturayannak iti aniaman a basol.
| פעמי הכן באמרתך ואל-תשלט-בי כל-און |
134 Subbotennak manipud iti panangidadanes dagiti tattao tapno matungpalko dagiti pagannurotam.
| פדני מעשק אדם ואשמרה פקודיך |
135 Agraniag koma ti rupam iti adipenmo, ken isurom kaniak dagiti alagadem.
| פניך האר בעבדך ולמדני את-חקיך |
136 Agarubos dagiti luluak a kasla karayan manipud kadagiti matak gapu ta saan a tungtungpalen dagiti tattao ti lintegmo. TSADHE
| פלגי-מים ירדו עיני-- על לא-שמרו תורתך |
137 Nalintegka, O Yahweh, ket awan idumduma dagiti bilbilinmo.
| צדיק אתה יהוה וישר משפטיך |
138 Intedmo dagiti bilbilinmo iti tulagmo a sililinteg ken sipupudno.
| צוית צדק עדתיך ואמונה מאד |
139 Dinadaelnak ti pungtot gapu ta nalipatan dagiti kabusorko dagiti sasaom.
| צמתתני קנאתי כי-שכחו דבריך צרי |
140 Pudno unay dagiti sasaom, ket ay-ayaten daytoy ti adipenmo.
| צרופה אמרתך מאד ועבדך אהבה |
141 Saanak a napateg ken maum-umsiak, ngem saanko latta a malipatan dagiti pagannurotam.
| צעיר אנכי ונבזה פקדיך לא שכחתי |
142 Agnanayon nga umno ti panangukommo, ken mapagtalkan ti lintegmo.
| צדקתך צדק לעולם ותורתך אמת |
143 Uray no masarakannak ti rigat ken tuok, pakaragsakak latta dagiti bilbilinmo.
| צר-ומצוק מצאוני מצותיך שעשעי |
144 Agnanayon a nalinteg dagiti bilbilinmo iti tulagmo; ikkannak iti pannakaawat tapno agbiagak. QOPH.
| צדק עדותיך לעולם הבינני ואחיה |
145 Immawagak iti amin a pusok, “Sungbatannak, O Yahweh, salimetmetak dagiti alagadem.
| קראתי בכל-לב ענני יהוה חקיך אצרה |
146 Umawagak kenka; isalakannak, ket tungpalek dagiti bilbilinmo iti tulagmo.
| קראתיך הושיעני ואשמרה עדתיך |
147 Bumangonak sakbay nga aglawag iti agsapa ket dumawatak iti tulong. Mangnamnamaak kadagiti sasaom.
| קדמתי בנשף ואשועה לדבריך (לדברך) יחלתי |
148 Silulukat dagiti matak iti agpatpatnag tapno mabalinko nga utuben ti saom.
| קדמו עיני אשמרות-- לשיח באמרתך |
149 Denggem ti timekko gapu iti kinapudnom iti tulagmo, pagtalinaedennak a sibibiag, O Yahweh, a kas inkarim kadagiti nalinteg a pangngeddengmo.
| קולי שמעה כחסדך יהוה כמשפטך חיני |
150 Umas-asideg dagiti mangparparigat kaniak, ngem adayoda kadagiti lintegmo.
| קרבו רדפי זמה מתורתך רחקו |
151 Asidegka, O Yahweh, ket mapagtalkan dagiti amin a bilbilinmo.
| קרוב אתה יהוה וכל-מצותיך אמת |
152 Idi un-unana, naadalko kadagiti bilbilinmo iti tulagmo nga insaadmo dagitoy iti agnanayon. RESH.
| קדם ידעתי מעדתיך כי לעולם יסדתם |
153 Kitaem ti pannakaparigatko ket tulongannak, ta saanko a malipatan ti lintegmo.
| ראה-עניי וחלצני כי-תורתך לא שכחתי |
154 Ikanawanak ken subbotennak; saluadannak, kas inkarim iti saom.
| ריבה ריבי וגאלני לאמרתך חיני |
155 Adayo ti pannakaisalakan kadagiti nadangkes, ta saanda nga ay-ayaten dagiti alagadem.
| רחוק מרשעים ישועה כי חקיך לא דרשו |
156 Naindaklan ti kinamanangngaasim, O Yahweh; pagtalinaedennak a sibibiag, kas kankanayon nga ar-aramidem.
| רחמיך רבים יהוה כמשפטיך חיני |
157 Adu dagiti mangidadanes ken kabusorko, ngem saanko latta a tinallikudan dagiti bilbilinmo iti tulagmo.
| רבים רדפי וצרי מעדותיך לא נטיתי |
158 Kitkitaek dagiti manangallilaw nga addaan rurod gapu ta saanda a tungtungpalen ti saom.
| ראיתי בגדים ואתקוטטה-- אשר אמרתך לא שמרו |
159 Kitaem no kasano ti panagayatko kadagiti pagannurotam; pagtalinaedennak a sibibiag, O Yahweh, kas inkarim iti kinapudnom iti tulagmo.
| ראה כי-פקודיך אהבתי יהוה כחסדך חיני |
160 Naan-anay ti kinapudno ti saom; tunggal bilinmo ket agpa-ut iti agnanayon. SHIN
| ראש-דברך אמת ולעולם כל-משפט צדקך |
161 Parparigatendak dagiti prinsipe nga awan gapgapuna; agkebba-kebba ti pusok, mabuteng a manglabsing iti saom.
| שרים רדפוני חנם ומדבריך (ומדברך) פחד לבי |
162 Agrag-oak iti saom a kasla maysa a tao a nakasarak iti nawadwad a kinabaknang.
| שש אנכי על-אמרתך-- כמוצא שלל רב |
163 Kagurak ken umsiek ti kinapalso, ngem ay-ayatek ti lintegmo.
| שקר שנאתי ואתעבה תורתך אהבתי |
164 Maminpito iti maysa nga aldaw a daydayawenka gapu kadagiti nalinteg a pangngeddengmo.
| שבע ביום הללתיך-- על משפטי צדקך |
165 Naindaklan a kapia ti adda kadakuada; dagiti mangay-ayat iti lintegmo; awan iti makaitibkol kadakuada.
| שלום רב לאהבי תורתך ואין-למו מכשול |
166 Ur-urayek ti panangisalakanmo, O Yahweh, ket agtulnogak kadagiti bilbilinmo.
| שברתי לישועתך יהוה ומצותיך עשיתי |
167 Tungtungpalek dagiti napudno a bilbilinmo, ket ay-ayatek unay dagitoy.
| שמרה נפשי עדתיך ואהבם מאד |
168 Tungtungpalek dagiti pagannurotam ken dagiti npudno a bilbilinmo, ta ammom amin dagiti ar-aramidek. TAV.
| שמרתי פקודיך ועדתיך כי כל-דרכי נגדך |
169 Denggem ti un-unnoyko a dumawdawat iti tulong, O Yahweh, ikkannak iti pannakaawat iti saom.
| תקרב רנתי לפניך יהוה כדברך הבינני |
170 Dumanon koma ti pakaasik iti sangoanam; tulongannak, a kas inkarim iti saom.
| תבוא תחנתי לפניך כאמרתך הצילני |
171 Mangibuyat koma iti panagdayaw dagiti bibigko, ta insurom kaniak dagiti alagadem.
| תבענה שפתי תהלה כי תלמדני חקיך |
172 Agkanta koma ti dilak maipanggep iti saom, ta umno amin dagiti bilbilinmo.
| תען לשוני אמרתך כי כל-מצותיך צדק |
173 Tulongannak koma dagiti imam, ta pinilik dagiti pagannurotam.
| תהי-ידך לעזרני כי פקודיך בחרתי |
174 Kalkalikagumak ti panangispalmo, O Yahweh, ket pakaragsakak ti lintegmo.
| תאבתי לישועתך יהוה ותורתך שעשעי |
175 Mataginayonak koma nga agbiag ken agdayaw kenka, ket tulongannak koma dagiti nalinteg a pangngeddengmo.
| תחי-נפשי ותהללך ומשפטך יעזרני |
176 Naiyaw-awanak a kasla napukaw a karnero; birukem ti adipenmo, ta saanko a nalipatan dagiti bilbilinmo.
| תעיתי-- כשה אבד בקש עבדך כי מצותיך לא שכחתי |
